Yeremia 3:18 - Baibuli Ekibono kya Katonda 2014

¹⁸ Mu nnaku edho abantu b'omu Buyudaaya balyeyimba ku b'omu Isiraeli, baajiira ghalala okuva mu bunhage mu nsi eri ku luuyi olw'omukono omugooda olw'e buvandhuba, baingira mu nsi ye nagha badhaadha baimwe nga yaibwe ku bwaibwe.”

Yeremia 3:18 ပူးပေါင်းရင်းမြစ်များ

Amainhama 12:7

Agho Musengwa Katonda yaabonekera Aburamu, yaamukoba ati: “Baidhukulu bo ndibagha ensi eno.” Kale Aburamu yaazimbira agho Musengwa Katonda eyamubonekera, alutaari.

Isaia 43:5

Otatya, kuba nze ndi ghalala n'iwe. Ndisoloza abantu bo nga mbatoola e buvandhuba n'e bugwandhuba, naabaiza ghalala.

Isaia 43:6

Ndiragira oluuyi olw'omukono omugooda olw'e buvandhuba lwabalekula, naalagira n'oluuyi olw'omukono omusaadha olw'e buvandhuba lwaloba kubaloberaku. Olwo mwaleeta batabane bange okuva eyo eghala, era mwaleeta ni baghala bange okuva eyo mu nsi dhoonadhoona.

Yeremia 16:15

Aye mulayirenga mu liina lyange nga Katonda omulamu eyatoola Abaisiraeli mu nsi eri ku luuyi lw'omukono omugooda olw'e buvandhuba, ni mu nsi edhindi dhoonadhoona ye nali mbabingiire kuba nja kubaiza mu nsi yaibwe ye nagha badhaadha baibwe. Nze Musengwa Katonda, ninze nkobye.”

Yeremia 23:8

Aye balayirenga mu liina lyange nga Katonda omulamu eyatoola Abaisiraeli mu nsi eri ku luuyi lw'omukono omugooda olw'e buvandhuba, ni mu nsi edhindi dhoonadhoona ye nali mbabingiire. Agho baliba mu nsi eyaibwe yeene.”

Yeremia 3:12

Kale ja olangirire bino eri Abaisiraeli oti, ‘Imwe Abaisiraeli abatali beesigwa, Musengwa Katonda akoba ati mwire y'ali. Taidha kubalingirira na bukambwe, kuba mwene asaasira. Era taidha kubasungughalira byanda na byanda.

Yeremia 30:3

kuba bona eno, ekiseera kiri kwidha lwe ndireetera abantu bange Abaisiraeli n'Abayudaaya ebintu okwiramu okubajiiranga obukalamu. Ndibaiza mu nsi ye nagha badhaadha baibwe, era bairamu okugitwala yaaba yaibwe ku bwaibwe. Nze Musengwa Katonda, ninze nkobye.”

Yeremia 31:8

Bona eno, ndibaiza okuva mu bunhage mu nsi eri ku luuyi olw'omukono omugooda olw'e buvandhuba, naabasoloza okuva eghala einho. Abatulu n'abalema, abakazi abali enda n'abali okumpi okuzaala, boonaboona baliidhira ghalala nabo. Baliira baaba eighanga eikologho.

Yeremia 50:20

Ekiseera ekyo bwe kirituuka, tighaliba kwonoona mu Isiraeli, waire okubaagho ebibi mu Buyudaaya kuba ndisonigha abantu boonaboona be ndiba mponiizaagho. Nze Musengwa Katonda, ninze nkobye.”

Yeremia 50:4

Musengwa Katonda akoba ati: “Ekiseera ekyo bwe kirituuka, abantu b'omu Isiraeli n'ab'omu Buyudaaya baliidha nga balira amaziga, nga baanoonia nze Katonda waibwe.

Yeremia 50:5

Balibuuza engira eja e Sioni, era baasimba mu ngira eyo nga bakoba bati, ‘Mwidhe tweyimbe ku Musengwa Katonda, tukole naye endagaano ey'ebyanda n'ebyanda, ye tutaja kumenhagho naire.’

Yeremia 7:7

Olwo ndidha kubaleka mubenga mu nsi eno ye nagha eira badhaadha baimwe, ebe yaibwe byanda na byanda.

Ezekieli 11:17

“Kale bakobere oti nze Musengwa Katonda nkoba nti, Ndibatoolayo eyo mu maghanga, naabasolozaayo eyo mu nsi ye nabasansaaniza, naabairiza ensi yaibwe Isiraeli.

Hosea 1:11

Abantu ab'omu Buyudaaya n'ab'omu Isiraeli baliiramu okuba aghalala, beerondera omukulembeze mulala. Era ebintu biriiramu okubajiira obukalamu mu nsi yaibwe. Bwenebwene olunaku lw'e Yezireeli luliba lukologho inho.

Hosea 11:12

Musengwa Katonda akoba ati: “Abaisiraeli bandidhwizaaku obuguya bwaibwe okuneezunguluza. Aye ab'omu Buyudaaya, nze Katonda mbaidhi, era beesigwa eri Nze Omutukuvu.”

Hosea 2:2

Baana bange, mukobe ku inhaimwe, waire nga takaali mukazi wange, era nga zeena tikaali iba. Mumukobeku alekere okukola obwenzi n'obwamalaaya.

Amosi 9:15

Ndidha kubafuula bataka mu nsi ye nabagha, era ezira aja kubasiguukulula kabiri.” Atyo Musengwa Katonda bw'akoba.

Zekaria 10:6

Ndireetera abantu b'omu Buyudaaya okuba ab'amaani, era naawonia abantu b'omu Isiraeli abo okuzikirizibwa. Ndibagemerwa ekisa, naabaiza eka ewaibwe. Baliba ng'oti se tibalekulirangaku agho, kuba ninze Musengwa Katonda waibwe, era nze ndiiramu okusaba kwaibwe.

Zekaria 2:6

Musengwa Katonda akoba ati: “Imwe bantu bange! Musitukiremu mulumuke, muve mu nsi eyo eri ku luuyi olw'omukono omugooda olw'e buvandhuba, ye nabasansaaniza ku ndhuyi dhoonadhoona ng'oti n'empewo ey'oku igulu.