Yeremia 3:16 - Baibuli Ekibono kya Katonda 2014

¹⁶ Bwe mulizaalagana ni mweyongera okuba abangi mu nsi eyo, olwo abantu baliba tibakaayogera ku Sanduuku ya Ndagaano ya Musengwa kuba baliba tibakaagirowoozaaku waire okugiidhukira. Tighalibaagho muntu awulira mule ng'agyetaaga ebeegho, era tibaja kukolayo yindi kabiri.

Yeremia 3:16 ပူးပေါင်းရင်းမြစ်များ

Isaia 60:22

N'amaka agasingayo obutono galifuuka ekika ekiramba, era ekika ekisembayo obutono kirifuuka eighanga ery'amaani. Nze Musengwa Katonda ekyo ndikireetera okwangugha okubaagho, ng'ekiseera kyakyo kimaze okutuuka.”

Isaia 61:4

Balizimba buyaaka ebifo eby'eira ebyayonooneka, era baizaagho buyaaka ebyo ebyali bifuuse ebifulukwafulukwa. Balirongoosa ebibuga ebyayonoonebwa ni bimala emyaka kamaala nga birekeibwa bw'agho bityo.

Isaia 65:17

“Bona, buti ndi kutonda eigulu eiyaaka n'ensi empyaka. Era ebintu ebyabita tibiriidhukirwa waire okulowoozebwaku.

Yeremia 3:17

Mu kiseera ekyo Yerusalemu kiriba kyetebwa ekityamo eky'obwakyabazinga ekya Musengwa Katonda. Abantu abamaghanga goonagoona balyesololeza eyo okunsinza nze Musengwa Katonda, nga tibakairayo kukola ebyo emyoyo gyaibwe emikalangufu era emibi bye gyenda.

Yeremia 30:19

Abantu abakibaamu balyemba enhembo edh'okwebaza, baakuba emizira nga basagamba. Ndibagha enkabi beeyongera okuba abangi nga tibakendeera naire. Abantu balibaghanga ekitiibwa aghazira kunhoomebwa.

Yeremia 31:27

“Nze Musengwa Katonda nkoba nti ekiseera kiri kwidha, ndidhuze Isiraeli ni Buyudaaya abantu n'ensolo.

Yeremia 31:8

Bona eno, ndibaiza okuva mu bunhage mu nsi eri ku luuyi olw'omukono omugooda olw'e buvandhuba, naabasoloza okuva eghala einho. Abatulu n'abalema, abakazi abali enda n'abali okumpi okuzaala, boonaboona baliidhira ghalala nabo. Baliira baaba eighanga eikologho.

Yeremia 7:4

Mulobe kwesiga bino bye mwerimba nabyo nga mukoba muti, ‘Eisinzizo lya Musengwa Katonda lirigho, eisinzizo lya Musengwa Katonda lirigho, eisinzizo lya Musengwa Katonda lirigho.’

Ezekieli 15:5

Bona eno, oba bwe gwali nga gukaali omulamba tigwali na mugaso, memale obwo omuliro nga gumaze okugwokya eruuyi n'eruuyi, ni ghagati nga gumaze okuya, bwe gunaaba n'omugaso?”

Ezekieli 37:26

Ndikola nabo endagaano ey'emiraala etawaagho byanda na byanda. Naabagha enkabi beeyongera obungi, era naabataamu eisinzizo lyange libabeemu ebyanda n'ebyanda.

Amosi 9:9

“Ndidha kulagira abazigu bakunguute Abaisiraeli nga bali eyo mu maghanga, ng'oti n'omuntu bw'akunguuta engaano mu kakunguuto, era ezira mubi aja kubitira.

Zefania 3:11

Mu kiseera ekyo, imwe abantu bange timuja kugemwa nsoni kabiri olw'okudheema kwe mwandheemeranga. Nja kubatoolamu abo boonaboona abeekuluntaza mu imwe n'abo abeegulumiza. Era timuja kwirayo kundheemera ku lusozi lwange olutukuvu.

Matayo 1:11

Yosia yazaala Yekonia ni baganda be, mu byanda eby'okuwangangusibwa okw'e Babiloni.

Matayo 3:9

Era muteeyinula nga mukoba muti, ‘Tuli ni iseife Aburahamu,’ kuba, ka mbakobere, mu mabaale gano Katonda aghanga okufuniramu Aburahamu abaana!