Yeremia 30:20 - Baibuli Ekibono kya Katonda 2014

²⁰ Baliiramu okuzaala abaana kamaala nga bwe baalinga eira, n'abantu beesolozanga okusinza mu maiso gange. Era ndibonereza abo ababakiriga.

Yeremia 30:20 ပူးပေါင်းရင်းမြစ်များ

Zabbuli 102:18

Bino ka bighandiikibwe, abaana ab'oluse oluliidha babisomeku, olwo abantu abakaali kuzaalibwa balisaaka Musengwa Katonda,

Zabbuli 102:28

Abaana b'abo abakutya baidha kubangagho ng'obakuuma, n'abaidhukulu baibwe boona baidha kubanga bagumu gh'oli.

Isaia 49:26

Abo abakukiriga iwe Yerusalemu ndibaleetera okwitagana beene na beene, baatamiira okuyugha omusaayi gw'abantu ng'oti bwe batamiira omwenge. Olwo abantu boonaboona balimanha nga ninze Musengwa Katonda Omulokozi era Omununuzi waimwe. Era balimanha nga ninze Katonda wa Isiraeli Aghanga Ebintu Byonabyona.”

Isaia 51:22

Musengwa Katonda oyo alwanirira abantu be akoba ati: “Mubone, mbatoire mu ngalo ekikopo eky'obusungu bwange obungi timukairamu kukinhwa kubaleetera kutagala.

Isaia 54:14

Okukola amazima n'obutuufu birikuleetera okuba ow'amaani. Oliwona okutuntuzibwa, era ebintu ebitiisa tibiriseeta gh'oli.

Yeremia 2:3

Iwe Isiraeli wali mutukuvu, ng'oli wange ku bwange ng'oti n'ebirime ebisooka okukungulwa. Nga kiisi akugemaku aba aiziiza omusango, era nga mmutuusaaku akabi.’ ”

Yeremia 30:16

Aye mpegaano imwe abantu bange mulobe kutya: Abo boonaboona ababaita, boona baliitibwa. Abazigu baimwe boonaboona balitwalibwa mu bunhage. Abo boonaboona ababatuntuza, boona balituntuzibwa. N'abo ababanhagaku ebyaimwe, boona balinhagibwaku ebyaibwe.

Yeremia 32:39

Ndibaleetera okweyimba ekitole era nga bali n'ekigendererwa kirala, eky'okuntaamu ekitiisa olubeerera ku lw'obulungi bwaibwe beene n'obwa baidhukulu baibwe.

Okulira 5:21

Wo Musengwa Katonda, twize y'oli, twidha kwira! Twirizeegho ekitiisa kyaife nga bwetwalinga eira.

Zekaria 10:6

Ndireetera abantu b'omu Buyudaaya okuba ab'amaani, era naawonia abantu b'omu Isiraeli abo okuzikirizibwa. Ndibagemerwa ekisa, naabaiza eka ewaibwe. Baliba ng'oti se tibalekulirangaku agho, kuba ninze Musengwa Katonda waibwe, era nze ndiiramu okusaba kwaibwe.

Zekaria 10:8

Ndifuuwa akaleetu okweta abantu bange abo, naabasololeza ghalala; kuba ninze nabanunula. Era ndibaleetera okwiramu okwala, baaba kamaala nga bwe baalinga eira.

Zekaria 8:5

Era enguudo dhaakyo dhiriiramu okwidhula abalenzi n'abaghala abali kuzaanha.