Yeremia 28:11 - Baibuli Ekibono kya Katonda 2014

¹¹ Yaakoba ng'abantu boonaboona bali agho ati: “Musengwa Katonda akoba ati, atyo bw'alimenhamenha ekikoligo kyabazinga Nebukadinezzari kye yata mu nkoto edh'amaghanga goonagoona. Era ekyo alikikola mu myaka ebiri.” Agho nze naavaagho naaja.

Yeremia 28:11 ပူးပေါင်းရင်းမြစ်များ

1 Bakyabazinga 13:18

Agho omulanzi omukaire ow'e Betheli yaamukoba ati: “Zeena ndi mulanzi ng'oti niiwe. Musengwa Katonda yalagiire malaika yankoba ati, ‘Ja omwize, aidhe n'iwe mu ndhu yo, alye ku mere era anhwe ni ku maadhi.’ ” Aye nga yali ali kumulimba.

1 Bakyabazinga 22:6

Agho kyabazinga wa Isiraeli yaasoloza abalanzi ng'ebikumi bina, yaababuuza ati: “Nje numbe Ramothi eky'e Gileadi, oba ntakirumba?” Bairamu bati: “Ja okirumbe, Musengwa Katonda aidha kukikugha okighangule.”

2 Ebyomubyanda 18:10

Agho owundi ku balanzi abo, eriina lye nga ni Zedekia mutabane Kenaana, yeekolera amayiga mu kyuma ekigumu einho, yaakoba ati: “Musengwa Katonda akoba ati, ‘Amayiga gano g'oidha okukozesa okufula Abasiria okutuusa lw'olibaghangula.’ ”

Ensambo 14:7

Tobanga mu basiru, kuba ozirayo kya magezi ky'obafunamu.

Yeremia 14:14

Aye Musengwa Katonda yankoba ati: “Abalanzi abo balanga bya buguya mu liina lyange. Nze tibatumangaku oba okubalagira ekintu kyonakyona, waire okwogera nabo. Okubonekerwa kwe boogeraku kwa buguya, ni bye balagula biziramu makulu, babiyiiya buyiiye beene.

Yeremia 23:17

Buli kaakyeire bakobera abantu abaloba okuwulirisa nze Musengwa Katonda bye nkoba, bati, Mwidha kubanga mu miraala.’ Era baakobera buli muntu akola ebyo omwoyo gwe omukalangufu bye gwenda, bati, ‘Ezira kabi kaidha kukutuukaku naire.’ ”

Yeremia 28:15

Agho naakobera Hanania ebintu ebyo, era naayongeraku ni kino nti: “Wulira iwe Hanania, Musengwa Katonda ti n'eyakutuma. Oli kuleetera bwa bantu bano kwesiga bya buguya.

Yeremia 29:9

Ebyo bye balagula nga bakozesa eriina lyange bya buguya, kuba nze tibatumangaku naire. Nze Musengwa Katonda, ninze nkobye.’ ”

Ezekieli 13:7

Aye nze mbakoba nti: Okubonekerwa kwe bakoba mbu bafunie kwa bulimba, n'ebyo bye balanga bya buguya. Bakoba mbu nze Musengwa Katonda ninze ndhogeire ebyo, ate nga nkaali kubibakobaku naire!”