Yeremia 27:9 - Baibuli Ekibono kya Katonda 2014

⁹ Mutajiira ku bya balanzi baimwe oba balaguzi baimwe, waire okujiira ku muntu yeenayeena abakoba ati asobola okulagula ebiribaagho ng'abita mu kuvuunula ebirooto, ni mu kukola eby'obulogo n'eby'emizimu. Abantu abo boonaboona babakoba obutaganha kyabazinga w'e Babilonia kubafuga.

Yeremia 27:9 ပူးပေါင်းရင်းမြစ်များ

Okuvaayo 22:18

“Otaganhanga mukazi mulogo kubaagho nga mulamu.

Okuvaayo 7:11

Agho kyabazinga yaayetesa abasaadha be abagezigezi n'abalogo, boona baakozesa obulogo bwaibwe baakola ekintu n'ekirala.

Ensambo 19:27

Mwana wange, bw'olekera okuwulirisa bye nkugalagira, oidha kwerabira ni bye wali oidhi.

Isaia 8:19

Kale batabakobanga bati: “Mwebuuze ku basamize n'abalaguzi, abalira ng'oti binhonhi era aboogera obwama.” Timwidhi ng'abantu bagwaine kwebuuza ku Katonda waibwe? Ebigema ku balamu ate byebuuzibwa ku bafu?

Yeremia 14:14

Aye Musengwa Katonda yankoba ati: “Abalanzi abo balanga bya buguya mu liina lyange. Nze tibatumangaku oba okubalagira ekintu kyonakyona, waire okwogera nabo. Okubonekerwa kwe boogeraku kwa buguya, ni bye balagula biziramu makulu, babiyiiya buyiiye beene.

Yeremia 23:16

“Agho Musengwa Katonda Afuga Amagye yaakoba abantu b'e Yerusalemu ati: ‘Mutawulirisa balanzi bye babakoba, nga babasuubiza ebizirayo. Ebyo bye babakobera babiyiiya buyiiye mu myoyo gyaibwe, se ti ebyo nze bye mbakoba.

Yeremia 23:25

Ndidhi abalanzi abo bye bakoba, abalanga eby'obuguya mu liina lyange, nga bakoba mbu nze nabagha obukwenda bwange nga bali mu birooto byaibwe.

Yeremia 23:32

Muwulire nze Musengwa Katonda kye nkoba: Nkyagha abalanzi abo abakobera abantu ebirooto byaibwe ebiidhwire obuguya, ni badaaliimya abantu bange n'obuguya bwaibwe obwo, nga babeesuutiraku. Tibatumangaku, naire okubalagira baje bakole batyo! Era bazira kya makulu kye batwalira bantu abo naire. Nze Musengwa Katonda, ninze nkobye.”

Yeremia 29:8

Nze Musengwa Katonda Afuga Amagye, Katonda wa Isiraeli, ndi kubalabula nti mutaganhanga balanzi ababa mu imwe kubaguya, waire omuntu owundi yeenayeena akoba ati asobola okulagula ebiri mu maiso. Mutawulirisanga birooto byaibwe bye beeroosaloosa.

Ezekieli 21:29

“‘Okubonekerwa kwe mufuna kwa buguya, ni bye mulagula ti bituufu naire. Muli babi abatasiimya Katonda naire, era olunaku lwaimwe lutuuse, n'ekiseera eky'okubonerezebwa kwaimwe okusembayo. Empiima eja kusala amamiro gaimwe.

Danieli 4:7

Agho abalaguzi, n'abasamize, n'ab'amaghembe, n'abo abeetegereza ebiri ku igulu, baidha. Nze naabakobera ekirooto kyange, aye amakulu gaakyo gaabalema okunkobera.

Mika 3:7

Abo abalengera ebiri mu maiso n'abalaguzi boonaboona baja kuswazibwa olw'okulemwa okukoba ebituufu. Baja kwegema mu maiso nga baswaire olwa Katonda okubasiriikirira.

Zekaria 10:2

Abantu beebuuza ku misambwa, ni ku balaguzi, ni ku bavuunuzi b'ebirooto, aye bye babairamu bya buguya byereere era bizira kye bibayamba naire. Kale ekyo kyaleetera abantu okutambulatambula eyo batyo ng'oti ntaama edhibuze. Olwo baadaazibwadaazibwa olw'okubulwa omukulembeze.

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

Ebikolwa by'Abatume 8:11

Baamuwuliranga, kuba yamala entangama ng'abaasaamiriza n'obulogo bwe.

Ab'Efeso 5:6

Batabaguyanga na bibono biziramu, kuba byene ebyo n'ebireetera obusungu bwa Katonda okwidha ku batamuwulira.

Amateeka Agokubiri 13:2

Ekyo aghanga okukikola ng'ayenda mutoolere okusinza bakatonda be mutasinzangaku. Aye ekirooto ekyo oba ekyewuninkiriza ekyo ky'asuubiiza ni bwe kituukiriranga,

Amateeka Agokubiri 18:14

Musa yaakoba Abaisiraeli ati: “Abantu ab'omu nsi eyo ye muli kumpi okutwala, bajiira ku bya bulaguzi na bya bulogo. Aye imwe, Musengwa Katonda waimwe tabaganha kujiira ku ebyo.

Yoshua 13:22

Era mu bantu Abaisiraeli be baita n'omwali Balaamu omulaguzi era mutabane wa Beora.

Okwolekebwa 18:23

Okumulika okw'entaala tikuliirayo kabiri kuboneka mu iwe, waire amamiro ag'oyo abayiiza omugole oba ag'omugole mwene, okwirayo okuwulirwa mu iwe. Abaasuubuliranga mu iwe abaali abakologho ku nsi wabaguya, n'amaghanga goonagoona wagaguyanga n'obulogo bwo.”

Okwolekebwa 21:8

Aye abo abati, n'abataikiriza, n'abadankaanu, n'abatemo, n'abenzi, n'abalogo, n'abasinza ebitali Katonda, n'abaguya boonaboona, ekifo kyaibwe kiriba mu nhandha ey'omuliro n'obunhota bwa salufa: okwo n'okufa okwokubiri.”

Okwolekebwa 22:15

Aye embwa, n'abalogo, n'abenzi, n'abatemo n'abasinza ebyo ebitali Katonda, n'abaguya, baliba kuliya.

Okwolekebwa 9:21

Era baaloba okwenenia olw'obutemo bwaibwe, n'obulogo bwaibwe, n'obudankaanu bwaibwe, n'obwibi bwaibwe.