Yeremia 3:9 - Baibuli Ekibono kya Katonda 2014

⁹ baaloba kugemwa na nsoni. Olwo baaleetera ensi okwonooneka, olw'obutaba beesigwa ye ndi, ni baja basinza obw'amabaale n'emiti.

Yeremia 3:9 ပူးပေါင်းရင်းမြစ်များ

Isaia 57:3

Aye imwe abalogo, n'imwe abenzi, n'imwe bamalaaya, museete ghano musalirwe omusango.

Isaia 57:6

Mutoola eyo amabaale amaseene obukalamu mwagasinza ng'oti bakatonda. Mugafukira ebigheebwayo eby'okunhwa era mwagaleetera ebigheebwayo eby'emere ey'empeke. Mulowooza muti munampooyawooya nga mukola ebyo?

Yeremia 10:8

Abo boonaboona basiru era baziramu kategeera, kuba bazira kye basobola kwegera ku bifaananie ebyo eby'ekiti obuti.

Yeremia 16:18

Nja kubabonereza nga mbeesasuulizaaku emikuzi ebiri olw'okwonoona kwaibwe n'ebibi byaibwe kuba baayonoona ensi yange baagireetamu ebisinzibwa byaibwe ebitali Katonda ebyenhinhalwa ebiri ng'oti bwa mirambo, era bagiidhuza emisambwa.”

Yeremia 2:27

Mukoba omuti muti, ‘Niiwe iseife,’ n'eibaale muti, ‘Niiwe inhaife.’ Nze mwankuba bwa nkoone, mwaloba kukyukira ye ndi. Aye bwe muba mu buzibu, munsaba muti, ‘Idha otulokole.’

Yeremia 2:7

Nabaleeta mu nsi erimu ebirungi kamaala, muwoomerwe ebibala byamu n'ebintu byamu ebirungi. Aye imwe bwe mwagituukamu, mwagyonoona bwonoone, omugabo nze gwe nabagha mwagufuula ekyenhinhalwa.

Yeremia 3:2

Mulingirire ghaigulu ku nsozi edhiziraku kantu, mubone oba nga ghaligho waire olulala ku nsozi edho, lwe mutaakoleraku bwamalaaya. Mubwama ku mbali kw'enguudo, mwateega be munaayenda nabo, ng'oti n'abanhazi b'omu irungu bwe beeteega abantu. Mwonoine ensi n'obwamalaaya bwaimwe obutakobeka.

Ezekieli 16:17

Watoola ebyamadholobera ebirungi einho ebya zaabu n'ebya feeza bye nakugha, weekoleramu ebifaananie ebiri ng'oti basaadha wabisinza, waaloba kuba mwesigwa ng'oti n'omuntu akola obwamalaaya.

Ezekieli 23:10

Abo baamutoolamu engoye dhe baamuleka madu, baagema batabane be ni baghala be, era mwene baamwita n'empiima. Bwe yamala okusalirwa atyo omusango ni gumusinga, yaafuuka kya kuyeeyereza mu bakazi.

Ezekieli 23:21

“Oholiba, wayenda okwira mu bwenzi bwe wakolanga e Misiri ng'okaali muto. Eyo abasaadha ye baakuniogererezanga amabeere, n'ofiirwa okusigala ng'okaali mwegha.”

Ezekieli 23:3

Bwe baali bakaali bato nga bali e Misiri baakola obwa malaaya, abasaadha baabaniogerezanga amabeere, baafiirwa okusigala nga bakaali beegha.

Hosea 2:2

Baana bange, mukobe ku inhaimwe, waire nga takaali mukazi wange, era nga zeena tikaali iba. Mumukobeku alekere okukola obwenzi n'obwamalaaya.

Hosea 4:12

Beebuuza ku bintu ebyakolebwa mu muti obuti. Omwigo obwigo n'ogubakobera bye benda okumanha. Bali ng'oti mukazi mwenzi: banvaaku nze Katonda waibwe, baadaaliima, baaja baasinza bakatonda abandi.

Yoeli 1:19

Wo Musengwa Katonda, niiwe ye ndirira, kuba eisubi mu byayiro n'emiti mu nsiko bikaze ng'oti babyokiikya bwa muliro.

Habakkuku 2:19

Mukagwireku imwe abakoba ekiti muti: “Zuuka,” oba eibaale eritaghanga na kwogera muti: “Situka.” Ghaligho okwolekebwa kw'oghanga okufuna okuva y'ekintu ng'oti n'ekyo? Ni bwe baba nga baakirimbyaku kyonakyona feeza ni zaabu, era kisigala nga kiziramu bulamu naire.

Matayo 5:32

Aye nze mbakoba nti, kiisi anaabinganga mukazi we, okutoolaku ng'amulanga bwenzi, aba amuleeteire okwenda ate n'oyo abayiza omukazi ye babinze aba ayenze.