Yeremia 30:7 - Baibuli Ekibono kya Katonda 2014

⁷ Tukagwireku! Olunaku olutiisa einho luli kwidha, era ezira lundi lw'olugerangeraniaku. Luliba lwa bulumi ku bantu bange, aye balirubitamu baabaagho.”

Yeremia 30:7 ပူးပေါင်းရင်းမြစ်များ

Amainhama 32:7

Yakobo yaatya inho era yeeraliikirira. Yaayawulamu ebikunsu bibiri mu bantu be yali nabo, era yaayawula ni mu byayo bye yali nabyo: entaama, n'embuzi, n'ente, n'engamiya.

Zabbuli 25:22

Wo Katonda wange, nunula Abaisiraeli abantu bo, obatoole mu bizibu byaibwe byonabyona.

Zabbuli 34:19

Ebizibu ebigwa ku batuufu biri kamaala, aye Musengwa Katonda abawonia yaatoolagho ebizibu byaibwe byonabyona.

Isaia 20:6

Olunaku olwo bwe lulituuka, abantu ababa ku mbali kw'enhandha balikoba bati, ‘Oboine ekituuse ku be twesigulirangaku tuti balituwonia kyabazinga w'e Assiria? Kale obwo ife tuliwona tutya?’ ”

Yeremia 14:8

Niiwe wenka eisuubi ly'Abaisiraeli; niiwe otuwonia mu biseera ebizibu. Lwaki oba mu nsi yaife ng'oti n'omuntu omusenze obusenze, era ng'oti n'omugeni omubise asula obw'olunaku olulala lwonka?

Yeremia 2:27

Mukoba omuti muti, ‘Niiwe iseife,’ n'eibaale muti, ‘Niiwe inhaife.’ Nze mwankuba bwa nkoone, mwaloba kukyukira ye ndi. Aye bwe muba mu buzibu, munsaba muti, ‘Idha otulokole.’

Yeremia 2:28

“Mpegaano emisambwa gyaimwe gye mwekolera giri gha? Kale ka gisituke gibalokole mu biseera ebizibu, bwe giba nga gisobola. Imwe abantu b'omu Buyudaaya, muli n'emisambwa egyagayaga n'ebibuga byaimwe obungi.

Yeremia 30:10

Kale ni, imwe abantu bange Abaisiraeli, mutatya, waire okweraliikirira. Mubone eno, nze ndibanunula, naabatoola mu nsi eyo ey'eghala, ensi ye mulimu ng'abasibe. Muliira ewaimwe mwatyama mwatereera nga muli mu miraala, era nga ghazira kibatiisa naire.

Okulira 1:12

“Imwe mwenamwena abali kubitagho muuningirire, mubone. Ghazira kye mwegamu? Mubonangaku obughafu ng'oti n'obwange bwe ndimu? Musengwa Katonda n'eyansuula mu bughafu buno ng'asungughaire ekibitiriire.

Okulira 2:13

Abantu ab'e Yerusalemu, imwe be ngonza oti ki, nkobe ki? Mbageze ku ki? Mbafaananie ki imwe, ekinaabaleetera okusaasirwa? Okuzikirizibwa kwaimwe tikwakukoma oti n'amaadhi ag'enhandha agaidha ni gaabeeyaagho obweye; ghazira aghanga kwizaagho bintu byazikirizibwa.

Okulira 4:6

Ekibonerezo abantu bange kye baafuna kinene okusinga ekibonerezo ekyagheebwa Sodoma, Katonda kye yazikiriza mu kaseera akazira ghe kaaga.

Danieli 12:1

Malaika yaayongera okukoba ati: “Mu kiseera ekyo, Mikaeli, malaika oyo omukologho omukuumi w'abantu bo, aliboneka. Olwo ghalibaagho ekiseera ekizibu ekitabangaghooku kasookanga nsi dhibaagho. Era ekiseera ekyo bwe kirituuka, abantu bo abo beene maina agaliba nga gaaghandiikibwa mu kitabo kya Katonda, n'abalirokolebwa.

Danieli 9:12

Otuukiriiza ekyo kye watwesoomera okutukola ife n'abafuzi abatufuga waatutuusaaku akabi akataloodheka, kuba wabonereza Yerusalemu ekibitiriire okusinga ebibuga ebindi byonabyona ebiri ghansi gh'eigulu.

Hosea 1:11

Abantu ab'omu Buyudaaya n'ab'omu Isiraeli baliiramu okuba aghalala, beerondera omukulembeze mulala. Era ebintu biriiramu okubajiira obukalamu mu nsi yaibwe. Bwenebwene olunaku lw'e Yezireeli luliba lukologho inho.

Yoeli 1:15

Tukagwireku! Olunaku lwa Musengwa Katonda luli kumpi; olunaku oyo Aghanga Ebintu Byonabyona lw'alireeteraku okuzikirira.

Yoeli 1:2

Imwe abantu abakaire, muwulire kino imwe mwenamwena ab'omu mu Buyudaaya, mutege amatu. Ekintu ng'oti ni kino kibangaghooku mu biseera byaimwe oba mu bya badhaadha baimwe?

Yoeli 2:11

Musengwa Katonda atyabuka ng'oti lukuba, yaagha eigye lye ebiragiro. Ebikunsu by'abaisirukale be ebingi era eby'amaani, bigondera ebiragiro bye. Bwenebwene olunaku lwa Musengwa Katonda nga lutiisa! Naani aliruwona?

Yoeli 2:31

Endhuba erifuuka nzikiiza, n'omwezi gwamyuka ng'oti musaayi, memale olunaku lwa Musengwa Katonda olukulu era olw'entiisa lwatuuka.

Mika 4:9

Yerusalemu, lwaki olira n'owowoola? Lwaki osinda ng'oti n'omukazi ali kulumwa okuzaala? Lwa kubula kyabazinga? Lwa kuba tokaali na bakugha magezi?

Habakkuku 3:16

Bwe mpulira ebyo byonabyona ndhugumira, n'ensaya dhantengera olw'okutya. Amagumba gange gaanafugha, n'ebigere byange byatengeeta ku itaka. Ndidha kusirika nteegerere olunaku Katonda lw'alituusa obuzibu ku abo abatulumba.

Zekaria 14:7

Era teribaayo nzikiiza. Bulibanga musana ekiseera kyonakyona. Ni mu kiseera eky'obwire, ghalibangagho butangaavu ng'oti musana. Aye Musengwa Katonda yenka naidhi ekiseera ekyo ghe kiribeeragho.

Malaki 4:1

Musengwa Katonda Afuga Amagye akoba ati: “Olunaku luli kwidha abo abeetwala okuba aba ghaigulu n'abakozi ab'ebibi, lwe baliya ng'oti isubi ikalu. Ku lunaku olwo baliya ensaga n'emizi, okutuuka okuweekereragho.

Mariko 13:19

“Kuba mu nnaku edho mulibaamu ebibonoobono ebitabangaghooku okuva Katonda lwe yatonda ebitonde n'okutuusa mperaano, era ebitalibaagho.

Ebikolwa by'Abatume 2:20

Endhuba erizikira, Omwezi gwamyuka oti musaayi, memale olunaku lwa Musengwa olukulu era olw'ekitiisa lwatuuka.

Ab'e Roma 11:26

Olwo ni Isiraeli yeenayeena alirokolebwa nga bwe kyaghandiikibwa kiti: “Omulokozi aliva mu Sioni, oyo n'alitoola baidhukulu ba Yakobo mu kwonoona kwaibwe.

Okwolekebwa 6:17

kuba olunaku olw'obusungu bwayo lutuuse, naani asobola okuwona?”