Yeremia 28:8 - Baibuli Ekibono kya Katonda 2014

⁸ Abalanzi abaayogera eira, nga iwe ninze tukaali, baakoba entalo, n'endhala, n'endwaire ya kawumpuli, ebyali eby'okwidha biite abantu mu maghanga kamaala ni mu bwakyabazinga obw'amaani.

Yeremia 28:8 ပူးပေါင်းရင်းမြစ်များ

1 Bakyabazinga 17:1

Agho Eliya Omutishube ow'e Tishube, eky'omu Gileadi, yaakoba kyabazinga Ahabu ati: “Ndayira mu Musengwa Katonda wa Isiraeli, Katonda oyo omulamu ye mpeereza, nti bwenebwene tighaidha kubangagho musulo waire amaadhi mu myaka gino, okutoolaku nga nkobye nti bibeegho.”

1 Bakyabazinga 22:17

Mikaia yaakoba ati: “Mboine abaisirukale ba Isiraeli boonaboona nga basansaaniire eyo ku nsozi, ng'oti n'entaama edhiziraku mwayi. Musengwa Katonda yankoba ati, ‘Abantu abo baziraku mukulembeze, buli mulala leka aireyo miraala mu maka ge.’ ”

1 Bakyabazinga 22:8

Kyabazinga wa Isiraeli yaakoba Yehoshafati ati: “Ghakaaligho omuntu ye tusobola okubitamu okwebuuzaaku ku Musengwa Katonda. Oyo ni Mikaia, mutabane wa Imula. Aye timwenda naire, kuba talangangaku bikalamu ku nze, okutoolaku ebibi.” Yehoshafati yaakoba ati: “Kyabazinga, otakoba otyo.”

Isaia 13:1

Buno n'obukwenda obugema ku Babiloni, Isaia mutabane wa Amozi bwe yafuna mu kubonekerwa.

Isaia 13:18

Balikozesa obulaso bwaibwe okutirimbula abaisuka, aghazira kusaasira baana bato, waire okusonigha abaana abaghere.

Amosi 1:1

Bino n'ebibono bya Amosi, eyali omwayi ow'oku kyalo Tekoa, ng'ekaabulayo emyaka ebiri musisi abite. Mu kiseera ekyo Uzzia yali nga ni kyabazinga ow'e Buyudaaya, ate Yeroboamu mutabane wa Yehoashi, yaaba nga n'owa Isiraeli. Katonda yayoleka Amosi ebintu bino byonabyona ebyali bija okuba ku Isiraeli.

Amosi 1:2

Amosi yakoba ati: “Musengwa Katonda awologoma ku lusozi Sioni, era yaakaabuka mu Yerusalemu. Ebyayiro abaayi mwe baayira bikala, n'eisubi ku lusozi Karumeli lyawotoka.”

Yona 3:1

Agho Musengwa Katonda yaakoba Yona omukuzi ogwokubiri ati: