Yeremia 31:3 - Baibuli Ekibono kya Katonda 2014

³ nze nababonekera nga ndi ghala okuva ghe baali. Imwe Abaisiraeli, nze nava ira nga mbagonza, era ndidha kweyongeranga okubagonza obutalekera.

Yeremia 31:3 ပူးပေါင်းရင်းမြစ်များ

1 Bakyabazinga 10:9

Musengwa Katonda wo asaakibwe, eyayoleka nga bw'akusiimye, n'akufuula kyabazinga wa Isiraeli. Musengwa Katonda oyo agonza inho Isiraeli, kyeyava n'akufuula kyabazinga, olamulenga mu mazima ni mu butuufu.”

Zabbuli 103:17

Aye abo abatya Musengwa Katonda, Musengwa Katonda oyo abagonza obutalekera ebyanda n'ebyanda. Obutukuvu bwe abwoleka ense n'ense,

Zabbuli 25:6

Wo Musengwa Katonda, oteerabira nga bw'obairenga ng'otusaasira era ng'otugonza inho, okuva eira n'eira.

Olwembo 1:4

Ntwala y'oli kuja tuve ghano mangu, onhingize ewuwo iwe kyabazinga wange. Twidha kusangaala tusagambire ghalala n'iwe; era tusaake inho okugonza kwo, kuba kusinga omwenge ogw'emizabbibu. Abakwegomba batuufu okukwegombanga.

Isaia 43:4

Ndighaayo abantu kamaala olw'okukuzaawula, era naaghaayo amaghanga mangi ku lw'obulamu bwo; kuba nkugonza inho era nkutwala ng'oli wa mughendo era wa kitiibwa ye ndi.

Isaia 45:17

Aye Musengwa Katonda buliidho aidha kulokolanga Isiraeli. Imwe Abaisiraeli ensoni tidhiribagema waire okuswazibwaswazibwa ebyanda n'ebyanda.’ ”

Isaia 49:14

Aye abantu b'e Yerusalemu baakoba bati: ‘Musengwa Katonda atulekuliire agho, era atwerabiire.’

Hosea 11:1

Musengwa Katonda akoba ati: “Isiraeli bwe yali omuto namugonzanga, naamweta okuva e Misiri nga mwana wange.

Hosea 11:4

Nabatwalanga na kisa, naabaleeteranga okwidha ye ndi nga mbagonza. Nabaghembereranga ng'oti n'aghemberera omwana okumusirisaagho, era naakutamanga okubaliisa.

Malaki 1:2

Musengwa Katonda akoba ati: “Imwe bantu bange, nze nava ira nga mbagonza. Aye imwe mumala mwakoba muti, ‘Otugonza otya?’ ” Musengwa Katonda oyo yaayongera okukoba ati: “Esau muganda wa Yakobo.

Ab'e Roma 8:30

Abo Katonda be yategeka, yabeeta, era abo be yayeta be yafuula abatuukirivu era abo be yafuula abatuukirivu, yabagha ekitiisa.

Ab'e Roma 9:13

Kuba kyaghandiikibwa kiti: “Nagonza Yakobo aye naakyagha Esau.”

Amateeka Agokubiri 10:15

Aye Musengwa Katonda yagonza inho badhaadha baimwe, kyeyava n'alonda imwe baidhukulu baibwe mu b'amaghanga agandi goonagoona. Era n'okutuusa mpegaano mukaali abantu be abalondemu.

Amateeka Agokubiri 33:26

Imwe Abaisiraeli, ezira katonda ali ng'oti ni Katonda waife, aseeyeeya ku igulu mu bire ng'ali mu kitiisa eky'obwakyabazinga, n'aidha okubabeera.

Amateeka Agokubiri 33:3

Bwenebwene agonza abantu be, era yaakuuma abo be yalondamu. Batyama gha bigere bye okuwulira ebibono bye.

Amateeka Agokubiri 4:37

Olw'okugonza badhaadha baimwe, yalonda imwe baidhukulu baibwe, era yaakozesa obuyinza bwe obungi, mwene yaabatoola mu Misiri.

2 Timotheo 1:9

Ono yatulokola era yaatweta okuba ababe. Kino tiyakikola lwa bikolwa bye twakola, aye olw'ekigendererwa kye mwene era n'olw'ekisa, kye yatulaga mu Kurisito Yesu okuva eira n'eira.

Yakobo 1:18

Olw'okwenda kwe mwene yatutonda n'ekibono eky'amazima, olwo tutwale ekifo ekisooka mu bitonde bye.

1 Petero 1:3

Katonda Lata wa Musengwa waife Yesu Kurisito asaakibwe, kuba olw'okusaasira kwe okungi twazaalibwa buyaaka okufuna okusuubira okulamu, lwe yazuukiza Yesu Kurisito okuva mu bafu!

1 Yoanne 4:19

Tugonza kuba mwene n'eyasooka okutugonza.