Yeremia 28:4 - Baibuli Ekibono kya Katonda 2014

⁴ Era nja kwiza kyabazinga wa Buyudaaya Yehoiakini mutabane wa Yehoiakimu, ghalala n'abantu boonaboona ab'omu Buyudaaya abaatwalibwa e Babilonia mu bunhage. Yii, bwenebwene nze nja kumenhamenha obuyinza bwa kyabazinga ow'e Babilonia. Nze Musengwa Katonda, ninze nkobye.”

Yeremia 28:4 ပူးပေါင်းရင်းမြစ်များ

Amainhama 27:40

Oidha kufunanga eky'okulya ng'okozesa mpiima yo, era oidha kubanga mugheereza wa muganda wo. Aye bw'olimulwanisa n'omughangula, oliwona okufugibwa kwe.”

2 Bakyabazinga 24:14

Nebukadinezzari yaatwala abantu b'omu Yerusalemu ng'abanhage: abakungu boonaboona, n'abantu boonaboona ab'amaani abaziramu ntete naire, baagherera irala abasibe omutwalo mulamba (10,000) woonawoona. Era yaatwala abagheesi n'abakugu mu mirimo egya buli nsambo. Ghazira baasigalayo mu Buyudaaya, okutoolaku abo abaali abaavu bweyavuyavu.

Isaia 9:4

Kuba obatoireku obuzito obwabavunanga, waamenhamenha emiigo gye baabakubisanga ku mabega, waaghangula amaghanga agaatuntuzanga abantu bo, ng'oti ni bwe waghangula Abamidia.

Yeremia 13:19

Ebibuga ebiri mu kiketezo kya Buyudaaya ekikalukalu ekiri ku luuyi olw'omukono omusaadha olw'e buvandhuba, babizingiiza. Ghazira muntu asobola kubita kubituukaku. Abantu b'omu Buyudaaya boonaboona batwaliibwa mu bunhage.”

Yeremia 2:20

Musengwa Katonda akoba ati: “Imwe Abaisiraeli, mwava ira nga muloba nze okubafuga, mwandheemera, mwakoba muti, ‘Titwidha kumusinzanga.’ Era mwasinzizanga emisambwa ku buli lusozi olugulumivu, na buli ghansi mu kinsense eky'omuti omuzibirivu.

Yeremia 22:10

Imwe abantu b'omu Buyudaaya, mutalirira kyabazinga Yosia eyafa era mutamulumirwa mwoyo. Aye mulirire inho mutabane we Yoahazi ye bali kutwala nga ti wa kwira; kuba taja kwirayo kubona ku nsi ye yazaalibwamu kabiri.

Yeremia 22:24

Musengwa Katonda akoba ati: “Nga bwendi omulamu, iwe kyabazinga Konia mutabane wa Yehoiakimu kyabazinga wa Buyudaaya, ni bwe wandibaire ng'oli mpeta eba ku lwala lwange ku mukono omusaadha, eriku akamanhiso ak'obwakyabazinga, era nandikutoireku.

Yeremia 24:1

Agho Musengwa Katonda yandeetera okubonekerwa ebiibo bibiri nga birimu emitiini, nga biri agho emberi w'eisinzizo lye. Ekyo kyaligho nga Nebukadinezzari kyabazinga w'e Babilonia amaze okutoola e Yerusalemu kyabazinga Yekonia mutabane wa Yehoiakimu, yaamutwala e Babilonia mu bunhage ghalala n'abakungu b'omu Buyudaaya, n'abagheesi, n'abakugu mu mirimo egy'endhawulo.

Yeremia 24:5

“Nze Musengwa Katonda, Katonda wa Isiraeli mbona ng'abantu be nasindika e Babilonia mu bunhage, bali ng'oti n'emitiini egyo emirungi, era ndidha kubabisanga bukalamu n'ekivunika.

Yeremia 27:8

“Aye eighanga lyonalyona oba obwakyabazinga, abaliroba okufugibwa Nebukadinezzari, ni baloba okugonda ng'oti n'ensolo bw'egonda n'evaala mu nkoto ekikoligo kya musengwa waayo, ndibabonereza nga mbazikiriza mu ntalo era nga mbasindikira endhala n'endwaire ya kawumpuli bibaite, okutuusa lwe ndireetera Nebukadinezzari oyo okubasaanizaagho irala.

Yeremia 28:10

Agho Hanania yatoola ekikoligo mu nkoto yange, yaakimenhamenha.

Yeremia 28:2

Musengwa Katonda Afuga Amagye, Katonda wa Isiraeli, akoba ati: “Namenhamenha obuyinza bwa kyabazinga w'e Babilonia, bwe yabakakaatikaku ng'oti kikoligo mu nkoto y'ensolo.

Yeremia 29:1

Eno n'embaluwa ye naghandiikira bakabona, n'abalanzi, n'abakulu ab'ebika, n'abantu abandi boonaboona Nebukadinezzari be yatoola e Yerusalemu, n'abatwala e Babilonia mu bunhage.

Yeremia 29:2

Nagighandiika nga kyabazinga Nebukadinezzari oyo amaze okutwala mu bunhage, kyabazinga Yehoiakini, n'inhina wa Yehoiakini oyo, n'abagheereza ghalala n'abakungu b'omu kisaagaati kya kyabazinga, n'abakulembeze b'omu Yerusalemu ni mu Bayudaaya yoonayoona, n'abagheesi, n'abakugu mu mirimo egy'endhawulo.

Yeremia 30:8

Musengwa Katonda Afuga Amagye, akoba ati: “Olunaku olwo bwe lulituuka ndimenhamenha ebikoligo ebiri mu nkoto dhaibwe, era naakutulakutula n'endhegere dhe baabasiba. Tibaliiramu kabiri kuba bairu ba bamaghanga gandi.

Abalevi 26:13

Ninze Musengwa Katonda waimwe, eyabatoola mu Misiri, mulekere okuba abairu. Naatoolagho obuyinza obwali bubasibiire ghansi, naabatambuza nga mwesimbye.”

Nahumu 1:13

Buti ni, nja kumenhamenha ebikoligo Abassiria abo bye baabata imwe mu nkoto, n'endhegere dhe baabasibya.”