Yeremia 3:13 - Baibuli Ekibono kya Katonda 2014

¹³ Aye mwikirize nga muli n'omusango olw'okudheemera nze Musengwa Katonda waimwe, ni mweghaayo okusinza bakatonda abagwira buli ghansi mu kinsense eky'omuti omuzibirivu. Era mwaloba kumpulira na kugondera biragiro byange. Nze Musengwa Katonda, ninze nkobye.

Yeremia 3:13 ပူးပေါင်းရင်းမြစ်များ

Nehemia 9:2

Agho Abaisiraeli abo, nga beeyawire ku bamaghanga agandi, baayemerera okwatula ebibi byaibwe n'ebyonoono bya badhaadha baibwe.

Ensambo 28:13

Ole akweka ebibi bye, ebintu tibiidha kumujiiranga bukalamu, aye ole abyatula era n'atabiiramu, Katonda alimusaasira.

Isaia 57:5

Mweguguna okukola obwamalaaya obw'omu masabo, nga musinza emisambwa ghansi mu binsense eby'emiti emikologho emizibirivu. Era mwitira abaana baimwe mu biiko ebirimu entanda edheeyatisa mu mbaale.

Yeremia 14:10

Abantu abo Musengwa Katonda abairamu ati: “Abantu bange benda inho okunvaaku, baaloba kwefuga naire. Zeena kyenva ni ntabasiima naire, era ndidha kwegemerera ensobi dhaibwe, mbabonereze olw'ebibi byaibwe.”

Yeremia 14:20

Wo Musengwa Katonda, bwenebwene twayonoona y'oli, twikiriza ebibi ebyaife era n'ebya badhaadha baife.

Yeremia 2:20

Musengwa Katonda akoba ati: “Imwe Abaisiraeli, mwava ira nga muloba nze okubafuga, mwandheemera, mwakoba muti, ‘Titwidha kumusinzanga.’ Era mwasinzizanga emisambwa ku buli lusozi olugulumivu, na buli ghansi mu kinsense eky'omuti omuzibirivu.

Yeremia 2:25

Mulobe kuseenenia ngaito dhaimwe, waire okwereetera ekigheeghe, nga mulumuka okunonereza emisambwa. Aye imwe mukoba muti, ‘Titusobola kulekera agho, kuba tugonza inho emisambwa egy'abamaghanga agandi, era egyo gye twidhanga okunonereza.’ ”

Yeremia 3:2

Mulingirire ghaigulu ku nsozi edhiziraku kantu, mubone oba nga ghaligho waire olulala ku nsozi edho, lwe mutaakoleraku bwamalaaya. Mubwama ku mbali kw'enguudo, mwateega be munaayenda nabo, ng'oti n'abanhazi b'omu irungu bwe beeteega abantu. Mwonoine ensi n'obwamalaaya bwaimwe obutakobeka.

Yeremia 3:25

Twidha kulambaala mu nsoni, okuswala kwaife kutubwike ng'oti mwebwiko kuba ife ni badhaadha baife twakola ebibi eri Musengwa Katonda waife, okuva mu buto okutuusa ni ye buli eno, twaloba kugondera Musengwa Katonda waife by'akoba.”

Yeremia 3:6

Yosia bwe yaba nga ni kyabazinga, Musengwa Katonda yankoba nti: “Oboine abantu abo Abaisiraeli abatali beesigwa ng'oti n'omukazi malaaya, kye baakola? Banvaaku ng'oti n'omukazi malaaya bw'ava ku iba, baajanga ku buli lusozi olugulumivu na buli ghansi mu kinsense eky'omuti omuzibirivu, baasinziza eyo.

Yeremia 7:24

Aye baaloba kumpulirisa waire okugondera bye ndagira. Baajiira ku ebyo emyoyo gyaibwe emikalangufu era emibi bye gyenda. Mu kifo ky'okuba abalungi, beeyongera bwa kuba babi inho.

Yeremia 7:26

Aye mwaloba kumpulirisa waire okugondera bye ndagira, mweyongera bwa kukalangusa myoyo gyaimwe era mwebisa bubi inho mwasinga ni badhaadha baimwe.

Ezekieli 16:15

“Aye weesigulira ku bulungi obw'emboneka yo obwo ni ku kumanhikana kwo, waakola obwamalaaya. Waalaaya ku buli muntu eyabitangagho.

Hosea 5:15

Ndiirayo mu kifo kyange ye mba, okutuusa lwe baliikiriza ni baatula ebibi byaibwe era ni baanoonia ye ndi. Bwe baliba mu kudaagadaaga kwaibwe baliinoonia ye ndi.

Amateeka Agokubiri 12:2

Muli n'okuzikiriza ebifo byonabyona, ab'amaghanga ge muja okutwala mwe basinziza bakatonda baibwe: ku nsozi enene, ni ku busozi obutono, ni ghansi mu binsense by'emiti emizibirivu.