Yeremia 31:6 - Baibuli Ekibono kya Katonda 2014

⁶ Bwenebwene ekiseera kiri kwidha, abakuumi beete nga bali ku nsozi edh'e Efuraimu bati, ‘Mwidhe tuniineniine Sioni, tuje eri Musengwa Katonda waife.’ ”

Yeremia 31:6 ပူးပေါင်းရင်းမြစ်များ

2 Ebyomubyanda 13:4

Abiya yaaniina ku lusozi Zemaraimu olw'omu kiketezo kya Efuraimu eky'oku nsozi, yaakoba ati: “Iwe Yeroboamu, n'imwe Abaisiraeli mwenamwena, muwulire bye nkoba.

Ezera 1:5

Agho abakulu b'enda dha baiseibwe mu bika, ekya Yuda n'ekya Benjamini, ni bakabona, n'Abalevi abandi, na buli muntu yeenayeena Katonda ye yaleetera okwenda okuja, baasituka okuja okuzimba obuyaaka eisinzizo lya Musengwa Katonda mu Yerusalemu.

Zabbuli 84:5

Ba nkabi abo abafuna amaani okuva y'eiwe, era ng'olugendo olw'okuja e Sioni lubali ku mwoyo.

Isaia 27:13

Ku lunaku olwo, eigwala lirivuga n'amaani, okweta Abaisiraeli boonaboona abaliba mu Assiria ni mu Misiri, baidha baasinza Musengwa Katonda ku lusozi olutukuvu mu Yerusalemu.

Isaia 40:9

Iwe aleetera Sioni amawulire amalungi, niina ghaigulu ku lusozi oluleeyi. Iwe aleetera Yerusalemu amawulire amalungi, kangula ku mamiro, oyogere n'amaani. Okobe ab'omu bibuga by'e Buyudaaya, oti: “Mubone, Katonda waimwe wuuyo aidha!”

Isaia 62:6

Iwe Yerusalemu, ntaire abakuumi ku bimante byo, abataidha kusirikanga omusana n'obwire. Bateekwa okwidhukizanga Musengwa Katonda atuukirize bye yasuubiza, nga tibawuumulamu naire.

Yeremia 3:14

Imwe abantu abatali beesigwa, mwire ye ndi, kuba ninze musengwa waimwe. Ndidha kutoolanga omuntu mulala mulala okuva mu buli kibuga, era ntoole abantu babiri babiri okuva mu buli maka, mbaleete e Sioni.’ ”

Yeremia 31:12

Baliidha baayemba n'amaani nga basagamba ku lusozi Sioni. Era baaba basangaavu olw'ebirabo bye mbagha: engaano, omwenge ogw'emizabbibu, omuzigo ogw'ebibala eby'emiti emyoliva, entaama, n'ente. Baliba ng'oti n'enimiro efukirirwa amaadhi obukalamu, era nga tibadhulirira kintu kyonakyona.

Yeremia 50:19

Ndiizaayo Abaisiraeli mu nsi yaibwe, baalya emere erimwa ku lusozi Karumeli, ni mu kiketezo ky'e Bashani. Era balirya nga bwe benda, ku bibala ebirimwa mu kiketezo kya Efuraimu ni mu kya Gileadi.

Yeremia 6:17

Agho Musengwa Katonda yaabateeragho abakuumi, yaabakoba ati: “Muwulirise eigwala bwe banaalifuuwa okubalabula.” Aye baakoba bati: “Titwidha kuwulirisa.”

Ezekieli 3:17

“Iwe omuntu, nkutairegho obe omukuumi ow'abantu b'omu Isiraeli. Buli lw'onaawuliranga bye nkoba, ng'olwo oja obatuusaaku okulabula kwange kwe nnaabanga nkutumye.

Ezekieli 33:2

“Iwe omuntu, kobera abantu b'eighanga lyo oti bweghabaagho ensi ye nsidikira olutalo, memale abantu ab'ensi eyo ni balonda munaibwe mulala ni bamufuula omukuumi, oyo ye balonze ati bw'ali n'okukola:

Hosea 1:11

Abantu ab'omu Buyudaaya n'ab'omu Isiraeli baliiramu okuba aghalala, beerondera omukulembeze mulala. Era ebintu biriiramu okubajiira obukalamu mu nsi yaibwe. Bwenebwene olunaku lw'e Yezireeli luliba lukologho inho.

Hosea 9:8

Nze, ninze omulanzi Katonda ye yatuma, ndabule abantu be Abaisiraeli. Aye buli ghe nja bantega emitego mu ngira ng'oti nhonhi. Ni mu isinzizo lya Katonda lyene, mwona abantu baba bazigu ba mulanzi.