Yeremia 30:3 - Baibuli Ekibono kya Katonda 2014

³ kuba bona eno, ekiseera kiri kwidha lwe ndireetera abantu bange Abaisiraeli n'Abayudaaya ebintu okwiramu okubajiiranga obukalamu. Ndibaiza mu nsi ye nagha badhaadha baibwe, era bairamu okugitwala yaaba yaibwe ku bwaibwe. Nze Musengwa Katonda, ninze nkobye.”

Yeremia 30:3 ပူးပေါင်းရင်းမြစ်များ

Ezera 3:1

Mu mwezi ogwomusanvu ng'Abaisiraeli boonaboona bamaze okuja mu bibuga byaibwe era nga batyaime batereire, beesololeza e Yerusalemu boonaboona nga bali kitole.

Ezera 3:12

Aye bangi ku bakabona, n'Abalevi, n'abakulu ab'enda dha baiseibwe, abaali abakulu mu myaka nga n'abaabona ku isinzizo eryasooka, bwe baabona omusingi ogwo nga guli kuteebwagho, baawowoola amaziga. Aye abandi abaali agho, baakuba emizira olw'eisanhu.

Ezera 3:8

Mu mwezi ogwokubiri ogw'omwaka ogwokubiri nga bamaze okutuuka mu kifo aghaali eisinzizo lya Katonda e Yerusalemu, Zerubbabeli mutabane wa Shealutieli ni Yeshua mutabane wa Yozadaki, beeyimba ku Baisiraeli banaibwe, bakabona, Abalevi, ni boonaboona abaira e Yerusalemu nga baava mu bunhage. Agho baatoolera omulimo ogw'okuzimba. Baalonda Abalevi abaali bagheziiza emyaka amakumi abiri egy'obukulu n'okusingagho, balabirirenga omulimo ogwo ogw'okwiramu okuzimba eisinzizo lya Musengwa Katonda.

Zabbuli 126:4

Wo Musengwa Katonda, twirizeegho Sioni nga bwe kyalinga eira, ng'oti bw'oiza amaadhi ni gaidha mu miiga egyakala mu kiketezo kya Buyudaaya ekikalukalu eky'oku luuyi olw'omukono omusaadha olw'e buvandhuba.

Zabbuli 53:6

Katonda agwananga yaaleetagho alizaawula Isiraeli ng'ava mu Sioni! Katonda oyo bw'aliiriza abantu be obukombe, aba Yakobo balisagamba, aba Isiraeli baasangaala.

Yeremia 16:15

Aye mulayirenga mu liina lyange nga Katonda omulamu eyatoola Abaisiraeli mu nsi eri ku luuyi lw'omukono omugooda olw'e buvandhuba, ni mu nsi edhindi dhoonadhoona ye nali mbabingiire kuba nja kubaiza mu nsi yaibwe ye nagha badhaadha baibwe. Nze Musengwa Katonda, ninze nkobye.”

Yeremia 23:5

Musengwa Katonda era yaakoba ati: “Bona eno, ekiseera kiri kwidha, nteegho omwidhukulu omutuufu owa Daudi abe kyabazinga. Aja kufuganga n'amagezi era aidha kukolanga amazima n'ebituufu mu nsi ye.

Yeremia 27:11

Aye abantu ab'eighanga, abaliganha okufugibwa kyabazinga Nebukadinezzari ow'e Babilonia, ni bagonda ng'oti n'ensolo bw'egonda n'evaala mu nkoto ekikoligo kya musengwa waayo, ndibaleka baasigala mu nsi yaibwe, baagirimamu emere era baatyama baatereera. Nze Musengwa Katonda, ninze nkobye.”

Yeremia 27:22

Biidha kutwalibwa e Babilonia, era bisigale eyo okutuusa lwe ndiiramu kabiri okubirowoozaaku, ni mbiiza mu kifo kino. Nze Musengwa Katonda, ninze nkobye.”

Yeremia 29:10

“Musengwa Katonda akoba ati, ‘Emyaka ensanvu gye nagha Babilonia okubafugiramu bwe giriwaaku, imwe ndibooleka nga bwe mbalumirwa, naatuukiriza kye nasuubiza eky'okubaiza eka.

Yeremia 29:14

Bwenebwene mulimbona, naabaleetera ebintu byairamu okubajiiranga obukalamu. Era naabasoloza okuva mu nsi dhoonadhoona ni mu bifo byonabyona mwe nababingira, naabaiza mu nsi mwe nabatoola okubasindika mu bunhage. Nze Musengwa Katonda, ninze nkobye.’

Yeremia 3:18

Mu nnaku edho abantu b'omu Buyudaaya balyeyimba ku b'omu Isiraeli, baajiira ghalala okuva mu bunhage mu nsi eri ku luuyi olw'omukono omugooda olw'e buvandhuba, baingira mu nsi ye nagha badhaadha baimwe nga yaibwe ku bwaibwe.”

Yeremia 30:10

Kale ni, imwe abantu bange Abaisiraeli, mutatya, waire okweraliikirira. Mubone eno, nze ndibanunula, naabatoola mu nsi eyo ey'eghala, ensi ye mulimu ng'abasibe. Muliira ewaimwe mwatyama mwatereera nga muli mu miraala, era nga ghazira kibatiisa naire.

Yeremia 30:18

Musengwa Katonda era akoba ati: “Bona, ndiizaagho abantu bange, naabaiza mu nsi yaibwe, era buli maka naagagemerwa ekivunika. Ekibuga Yerusalemu baliiramu okukizimba kabiri ku kasozi kaakyo, n'ekisaagaati kyakyo baakiizaagho mu kifo kyakyo.

Yeremia 30:4

Musengwa Katonda akoba abantu b'omu Isiraeli n'ab'omu Buyudaaya ati:

Yeremia 31:16

Aye nze Musengwa Katonda nkoba nti lekera agho okulira, weeyeye amaziga mu maiso. Byonabyona bye wakolera abaana bo biidha kukusasulwamu empeera, kuba baliira okuva mu nsi ey'abazigu.

Yeremia 31:23

Musengwa Katonda Afuga Amagye, Katonda wa Isiraeli, akoba ati: “Bwendiiza abantu bange mu nsi yaibwe, mu Buyudaaya ni mu bibuga byayo, ni mbaleetera ebintu kabiri okubajiiranga obukalamu, baliiramu okukobanga bati, ‘Musengwa Katonda akughe enkabi iwe olusozi olutukuvu, iwe ekifo ekitukuvu Musengwa Katonda mw'aba.’

Yeremia 31:27

“Nze Musengwa Katonda nkoba nti ekiseera kiri kwidha, ndidhuze Isiraeli ni Buyudaaya abantu n'ensolo.

Yeremia 31:31

Musengwa Katonda akoba ati: “Bona eno, ekiseera kiri kwidha nkole endagaano empyaka n'abantu ab'omu Isiraeli n'ab'omu Buyudaaya.

Yeremia 31:38

Musengwa Katonda era akoba ati: “Ekiseera kiri kwidha bairemu okuzimba ekibuga Yerusalemu, okuva ku kituuti ekyetebwa ekya Hananeli mu bugwandhuba, okutuuka ku gwetebwa Omulyango ogw'omu Nsonda.

Yeremia 32:37

Bona, ndidha kusoloza abantu bange okuva mu nsi dhoonadhoona ye nabasansaaniza nga mbasungughaliire ebitaloodheka, mbaize mu kifo kino era mbaleetere okukibaamu mu miraala.

Yeremia 32:44

Abantu baidha kugulanga ebibandha, batenga ku ndagaano emikono era badhisibengaku obumanhiso nga ghaligho n'abadhulizi. Ebyo biidha kubangagho mu biketezo bya Benjamini, ni mu byalo ebyezungulwire Yerusalemu, ni mu bibuga eby'omu Buyudaaya, ni mu bibuga eby'omu biketezo eby'oku nsozi, ni mu bibuga eby'omu biketezo eby'omu biiko, ni mu bibuga eby'omu biketezo bya Buyudaaya ebikalukalu ebiri ku luuyi olw'omukono omusaadha olw'e buvandhuba. Ndiizaagho abantu mu nsi yaibwe, naabaleetera ebintu kabiri okubajiiranga obukalamu. Nze Musengwa Katonda, ninze nkobye.”

Yeremia 33:26

Kale ni ng'endagaano eyo bw'etasobola kumenhebwagho, zeena ntyo bwe ntalisobola kulekulira agho baidhukulu ba Yakobo n'aba Daudi omugheereza wange, ni ntalonda owundi ku baidhukulu be afugenga baidhukulu ba Aburahamu, n'aba Isaaka, n'aba Yakobo. Bwenebwene ndigemerwa abantu bange ekisa, naabaleetera ebintu byairamu okubajiiranga obukalamu.”

Yeremia 51:60

Naghandiika mu kitabo, byonabyona ebigema ku kuzikirizibwa okwali kuja okutuuka ku Babilonia, era ni bino byonabyona ebigema ku nsi Babilonia eyo

Ezekieli 20:42

Bwe ndibatuusa mu nsi Isiraeli, ensi ye nalayira okugha badhaadha baimwe, olwo mulimanha nga ninze Musengwa Katonda.

Ezekieli 34:13

Ndidhitoola eyo mu maghanga, naadhisoloza okuva mu nsi ye dhaasansaanira, naadhiiza mu nsi yaadho. Naadhaayiranga ku nsozi edh'omu Isiraeli, aghali ensulo edh'amaadhi, mu bifo ebibaamu abantu.

Ezekieli 36:24

Ndibatoolayo eyo mu maghanga, naabasolozaayo eyo mu nsi dhoonadhoona, naabaiza mu nsi eyaimwe.

Ezekieli 47:14

Nalayirira badhaadha baimwe okubagha ensi eno. Kale mugigabananga nga mwazayaza, yaafuuka eyaimwe ey'ensikirano.

Yoeli 3:1

Musengwa Katonda akoba ati: “Bona eno, mu kiseera ekyo kyene ndireetera abantu b'omu Buyudaaya n'ab'omu Yerusalemu, ebintu byairamu okubajiiranga obukalamu kabiri.

Zefania 2:7

Ekiketezo ekyo eky'oku nhandha kija kufuuka kya Bayudaaya. Eyo ye balyayiranga ebyayo byaibwe, era baasula mu ndhu edh'omu kibuga Ashikeloni kuba Musengwa Katonda waibwe aidha kubalabiriranga, abaleetere ebintu kabiri okubajiiranga obukalamu.

Zefania 3:20

Mu kiseera ekyo mwenamwena nja kubasololeza ghalala mbaize eka. Bwenebwene nja kubafuula bamanhifu era abasaakibwa mu nsi yoonayoona, era mbairizeegho ebirungi nga mwenamwena mubona.” Musengwa Katonda n'akobye.

Luka 17:22

Agho yaakoba Abeegeresebwa be ati: “Ekiseera kiri kwidha mwe mulyegombera okubona Omwana w'Omuntu waire olunaku olulala luti, aye nga timusobola.

Luka 19:43

kuba enaku dhiri kukwidhira abazigu bakusiteku olukomera, bakusibiremu bakuzingize ku ndhuyi dhoonadhoona.

Luka 21:6

“Ebiseera biidha, ebyo bye mubona ghalobe kubaagho ibaale lisigala ku liinaalyo nga tirisuuliibwa ghansi.”

Amateeka Agokubiri 30:3

Musengwa Katonda waimwe aidha kubagemerwanga ekivunika. Aidha kubasolozanga eyo mu maghanga goonagoona y'anaabasansaanizanga, abaize mwiremu okuba obukalamu.

Amateeka Agokubiri 30:5

yaabata mu nsi eyagheebwa badhaadha baimwe, olwo imwe mugitwale. Era yaabaleetera okuba n'ebirungi kamaala, n'okuba abangi okusinga badhaadha baimwe bwe baali.

Abaheburayi 8:8

Kuba Katonda anenia abantu be ng'akoba ati: “Musengwa akoba ati ekiseera kiri kwidha, mwe ndikolera endagaano empyaka n'abantu ba Isiraeli, era n'abantu ba Yuda