Yeremia 28:1 - Baibuli Ekibono kya Katonda 2014

¹ Mu mwaka gwene ogwo, mu mwezi ogwokutaanu nga Zedekia ni kyabazinga wa Buyudaaya, Hanania mutabane wa Azzuri nga yali mulanzi eyava mu kibuga Gibeoni, yaayogera ninze nga tuli mu isinzizo, nga ghaligho ni bakabona, n'abantu abandi boonaboona. Yankoba ati,

Yeremia 28:1 ပူးပေါင်းရင်းမြစ်များ

1 Bakyabazinga 3:4

Agho Solomoni yaaja e Gibeoni okugheerayo eyo emisengo, kuba ekyo n'ekyali ekifo ekigulumivu eky'oku kasozi ekyali ekikulu. Solomoni yagheerangayo ku alutaari y'omu kifo ekyo ebigheebwayo ebyokebwa bikumi na bikumi.

2 Bakyabazinga 24:18

Zedekia yali agheza emyaka abiri na mulala egy'obukulu ghe yafuukira kyabazinga wa Buyudaaya. Era yaafugira entangama ya myaka ikumi na mulala mu Yerusalemu. Inhina nga ni Hamutali, mughala wa Yeremia ow'e Libuna.

2 Ebyomubyanda 36:11

Zedekia yali agheza emyaka abiri na mulala egy'obukulu ghe yafuukira kyabazinga. Era yaafugira entangama ya myaka ikumi na mulala mu Yerusalemu.

Isaia 9:15

omutwe ogwo nga n'abantu abakaire era ab'ebitiibwa, ate omukira nga n'abalanzi abeegeresa eby'obuguya.

Yeremia 23:28

Omulanzi aloose ekirooto agwaine akobe ati ekyo kirooto bulooto. Ate omulanzi afunie obukwenda okuva ye ndi agwaine alangirire obukwenda obwo n'obwesigwa. Omusiisi guba mulungi ng'engaano yeene?

Yeremia 27:1

Bwe baali baakamala okufuula Zedekia mutabane wa Yosia abe kyabazinga wa Buyudaaya, Musengwa Katonda yankoba nze Yeremia,

Yeremia 27:12

Ekintu n'ekirala ekyo, kye nakoba kyabazinga Zedekia ow'e Buyudaaya nti: “Ganha kyabazinga ow'e Babilonia akufuge, ogonde ng'oti n'ensolo bw'egonda n'evaala mu nkoto ekikoligo kya musengwa waayo. Omugheereze mwene n'abantu be, memale obe omulamu.

Yeremia 27:3

Memale mpeereze obukwenda eri bakyabazinga bano: ow'e Edomu, n'ow'e Moabu, n'ow'e Ammoni, n'ow'e Tiro, n'ow'e Sidoni, nga mbita mu bakwenda baibwe abaidha e Yerusalemu okubona kyabazinga Zedekia.

Yeremia 28:11

Yaakoba ng'abantu boonaboona bali agho ati: “Musengwa Katonda akoba ati, atyo bw'alimenhamenha ekikoligo kyabazinga Nebukadinezzari kye yata mu nkoto edh'amaghanga goonagoona. Era ekyo alikikola mu myaka ebiri.” Agho nze naavaagho naaja.

Yeremia 28:17

Agho Hanania yaafa mu mwezi ogwomusanvu ogw'omwaka gwene ogwo.

Yeremia 28:5

Agho nga bakabona baligho, ghalala n'abantu boonaboona abaali beemereire agho mu isinzizo, nze naakoba Hanania nti:

Yeremia 29:15

“Mukoba muti, ‘Musengwa Katonda yatugha abalanzi mu Babilonia.’

Yeremia 36:12

Yaaja mu kisaagaati kya kyabazinga, mu kisenge eky'omughandiisi abakungu boonaboona ye baali nga batyaime: Elishama omughandiisi, ni Delaia mutabane wa Shemaia, ni Elinathani mutabane wa Akabori, ni Gemaria mutabane wa Shafani, ni Zedekia mutabane wa Hanania, n'abakungu abandi boonaboona.

Yeremia 37:13

Aye bwe natuuka ku gwetebwa Omulyango gwa Benjamini, ghaabaagho omukulu w'abaisirukale nga bamweta Iriya mutabane wa Shelemia era nga mwidhukulu wa Hanania. Yaanhemereza yankoba ati: “Oli kulumuka oire ku luuyi olw'Abababilonia!”

Yeremia 37:19

Abalanzi baimwe baaja gha, abaalanganga bati kyabazinga ow'e Babilonia talibalumba imwe, waire okulumba ensi eno?

Yeremia 49:34

Agho Zedekia nga yaakamalanga okufuuka kyabazinga wa Buyudaaya, Musengwa Katonda yaayogera ninze Yeremia, ebigema ku nsi Elamu.

Yeremia 51:59

Omugheereza wa kyabazinga Zedekia eyamulabiriranga nga tamuvaaku, baamwetanga Seraia, nga mutabane wa Neria era nga mwidhukulu wa Mahaseia. Mu mwaka ogwokuna nga Zedekia ni kyabazinga wa Buyudaaya, Seraia oyo bwe yali ng'ali kuja e Babilonia ni Zedekia oyo, nze Yeremia naabaaku bye namulagira.

Ezekieli 13:6

Balimba abantu bati babonekeirwa era baalanga eby'obuguya. Baabakobera mbu bali kwogera bukwenda bwange nze Musengwa Katonda, ate nga ti ninze mbatumye. Era basuubira mbu nze ndidha kutuukiriza bye bakobye.

Hosea 7:3

Musengwa Katonda akoba ati: “Abantu beefuula okuba ng'abasanhusa kyabazinga, aye nga baguya buguye, era beefuula okuba ng'abasanhusa abafuzi baibwe, aye nga balimba bulimbe.

Yoshua 10:12

Olunaku Musengwa Katonda lwe yagha Abaisiraeli obughanguzi ni baghangula Abamori, Yoshua yaakoba Musengwa Katonda ebibono bino, ng'Abaisiraeli boonaboona bawulira, ati: “Iwe endhuba yemerera agho e Gibeoni era tovaagho; n'iwe omwezi obe ghaigulu gh'ekiiko eky'e Aiyaloni.”

Yoshua 9:3

Aye abantu ab'e Gibeoni, nga Bahivi, baawulira Yoshua kye yakola Yeriko ni Ayi.