Yeremia 27:6 - Baibuli Ekibono kya Katonda 2014

⁶ Era mperaano ninze mpaire omugheereza wange, kyabazinga Nebukadinezzari ow'e Babilonia, okufuga amaghanga gano goonagoona. Era naamugha n'ensolo edh'omu nsiko dhoona dhimugheereze.

Yeremia 27:6 ပူးပေါင်းရင်းမြစ်များ

2 Bakyabazinga 25:28

Evilimerodaki oyo yaamubisa bukalamu, yaamuta mu kifo kya ghaigulu okusinga bakyabazinga abandi abaali naye mu bunhage e Babilonia.

2 Ebyomubyanda 36:23

“Kyabazinga Kuro ow'e Perusia akoba ati: Musengwa Katonda, Katonda ow'eigulu, yampa obwakyabazinga bwonabwona obw'oku nsi, era ampaire obuvunaanizibwa okumuzimbira eisinzizo e Yerusalemu ekiri mu Buyudaaya. Kale ni buli muntu ku imwe abantu be, aje eyo. Nsaba Musengwa Katonda oyo abe n'imwe mwenamwena abantu be.”

Isaia 44:28

Ninze nkoba Kuro nti, ‘Niiwe omufuzi ye ntairegho otuukirize byonabyona bye nhenda.’ Naalagira Yerusalemu nti, ‘Oidha kuzimbibwa buyaaka,’ era naakoba n'eisinzizo nti, ‘Omusingi gwo gwidha kuteebwagho.’ ”

Yeremia 21:7

Aye iwe Zedekia, n'abakungu bo, n'abantu abandi abaliwona olutalo n'endwaire eyo n'endhala, nja kubalekera kyabazinga Nebukadinezzari n'abazigu baimwe abandi abendanga okubaita, babageme. Nebukadinezzari oyo aja kubaita aghazira kusonigha waire okusaasira. Nze Musengwa Katonda, ninze nkobye.’ ”

Yeremia 22:25

Nandikughaireyo y'abantu b'otya, abenda okukwita. Era ndikughaayo eri Nebukadinezzari kyabazinga w'e Babilonia, n'eri abaisirukale be.

Yeremia 24:1

Agho Musengwa Katonda yandeetera okubonekerwa ebiibo bibiri nga birimu emitiini, nga biri agho emberi w'eisinzizo lye. Ekyo kyaligho nga Nebukadinezzari kyabazinga w'e Babilonia amaze okutoola e Yerusalemu kyabazinga Yekonia mutabane wa Yehoiakimu, yaamutwala e Babilonia mu bunhage ghalala n'abakungu b'omu Buyudaaya, n'abagheesi, n'abakugu mu mirimo egy'endhawulo.

Yeremia 25:9

‘Bona, nja kwetesa abantu boonaboona ababa ku luuyi olw'omukono omugooda olw'e buvandhuba, era ndhetese n'omugheereza wange Nebukadinezzari kyabazinga w'e Babilonia. Memale mbaleete balwanise abantu b'omu Buyudaaya, n'ab'omu maghanga goonagoona agaliiraine agho. Nja kuzikiriza nsaaniegho eighanga lino Buyudaaya ghalala n'amaghanga agaliiraine agho, mu nsambo etiisa einho, buli muntu ageesimoozenga bwesimooze era agavumirirenga ebyanda n'ebyanda. Nze Musengwa Katonda, ninze nkobye.

Yeremia 28:14

Musengwa Katonda Afuga Amagye, Katonda wa Isiraeli, akoba ati aidha kuta ekikoligo eky'ekyuma ekigumu einho mu nkoto edh'amaghanga gano goonagoona gagheerezenga kyabazinga Nebukadinezzari ow'e Babilonia. Musengwa Katonda era akoba ati n'ensolo edh'omu nsiko dhoona aidha kudhireetera okugheerezanga Nebukadinezzari.”

Yeremia 43:10

Memale obakobe oti nze Musengwa Katonda Afuga Amagye, Katonda wa Isiraeli, ndyetesa ghano omugheereza wange Nebukadinezzari kyabazinga ow'e Babilonia. Yaidha yaata ekityamo kye eky'obwakyabazinga ghano ku mabaale gano ge nziise, era yaagasimbaku ni weema ye ey'obwakyabazinga.

Yeremia 49:30

“Imwe abantu b'e Hazori, nze Musengwa Katonda mbalabula nti mulumuke muje ghala inho mwegise. Kyabazinga Nebukadinezzari abeesoomeire okubakola akabi, ng'akoba ati,

Ezekieli 29:12

Ndigifuula bifulukwa byereere okusinga n'ensi edhindi dhoonadhoona edhaali dhifuuliibwaku ebifulukwa. N'ebibuga byayo birizika okumala emyaka makumi ana (40), byaba bubi inho okusinga ebibuga ebindi byonabyona ebyali bizikiriziibwaku. Ndisansaaniza Abamisiri mu maghanga kamaala, naabasindika mu nsi enhingi baanoonia eyo obubudamo.”

Ezekieli 30:24

Olwo naaleetera emikono gya kyabazinga w'e Babilonia okuba egy'amaani era naamuta mu ngalo empiima yange. Aye naamenha emikono gya kyabazinga wa Misiri, yaasindira mu maiso ga kyabazinga ow'e Babilonia ng'oti n'omuntu afumitiibwa ebibwa ebija okumwita.

Danieli 4:12

Amakaba gaagwo nga gaboneka bulungi, era nga gwataaku ebibala kamaala, ebisobola okuliisa ensi yoonayoona. Ensolo edh'omu nsiko nga dhiwuumulira mu kinsense kyagwo, n'enhonhi edh'omu ibbanga dhaasula mu nsaga dhaagwo. Era ebitonde byonabyona ebiri n'omubiri, nga birya ku muti ogwo.

Danieli 4:22

“Isebantu kyabazinga, niiwe omuti ogwo. Wakula era waaba wa maani, ekitiibwa kyo kyeyongera kyatuuka ku igulu, n'obufuzi bwo bwatuuka ensi y'ekanga.