Yeremia 28:9 - Baibuli Ekibono kya Katonda 2014

⁹ Aye omulanzi alanga ati ghaja kubaagho miraala, ky'alanze kimala kutuukirira memale yaakakasibwa nga mulanzi mwenemwene atumiibwa Musengwa Katonda.”

Yeremia 28:9 ပူးပေါင်းရင်းမြစ်များ

Isaia 44:26

Aye nkakasa ebyo omugheereza wange by'ayogera, naatuukiriza omukwenda wange oyo by'alangirira. Ekibuga Yerusalemu nkikakasa nga bwe kiidha okubangamu abantu, n'ebibuga bya Buyudaaya ebyayonoonebwa naabikakasa nga bwe birizimbibwa obuyaaka.

Yeremia 14:13

Nze naakoba nti: “Aa, Musengwa Katonda waife, abalanzi bakobera abantu abo bati, ‘Tighaja kubaagho lutalo waire endhala, kuba mbu iwe wasuubiza oti ghaidha kubangagho miraala myereere mu nsi yaife.’ ”

Yeremia 4:10

Agho naakoba nti: “Wo Musengwa Katonda waife, walimbalimba abantu bano ab'e Yerusalemu, waabakoba oti, ‘Mwidha kubanga mu miraala,’ ng'ate empiima dhiseese okubasaaniagho!”

Yeremia 6:14

Amabwa g'abantu bange bagawonia bwa ku ngulu. Baalamusagania bati, ‘Emiraala gibe n'iwe,’ ate nga ghazira miraala.

Yeremia 8:11

Amabwa g'abantu bange bagawonia bwa ku ngulu. Baalamusagania bati, ‘Emiraala gibe n'iwe,’ ate nga ghazira miraala.

Ezekieli 33:33

Aye by'obakoba bwe birituukirira, ate nga era bija kutuukirira, olwo balimanha ng'omulanzi ababairengamu.”

Amateeka Agokubiri 18:21

“Musobola okwebuuza mule muti: ‘Tunaategeereranga ku ki ekibono Musengwa Katonda ky'ayogeire?’

Amateeka Agokubiri 18:22

Mwidha kutegeeranga, kuba omulanzi bw'ayogera mu liina lya Musengwa Katonda, aye ky'ayogeire ni kitabaagho oba ni kitatuukirira, ekyo kiba nga Musengwa Katonda ti n'akyogeire. Omulanzi aba ng'akyogeire lwa kwetulinkiriza, era kitabatiisanga.”