Yeremia 31:5 - Baibuli Ekibono kya Katonda 2014

⁵ Muliiramu kabiri okusimba amasamba ag'emizabbibu ku nsozi dh'e Samaria, era abo abaligasimba balirya ku bibala ebigavaamu.

Yeremia 31:5 ပူးပေါင်းရင်းမြစ်များ

Zabbuli 107:37

baasiga enimiro edha buli nsambo, baasimba n'amasamba ag'emizabbibu, era baafuna amakungula mangi inho.

Yeremia 32:15

Musengwa Katonda oyo Afuga Amagye, Katonda wa Isiraeli, akobye ati endhu, n'ebibandha, n'amasamba g'emizabbibu, biriiramu kabiri okugulwa mu nsi eno.”

Ezekieli 28:26

Baligibaamu mu miraala, baazimba amayumba, baasimba n'amasamba ag'emizabbibu. Baliba mu miraala bwe ndisala omusango ni mbonereza baliraanwa baibwe boonaboona abaabanhoomanga. Olwo balimanha nga ninze Musengwa Katonda.”

Ezekieli 36:8

Aye imwe ensozi edh'omu Isiraeli, mulimeraku emiti, gyataaku n'ebibala, ku lw'abantu bange Abaisiraeli abali kumpi okwira eka.

Amosi 9:14

Ndidha kwirizaagho abantu bange Abaisiraeli ebirungi. Baidha kwiramu okuzimba ebibuga byaibwe ebyazikirizibwa era babityamemu. Baidha kusimbanga amasamba ag'emizabbibu, era banhwenga omwenge ogugivaamu. Baidha kulimanga emere era bagirye.

Obadia 1:19

Abaisiraeli ab'omu kiketezo ekikalukalu eky'oku luuyi olw'omukono omusaadha olw'e buvandhuba, baja kunhaga Edomu. Ab'omu biketezo eby'omu biiko baja kutwala ekiketezo Filisitia. Abandi baja kutwala ebiketezo Efuraimu ni Samaria. Olwo Ababenjamini batwale ekiketezo Gileadi.

Mika 1:6

Kyova Musengwa Katonda akoba ati: “Nja kufuula Samaria kibe mmungo ya bifunfugu ebiri eyo mu nsiko, kibe ekifo ekigwaine obw'okusimbamu amasamba g'emizabbibu. Amabaale ge baazimbisa endhu dhaamu nja kugayugha ere mu kiiko, emisingi gyadho gisigale agho nga gidangalaire?

Mika 4:4

Buli muntu aidha kuwuliranga emiraala ng'ali mu masamba ge ag'emizabbibu n'ag'emiti emitiini, nga ghazira muntu yeenayeena amutiisa naire. Kuba Musengwa Katonda afuga amagye, mwene n'akobye.

Zekaria 3:10

Okuva olunaku olwo, buli muntu alyetanga mwine aje ewuwe awuumulireku mu isamba lye ery'emizabbibu n'ery'emitiini.”

Amateeka Agokubiri 20:6

Ghano ghaligho omuntu eyaakasimba eisamba ery'emizabbibu, aye ng'akaali kukungulamu bibala? Bw'aba ng'aligho, aireyo eka. Kuba tomanha bw'afiira mu lutalo, omuntu owundi n'akungula bibala ebyo.

Amateeka Agokubiri 28:30

“Mwidha kwandhulanga abakazi, aye abasaadha abandi n'abaidhanga okubatwala babe nabo. Mwidha kuzimbanga endhu, aye mulobe kudhibangamu. Era mwidha kusimbanga amasamba g'emizabbibu, aye mulobe kukungulanga ku bibala byago.

1 Samueli 21:5

Daudi yaamwiramu ati: “Mu butuufu, buli lwe tuja okukola kye batutumye, tituganha bakazi kuseeta ye tuli. Ate oba abasaadha bange beekuuma nga balongoofu nga tuli kuja mu lugendo ni bwe luba olwabuliidho, memale luno tibaasinzeegho inho?”