Yeremia 30:13 - Baibuli Ekibono kya Katonda 2014

¹³ Ghazira muntu wa kubalabirira, ghazira bulezi bwa kuta ku mabwa gaimwe, era muzira isuubi lya kuwonezebwa.

Yeremia 30:13 ပူးပေါင်းရင်းမြစ်များ

Yobu 34:29

Katonda bw'asalagho obutabaaku ky'akolagho, naani asobola okumusalira omusango okumusinga? Bw'agisa amaiso ge, naani asobola okumubona, k'abe omuntu omulala ati oba eighanga eiramba?

Yobu 5:18

Kuba aja yaakuba omuntu oluguma, aye yaamunhiga amabwa; akubisa engalo dhe omuntu, aye engalo dhe edho dhaamuwonia.

Zabbuli 106:23

Kyeyava n'akoba ati aja kubazikiriza, okutuusa Musa omulonde we, bweyayemereragho mu maiso ge, n'abawolerezaayo, era n'aikaikania obusungu bwa Katonda eyali aja okubazikiriza.

Zabbuli 142:4

Nninga eno n'ere mbone munange, aye nga ghazira andiku naire, ghazira ye naalumukira, era ghazira muntu yeenayeena anfaaku.

Okuvaayo 15:26

Musengwa Katonda yaabakoba ati: “Bwe muliba abawulize obulungi bwene, nga mukola ebyo ebituufu ye ndi, era nga mugondera amateeka gange n'ebiragiro, tija kubabonereza na bulwaire ku obwo bwe nasindikira Abamisiri. Kuba ninze Musengwa Katonda abawonia endwaire.”

Isaia 1:6

Okuviira irala ku mutwe okutuukira irala ku bigere ghaziraku ghalamu naire. Oidhwire bwa binuubulenuubule, na bikwadulekwadule, na bibwa ebiri kutiiriika omusaayi, ebitanaaziibwa waire okusibwaku ekighero, oba okuteebwaku obulezi.

Isaia 59:16

Yeewuunhia okubona nga ghaziragho muntu waire omulala ati, afaayo kuwolerezaagho abo abatuntuzibwa. Kale mwene alikozesa obuyinza bwe n'obutuufu bwe, yaanunula abantu be okubatuusa ku bughanguzi.

Yeremia 14:19

Wo Musengwa Katonda, obwo Abayudaaya wabaviiraku irala, waakyagha abantu b'e Sioni? Lwaki watulumya n'otutaaku ebibwa otyo, ni tutasobola kuwonezebwa? Twasuubira okufuna emiraala, aye ghazira kalungi ke twafunamu. Era twasuubira okufuna ekiseera eky'okuwonezebwa, aye bona, twafuna bwa bitutiisa.

Yeremia 17:14

Wo Musengwa Katonda, nkweghemba omponie, ndidha kuwonera irala; era nkusaba ondokole, ndidha kulokolebwa irala, kuba niiwe ye nsaaka.

Yeremia 30:17

Ndibalongoosa mwairagho bukalamu nga bwe mwali, era naawonia amabwa gaimwe waire ng'abazigu baimwe bakoba bati, ‘Sioni kiri ng'oti n'omuntu ye baabinga adaagiradaagira eyo atyo. Ghazira akifaaku naire.’ Nze Musengwa Katonda, ninze nkobye.”

Yeremia 33:6

Aye bona eno, ndiizaagho ekibuga kino bukalamu era naakireetera okuwona. Abantu baamu ndibaleetera okuba mu miraala kamaala, ng'ebintu bibajiira bukalamu.

Yeremia 46:11

Imwe abantu ab'omu Misiri, muje e Gileadi mufuneyooku ku bulezi obuwonia! Mukozeisa obulezi ebika n'ebika aye nga tibukola. Timukaasobola kuwonezebwa.

Yeremia 6:7

Ng'ensulo bw'etawaamu maadhi malungi, n'ekibuga ekyo kityo bwe kitalekera kukola bibi byakyo. Bikolwa bya bukambwe na kuzikiriza bye nkiwuliraku byonka, era nkibonamu ndwaire na kulumizibwa buli kaakyeire.

Yeremia 8:22

Mu Gileadi tekaaliyo bulezi? Tekaaliyo bayigha? Kiki ekirobeire abantu bange okuwona?

Okulira 2:13

Abantu ab'e Yerusalemu, imwe be ngonza oti ki, nkobe ki? Mbageze ku ki? Mbafaananie ki imwe, ekinaabaleetera okusaasirwa? Okuzikirizibwa kwaimwe tikwakukoma oti n'amaadhi ag'enhandha agaidha ni gaabeeyaagho obweye; ghazira aghanga kwizaagho bintu byazikirizibwa.

Ezekieli 22:30

Nanoonia mu bantu abo aye tyafunamu waire mulala, asobola okuzimba obuyaaka ekimante waire okukuuma mu bifo ekimante ghe kyawomolwa ebituli, asobole okuwonia ensi eyo, ndobe kugizikiriza.

Ezekieli 30:21

“Iwe omuntu, mmenhie kyabazinga wa Misiri omukono. Era ghazira muntu aguzingiriireku kighero, okuguyunga guwone gwiremu amaani, gusobole okwiramu okuzunza empiima.

Hosea 14:4

Musengwa Katonda akoba ati: “Ndiiza abantu bange ye ndi, naabagonzanga n'omwoyo gwange gwonagwona; kuba ndekeire okubasungughalira.

Hosea 6:1

Abantu baja baakoba bati: “Mukole twire ye Musengwa Katonda. Waire nga mwene n'eyatuyuzayuza aye alituwonia; era waire nga n'eyatufumita aye alitunhiga ebibwa ebyo.

Nahumu 3:19

Ghazira kighanga kukutoolaku bulumi bw'otuuseeku, n'ebibwa bye bakufumiite tibisobola kuwona. Abo boonaboona abawulira ku kuzikirizibwa kwo, bakuba mu ngalo olw'eisanhu. Kuba mpaagho y'otaatuusaaku bikolwa byo eby'obukambwe.

Amateeka Agokubiri 32:39

Mpegaano ni mukimanhe, nga nze, era Nze zenka, ni Nze Katonda; ezirayo katonda wundi okutoolaku Nze. Ninze aita, era ninze agha obulamu. Nfumita era naawonia; ghazira asobola kuntoolaku kiri mu buyinza bwange.

1 Petero 2:24

Yaganha okwetwika ebibi byaife ng'akomererwa ku musalaba, tube abafu eri ekibi, aye tube balamu eri obutuufu. Okudaazibwadaazibwa kwe n'okwabawonia imwe.

1 Yoanne 2:1

Baana bange, mbaghandiikira ebintu bino mulobe kwonoona. Aye omuntu yeenayeena bw'akola ekibi, tuli n'omubeezi ye Lata, ni Yesu Kurisito omutuufu.