Yeremia 30:16 - Baibuli Ekibono kya Katonda 2014

¹⁶ Aye mpegaano imwe abantu bange mulobe kutya: Abo boonaboona ababaita, boona baliitibwa. Abazigu baimwe boonaboona balitwalibwa mu bunhage. Abo boonaboona ababatuntuza, boona balituntuzibwa. N'abo ababanhagaku ebyaimwe, boona balinhagibwaku ebyaibwe.

Yeremia 30:16 ပူးပေါင်းရင်းမြစ်များ

Zabbuli 129:5

Boonaboona abakyagha Sioni, bagwananga baabairirizaayo ekyeinhumainhuma baaswala.

Okuvaayo 23:22

“Aye bwe mwisaayo einho omwoyo okugondera by'akoba era ni mukola byonabyona bye mbalagira, ndidha kubanga muzigu wa bazigu baimwe era ndidha kulumbanga abo ababalumba.

Ensambo 22:23

Kuba Musengwa Katonda aja kubalwanirira, era aja kwesimba mu abo ababatiisatiisa.

Isaia 14:2

Amaghanga kamaala galiyamba Abaisiraeli okwirayo mu nsi yaibwe, Musengwa Katonda ye yabagha. Era abamaghanga agandi balifuuka bairu ba Baisiraeli abo, baabagheerezanga. Olwo abo abaatwala Abaisiraeli nga banhage baaba nga bafuulibwa okuba abanhage ab'Abaisiraeli abo. Era Abaisiraeli abo balifuganga abo abaabatuntuzanga.

Isaia 33:1

Mukagwireku imwe abazikiriza banaimwe, ate nga imwe ghazira abazikirizangaku; n'imwe abaghemukira abantu ni mubeefuulaku ate nga imwe ghazira abaghemukirangaku n'abeefuulaku. Ekiseera kyaimwe eky'okuzikiriza bwe kiriwaaku, olwo mwena balibazikiriza; era ekiseera kyaimwe eky'okughemukira abantu nga mubeefuulaku bwe kiriwaaku, olwo mwena balibaghemukira baabeefuulaku.

Isaia 54:15

Omuntu yeenayeena alikutanulaku olutalo, ti ninze ndiba nga mmuganhie akole atyo. Buli alikutanulaku olutalo olimughangula yaagwa ere.

Isaia 54:17

Aye tighalibaagho bya kulwanisa bye baligheesa birisobola kukulumya. Era kiisi aliwoza n'iwe olimusinga. Ndidha kulwaniriranga abagheereza bange, era mbaleeterenga okughangula.” Musengwa Katonda atyo bw'akoba.

Yeremia 10:25

Kyukiza obusungu bwo ku maghanga agatakusinza, ni ku bantu abo abaloba okukugondera; kuba baatwita ife abantu bo, baatuzikiriza okutumaliriragho, era baaleka ensi yaife ng'eri bifulukwa byereere.

Yeremia 12:14

Agho Musengwa Katonda yaakoba ati: “Kino kye ndidha okukola ab'omu maghanga agaliiraine Isiraeli agoonoona ensi ye nagha abantu bange Abaisiraeli. Ndidha kubatoola mu nsi dhaibwe, ng'oti n'omuntu bw'aiwululagho ekisimbe n'emizi gyakyo. Era ndiwonia Abayudaaya naabatoola mu ngalo dh'abantu abo ababi.

Yeremia 2:3

Iwe Isiraeli wali mutukuvu, ng'oli wange ku bwange ng'oti n'ebirime ebisooka okukungulwa. Nga kiisi akugemaku aba aiziiza omusango, era nga mmutuusaaku akabi.’ ”

Yeremia 25:12

Emyaka ensanvu egyo bwe giriwaayo, ndibonereza kyabazinga w'e Babilonia n'ab'omu ighanga eryo olw'ebibi byaibwe, naazikiriza ensi yaibwe yaasigala agho etyo ng'eri bwa bifulukwa byereere, ebyanda n'ebyanda.

Yeremia 30:15

Mulekere agho okwemuluguunhia olw'obulumi, kuba amabwa gaimwe tigasoboka kuwonezebwa. Nababonereza ntyo olw'ebibi byaimwe ebingi, n'olw'emisango gyaimwe egitaloodheka.

Yeremia 50:28

“Wulira! Abaalumwike e Babilonia ni bawona, baize e Yerusalemu baloodhe nga Musengwa Katonda waife bwe yeesasuuza olw'ebyo Abababilonia bye baakola eisinzizo lye.

Yeremia 8:16

Abazigu baife bamaze okutuuka mu kibuga ky'e Dani. Embalaasi dhaibwe tudhiwulira nga dhiri kugufula, era nga dhiri kukuba emyasi, n'ensi yoonayoona yaadhugumira. Abazigu baife bali kwidha okuzikiriza ensi yaife n'ebigirimu byonabyona, era bazikirize ebibuga byaife n'abantu ababirimu boonaboona.”

Okulira 1:21

Wulira nga bwe ndi kulira n'enaku nga ghazira na muntu wa kunsaasiraku. Abazigu bange boonaboona baawulira nga bwendi mu buzibu, era basangaavu okubona nga niiwe owabuntuusaaku. Wo Musengwa Katonda, tuusa mangu olunaku lwe wabeesoomera, era leka boona babe ng'oti ninze bwendi buti.

Okulira 1:22

Lingirira ebibi byaibwe byonabyona, obakole nga zeena kye wankola olw'ebibi byange byonabyona bye nakola; kuba ndi kulira n'enaku nnene era gampoire.”

Ezekieli 29:6

“Olwo abantu boonaboona ab'omu Misiri balimanha nga ninze Musengwa Katonda. “Nze Musengwa Katonda era nkoba imwe Abamisiri nti: Abaisiraeli baabeesiga, aye imwe mwababeera ng'oti mwigo gwa lugada.

Ezekieli 35:5

Wali n'enzigu ku Baisiraeli ey'olubeerera, wabaghaayo okwitibwa mu lutalo mu kiseera kye baabeera mu kabi, ekiseera eky'okubonerezebwa kwaibwe okusembayo.

Yoeli 3:8

Ndidha kuleetera batabane baimwe ni baghala baimwe okutundibwa mu Bayudaaya. Ate boona bamale babaguze Abasabea, eighanga eriri eyo eghala einho. Nze Musengwa Katonda, ninze nkobye.

Mika 4:11

Amaghanga kamaala geesoloiza okubalumba, nga gakoba gati: “Yerusalemu kizikirizibwe, tukibone nga kisigaire bifunfugu byereere.”

Mika 7:10

Ekyo abazigu baife baidha kukibona baswale abo abaatuyeeyerezanga nga bakoba bati: “Musengwa Katonda waimwe ali gha?” Tulisangaala okubona nga batyankirirwa mu nguudo ng'oti bityanka!

Nahumu 1:8

Aye abazigu be abazikiriza n'omwidhuzo ogw'amaadhi ag'amaani. Abo abamutakania abasindika mu nzikiiza ey'omu magombe.

Habakkuku 2:16

N'imwe mwena mu kifo eky'okugheebwa ekitiisa mwidha kuswazibwa. Mwidha kunhwa mutamiire era mutagale. Musengwa Katonda aidha kubanhwesa ekikopo kyaimwe eky'okubonerezebwa, olwo mu kifo eky'okugheebwa ekitiisa muswale bwa buswale.

Zefania 2:8

Musengwa Katonda Aghanga ebintu byonabyona akoba ati: “Mpuliire abantu Abamoabu n'Abammoni nga bavuma era nga bayeeyereza abantu bange. Era naawulira nga beesuuta nga bwe baidha okubanhagaku ekiketezo kyaibwe.

Zekaria 1:14

Malaika oyo yankoba nangirire Musengwa Katonda Afuga Amagye bye yakoba ati: “Enkikidi engema inho olw'okugonza kwange okungi eri Yerusalemu ni Sioni.

Zekaria 1:15

Era nsungughaliire inho amaghanga agali mu miraala, kuba nze nasungughaliraku abantu bange akatono kati, aye amaghanga ago gaayongeranga bwongere kuleetera bantu bange abo kudaazibwadaazibwa.

Zekaria 12:2

“Bona eno, ndifuula Yerusalemu kyaba ng'oti kikopo kya mwenge gwa mizabbibu. Abantu ab'amaghanga agakyezungulwire balikinhwa kyabaleetera okutagala ng'oti batamiivu. Era abazigu bwe balizingiza Yerusalemu, balizingiza n'ebibuga eby'omu Buyudaaya byonabyona.

Zekaria 14:2

Musengwa Katonda akoba ati alisoloza abantu b'amaghanga goonagoona, baalumba Yerusalemu mu lutalo. Balikighangula, baanhagulula ebintu mu mayumba, era baagema abakazi baabakaka. Ekitundu ku bantu baamu balitwalibwa mu bunhage, aye abalisigalagho tibalitoolebwa mu kibuga.

Zekaria 2:12

Musengwa Katonda oyo aliiramu kabiri okulonda Buyudaaya yaagifuula ensi eyiye ku bubwe entukuvu. Era yairamu n'okulonda Yerusalemu kibe ekibuga kye ky'agonza einho.

Zekaria 2:8

Buli agema ku imwe aba asiinhie ku mboni ya liiso lyange.” Musengwa Katonda Afuga Amagye ow'ekitiisa, yantuma nje y'amaghanga agaanhagulula abantu be, ngakobe nti:

Amateeka Agokubiri 30:7

Alisindika ebikolimo ebyo byonabyona ku bazigu baimwe abaabakyaghanga era abaabakiriganga.

Okwolekebwa 13:10

Kiisi muntu eyategekerwa okunhagibwa, alitwalibwa mu bunhage. Era kiisi muntu eyategekerwa okwitibwa empiima, alifa mpiima. Agho ni abatuukirivu bateekwa okuba n'okwikiriza era n'okuguminkiriza.

1 Samueli 17:53

Abaisiraeli bwe baira nga bava okubingirira Abafilisiti, baanhaga ebintu mu kifo Abafilisiti abo ghe baasimba weema dhaibwe.