Yeremia 3:25 - Baibuli Ekibono kya Katonda 2014

²⁵ Twidha kulambaala mu nsoni, okuswala kwaife kutubwike ng'oti mwebwiko kuba ife ni badhaadha baife twakola ebibi eri Musengwa Katonda waife, okuva mu buto okutuusa ni ye buli eno, twaloba kugondera Musengwa Katonda waife by'akoba.”

Yeremia 3:25 ပူးပေါင်းရင်းမြစ်များ

Zabbuli 106:6

Ife, ni badhaadha baife twayonoona; twakola ebibi ebitasaana.

Zabbuli 106:7

Badhaadha baife nga bakaali mu Misiri, ebyewuunhisa Musengwa Katonda bye yakolanga tibaabitwalanga ng'ekikulu; tibaidhukirangaku naire bwe yabagonzanga obutalekera. Baadheemera oyo Ali Ghaigulu Yeene, bwe baali mu Nhandha Emyufu.

Zabbuli 109:29

Abazigu bange bagwananga baanhoomebwa, baidhula ensoni edhitabavaaku ng'oti kivaalo.

Ensambo 13:18

Omuntu atafaayo ku bye bamugalagira, ayavughala era yaanhoomebwa, aye ole awulirisa bye bamunenia agheebwa ekitiisa.

Ensambo 5:13

Nalobanga okuwulirisa abasomesa bange bye bankobanga, era naaloba kwisanga mwoyo ku bye bangalagiranga.

Isaia 48:8

Okuva eira n'eira timubiwulirangaku na matu gaimwe, waire okubimanhaku, kuba namanha nga mwefuulafuula, era ng'okuva lwe mwazaalibwa muli badheemu.

Isaia 50:11

Imwe mwenamwena abasala enkwe okuzikiriza banaimwe, mumanhe nti imwe beene niimwe mulyezikiriza mu nkwe dhaimwe dheene. Ekyo Musengwa Katonda mwene n'alikireetera okuba kityo, era mulifiira mu bulumi.

Yeremia 11:13

Abantu b'omu Buyudaaya bali ni bakatonda kamaala, abaagayaga n'obungi bw'ebibuga byaibwe. N'abantu b'omu Yerusalemu baazimba alutaari edhaagayaga n'obungi bw'enguudo dh'omu kibuga omwo. Alutaari edho nga dha kuniokezaaku bubbaani eri omusambwa Baali ogwenhinhalwa.”

Yeremia 12:13

Abantu bange baasiga engaano, aye baakungula mawa. Baafaabiikana inho, aye baaloba kufunamu muganhulo. Baaswala olw'obutabaagho ke bafunamu, kuba obusungu bwange obubitirivu bwabalemeesa.”

Yeremia 14:20

Wo Musengwa Katonda, bwenebwene twayonoona y'oli, twikiriza ebibi ebyaife era n'ebya badhaadha baife.

Yeremia 14:7

Abantu bange bandirira bati, ‘Wo Musengwa Katonda, waire ebibi byaife bitulumiriza olw'okukuvaaku emikuzi kamaala ni twonoona, iwe mala gaganha otuyambe nga bwe watusuubiza.

Yeremia 2:17

Ekyo Abaisiraeli baakyereetera beene, bwe banvaaku nze Musengwa Katonda waibwe, ng'ate ninze eyaboolekanga engira ey'okubitamu.

Yeremia 2:19

Ebibi byaimwe byene n'ebiribakangaivula imwe, era okunvaaku kwaimwe n'okulibasalira omusango okubasinga. Mukibone era mukimanhe nga bwekiri ekibi einho era eky'obulumi, okunvaaku nze Musengwa Katonda waimwe era n'obutantya. Nze Musengwa Katonda Afuga Amagye, ninze nkobye.”

Yeremia 2:2

“Ja olangirire eri ab'omu Yerusalemu boonaboona, oti Musengwa Katonda akoba ati, ‘Ndidhi nga bwe wali omwesigwa ng'okaali muto, era nga bwe wali n'okugonza ng'okaali mugole. Waanonerezanga nga tuli mu irungu, mu nsi ezira kintu kisigibwamu naire.

Yeremia 2:26

Musengwa Katonda akoba ati: “Ng'omwibi bw'aswala nga bamugemye, mwena Abaisiraeli mutyo bwe muliswala aghalala ni bakyabazinga baimwe, n'abakungu baimwe, ni bakabona baimwe, n'abalanzi baimwe.

Yeremia 20:18

Kale lwaki nazaalibwa? Nazaalibwa kubona nnaku na kudaagadaaga, na kutuusa kufiiririra nga ndi mu buswavu?

Yeremia 22:21

Musengwa Katonda yayogera n'imwe ng'ebintu bikaabajiira bukalamu, aye mwaloba kuwulirisa. Era mutyo bwe mubaire mukolanga buliidho, mwalobera irala okugondera by'akoba.

Yeremia 3:13

Aye mwikirize nga muli n'omusango olw'okudheemera nze Musengwa Katonda waimwe, ni mweghaayo okusinza bakatonda abagwira buli ghansi mu kinsense eky'omuti omuzibirivu. Era mwaloba kumpulira na kugondera biragiro byange. Nze Musengwa Katonda, ninze nkobye.

Yeremia 31:19

Twakuvaaku twadaaliima, aye mangu ago twamala twenenia. Bwe watubonereza twagonda, twakoteka emitwe nga tuswaire inho. Ensoni dhaatugema twaswala, kuba twatoolera okwonoona nga tukaali bato.’

Yeremia 6:26

Musengwa Katonda yaakoba abantu be ati: “Imwe abantu bange, muvaale ekutiya era mwevulunge mu ivu olw'enaku. Mulire ng'oti n'alira mutabane we omulala bedengedenge. Mulire lukalukalu, kuba oyo ali kwidha okuzikiriza, aidha kubagwaku bugwe nga timwidhi.

Yeremia 7:19

Aye nga bwene nze Musengwa Katonda, ninze ye bali kusoononkereza? Tibali kwesoononkereza beene na beene, ate bamale baswale n'okuswala?

Yeremia 8:14

Agho abantu ba Musengwa Katonda baakoba bati: “Lwaki tutyaime bwa ghano? Mukole twesoloze, tuje mu bibuga ebyezungulwirwa ebimante ebigumu tufiire eyo. Musengwa Katonda waife atughaireyo tufe. Atughaire amaadhi agalimu eirogo tunhwe, olw'okuba twakola ebibi twamusungughaza.

Yeremia 9:18

Abantu baakoba bati: “Mubakobe bangughe batuliriseeku, amaziga gamagale okutuva mu maiso, n'ebigoghe byaife bibole bubole.”

Okulira 5:16

Ghazira akaatutaamu kitiisa. Tukagwireku, kuba twayonoona.

Okulira 5:7

Badhaadha baife baayonoona era baamala baafa, buti niife tudaazibwadaazibwa olw'okwonoona kwaibwe okwo.

Ezekieli 2:3

nga gakoba gati: “Iwe omuntu, ndi kukutuma y'Abaisiraeli, eighanga eryo ery'abadheemu. Abantu abo banvaaku baakola ebibi ye ndi ng'oti ni badhaadha baibwe bwe baakola, era bakandheemera ni ye buli eno.

Ezekieli 36:32

Imwe ab'eighanga Isiraeli, mukimanhe bukalamu nti ekyo tirikikola lwa kuba imwe. Nhenda ensoni dhibageme muswale olw'ebyo bye mwakola.”

Ezekieli 44:13

Tibaidha kuseetanga ye ndi kumpeereza nga bakabona, waire okwingira mu Kifo Ekitukuvu, oba okuseeta obuseete kumpi n'ebintu byange ebitukuvu. Baliba bwa mu kuswala nga babonerezebwa olw'ebyenhinhalwa bye baakola.

Ezekieli 7:18

Balivaala ekutiya baadhugumira olw'okutya, baamwa emitwe gyaibwe okugimaliriraku enviiri ng'oti mpaata, n'ensoni dhaabagema baaswala.

Danieli 12:2

Era bangi ku abo abali e magombe abaafa balizuukira, abandi baliba mu bulamu obutawaagho ate abandi baaba mu kuswazibwa n'okunhoomebwa okutakoma.

Hosea 9:10

Musengwa Katonda akoba ati: “Nayagaana ensi Isiraeli ng'oti n'ole bw'ayagaana emizabbibu egiri kukulira eyo mu irungu. Era naabona badhaadha baimwe ng'oti n'ole bw'abona ebibala eby'omutiini ebisooka okwenga mu mwaka. Aye bwe baatuuka ka lusozi Peori baatoolera okusinza omusambwa Baali, olwo baafuuka ekyenhinhalwa ng'oti n'omusambwa gwene ogwo gwe baasinzanga bwe gwali.

Zefania 1:17

Musengwa Katonda akoba ati: “Nja kuleetera abantu ebizibu batuuke n'okutambula nga bamaamanta ng'oti batulu, kuba bakoze ebibi ebinsungughaza. Omusaayi gwaibwe guja kuyuyibwa ku itaka ng'oti maadhi, n'emirambo gyaibwe girekebwe agho ng'oti busa.”

Ab'e Roma 6:21

Aye mwaganhulwamu ki okukola ebintu ebyo ebibagemya n'ensoni mperaano? Kuba enkomerero y'ebintu ebyo kufa.

Abalamuzi 2:2

Era mwena naabakoba obutakolanga ndagaano na bantu ababa mu nsi eno mumenhemenhengagho bwa alutaari dhaibwe.’ Aye mukoze ki kino? Timukoze nga bwe nabalagira.