Yeremia 27:5 - Baibuli Ekibono kya Katonda 2014

⁵ “Nze Musengwa Katonda nakozesa obuyinza bwange obungi n'amaani gange agataloodheka, natonda ensi n'abantu baamu, n'ensolo dhaamu dhoonadhoona. Era ensi eyo ngigha oyo ye mba nga nsazeegho okugigha.

Yeremia 27:5 ပူးပေါင်းရင်းမြစ်များ

Amainhama 1:25

Katonda yaatonda ensolo edh'omu nsiko, n'ensolo enfuge edha buli nsambo. Era yaatonda ebyeghaluliza ku itaka byonabyona. Katonda yaakibona nga kikalamu.

Amainhama 9:6

Omuntu yakolebwa mu mboneka ya Katonda: Kale ole bw'anaitanga omuntu, yeena aidhanga kwitibwa.

1 Bakyabazinga 8:42

kuba abantu baliwulira nga bw'oli omukologho era nga bw'okola eby'amaani ebitaloodheka, memale n'aidha okukusinza ng'alingiriire eisinzizo lino,

Ezera 1:2

“Kyabazinga Kuro ow'e Perusia akoba ati: Musengwa Katonda ow'eigulu, yampa obwakyabazinga bwonabwona obw'oku nsi, era ampaire obuvunaanizibwa okumuzimbira eisinzizo e Yerusalemu ekiri mu Buyudaaya.

Nehemia 9:22

Wabagha okughangula bakyabazinga n'amaghanga agandi agabeezungulwire. Baatwala ensi ya Sihoni kyabazinga w'e Heshiboni, n'eya Ogi kyabazinga w'e Bashani, dhaaba dhaibwe ku bwaibwe.

Zabbuli 102:25

Eira einho wataagho emisingi egy'ensi, n'eigulu lyona walikola na ngalo dho.

Zabbuli 96:5

kuba bakatonda boonaboona ab'amaghanga agandi, bintu buntu ebisinzibwa ebitali Katonda, aye Musengwa Katonda n'eyakola eigulu.

Okuvaayo 20:11

kuba mu nnaku omukaaga nze Musengwa Katonda nakola eigulu, n'ensi, n'enhandha n'ebirimu byonabyona, naawuumula ku lunaku olwomusanvu. Kye nava ni ndugha enkabi era ni ndutukuza.

Okuvaayo 6:6

Agho ni, kobera Abaisiraeli oti, ‘Ninze Musengwa Katonda, era ndidha kubatwikula emirimo emikalangufu Abamisiri gye babakaka okukola. Nja kugolola omukono gwange ogw'amaani, mbonereze Abamisiri n'ebibonerezo ebikakali, mbanunule imwe era mbawonie okuba abairu baibwe.

Isaia 42:5

Musengwa Katonda n'eyatonda eigulu yaalibambagho, era yaayandhagho ensi yaagitaamu n'ebigirimu byonabyona. Abantu ababa mu nsi eyo ni bagitambuliramu, yabataamu omuuka gwe bagheera n'omwoyo ogw'obulamu. Era Musengwa Katonda oyo akoba omugheereza we ati:

Isaia 44:24

“Ninze Musengwa Katonda Omununuzi waimwe, eyabatonda ni mbata mu nda dha bainhaimwe. Ninze Musengwa Katonda eyakola ebintu byonabyona, ni mmambagho eigulu zenka, era ni nhandhagho ensi nga ghazira angemeireku naire.

Isaia 45:12

Ninze natonda ensi, naatonda n'abantu abagibaamu. Nakozesa obuyinza bwange, naabamba eigulu, era ninze nfuga n'ebiri ghaigulu mu ibbanga byonabyona.

Isaia 48:13

Ninze mwene eyataagho omusingi gw'ensi, era nze mwene naabambagho eigulu; bwe mbyeta bivugira era byaidha mangu.

Isaia 51:13

Obwo mwerabiire Musengwa Katonda Omutonzi waimwe eyabamba eigulu, n'ataagho n'emisingi gy'ensi? Lwaki buli kaakyeire muba mu kutya, olw'obusungu bw'abo ababatuntuza, abeetegeike okubazikiriza? Mpegaano obusungu bwaibwe mukaabubonaku naire?

Yeremia 27:4

Nkobe abakwenda ba bakyabazinga abo, bakobere bakyabazinga baibwe abo bati, Musengwa Katonda Afuga Amagye Katonda wa Isiraeli, akoba ati:

Yeremia 32:17

“Aa, Musengwa Katonda wange, niiwe owatonda eigulu n'ensi ng'okozesa obuyinza bwo obungi n'amaani go agataloodheka. Ghazira kintu kikalangufu inho iwe ky'otasobola.

Yeremia 51:15

Musengwa Katonda n'eyakola ensi n'obuyinza bwe, yaataagho eby'oku nsi n'amagezi ge, era yaabambagho eigulu.

Danieli 2:38

Era Katonda yakuta mu ngalo byonabyona ebiri ku nsi okubifuga: abantu, ensolo, n'enhonhi. Niiwe omutwe ogwa zaabu.

Danieli 4:14

Malaika oyo yaayogera mu mamiro ag'amaani ati: ‘Temagho omuti ogwo, oguwaawuleku ensaga n'amakaba, era ogutooleku ebibala obisansaaniesansaanie. Olwo ensolo edhibairenga ghansi ghaagwo dhirumukegho, n'enhonhi edhibairenga ku nsaga dhaagwo dhije.

Danieli 4:17

Ekyo n'ekibonerezo ekyasalibwagho, ni kirangirirwa bamalaika abakuumi abatukuvu. Olwo abantu boonaboona eyo ye bali, basobole okumanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha y'ayenda yeenayeena, ni bw'aba nga n'asingamu okuba omuwombeefu mu boonaboona.’ ”

Danieli 4:22

“Isebantu kyabazinga, niiwe omuti ogwo. Wakula era waaba wa maani, ekitiibwa kyo kyeyongera kyatuuka ku igulu, n'obufuzi bwo bwatuuka ensi y'ekanga.

Danieli 4:25

Baidha kukubinga bakutoole mu bantu, bakusindike mu nsolo edh'omu nsiko. Omale emyaka musanvu ng'olyanga isubi ng'oti nte, n'omusulo oguva ku igulu gukukubenga obole, okutuusa lw'olimanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha oyo y'ayenda yeenayeena.

Danieli 5:18

“Kale ni Isebantu kyabazinga, wulira: oyo Ali Ghaigulu Yeene yagha lata wo Nebukadinezzari okuba kyabazinga omukologho, ow'ekitiisa, era ow'amaani.

Ebikolwa by'Abatume 14:15

“Basaadha imwe, lwaki mukola ebyo? Twena tuli bantu buntu nga imwe. Tubaleeteire Amawulire Amalungi, musobole okuleka ebyo ebitaganhula, mwire ye Katonda omulamu eyakola eigulu, n'ensi, n'enhandha ni byonabyona ebibirimu.

Ebikolwa by'Abatume 17:24

Katonda eyakola ensi n'ebigirimu byonabyona, oyo ni Musengwa w'eigulu n'ensi era oyo taba mu masabo gazimbibwa bantu.

Ebikolwa by'Abatume 17:26

Mu muntu omulala Katonda ye yatonda, n'omwava amaghanga goonagoona ag'abantu agabunia ensi. Yasooka okubateeragho ebiseera ebigere, n'ensalo edh'ebifo mwe banaabanga.

Amateeka Agokubiri 2:19

Bwe munaaba nga muli kumpi okutuuka mu nsi ey'Abammoni, mutabadaazadaaza era mutabatanulaku lutalo. Kuba imwe tija kubaghaaku kitundu waire ekitono kiti ku nsi yaibwe, okuba ekyaimwe. Ensi eyo namala ira okugigha Abammoni abo baidhukulu ba Loti, ebe yaibwe.’ ”

Amateeka Agokubiri 2:21

Baali eighanga eikologho ery'abantu kamaala abawaigufu ng'oti Banaki. Aye Musengwa Katonda yaabazikiriza. Olwo Abammoni baababingamu, beene baasenga mu kifo kyaibwe.

Amateeka Agokubiri 2:7

“Musengwa Katonda waimwe yabagha enkabi, ebintu byonabyona byabajiira bukalamu. Yaabalabirira nga muli kubita mu irungu lino einene. Emyaka gino amakumi ana yaaba ghalala n'imwe, nga muzira kye mudhulirira.

Amateeka Agokubiri 2:9

Agho Musengwa Katonda yankoba ati, ‘Mutadaazadaaza bantu ab'e Moabu, baidhukulu ba Loti, era mutabatanulaku lutalo. Imwe tiidha kubaghaaku kitundu waire ekitono kiti ku nsi yaibwe, okuba ekyaimwe. Ekibuga Ari nakigha ira Abamoabu abo kibe kyaibwe.’ ”

Amateeka Agokubiri 32:8

Oyo Ali Ghaigulu Yeene yagabira amaghanga obutaka bwago, bwe yayawulamu abantu. Yaabateeragho ensalosalo ng'ajiira ku mughendo gw'abaana ba Katonda.

Amateeka Agokubiri 4:17

oba ensolo yoonayoona ey'oku nsi, oba enhonhi ey'amaghagha eguluka,

Amateeka Agokubiri 4:25

“Ni bwe muliba nga mumaze entangama endeeyi mu nsi eyo, nga muzaire abaana era nga muli n'abaidhukulu, mutagezangaku kwonoona nga mwekolera ekisinzibwa ekitali Katonda eky'ensambo yoonayoona. Ekyo kibi mu maiso ga Musengwa Katonda waimwe, era kirimusungughaza.

Amateeka Agokubiri 4:32

Musa yaayongera okukoba Abaisiraeli ati: “Mwekebeedhe ebyaligho mu byanda eby'eira, okuviira irala einhuma ere, bukyanga Katonda atonda abantu ku nsi. Mwekebeedhe ensi yoonayoona. Ekintu ekikologho ng'oti ni kino kyali kibaireghooku, era ghaligho eyaali akiwuliireku?

Amateeka Agokubiri 4:35

Ebyo Musengwa Katonda yabibooleka, musobole okumanha nga mwene ni Katonda yenka, ezirayo wundi.

Amateeka Agokubiri 5:16

“ ‘Mughenga balata baimwe ni bainhaimwe ekitiibwa, nga nze Musengwa Katonda waimwe bwe mbalagira, olwo mughange okubanga obukalamu era mughangaalire mu nsi ye ndi kubagha.

Amateeka Agokubiri 9:29

Ate nga abo n'abantu bo, ababo ku bubwo, be watoola mu Misiri n'obuyinza bwo obungi era n'amaani amangi.’ ”

Ab'e Kolosai 1:16

Mu oyo ebintu byonabyona mwe byatonderwa: Ebiri mu igulu, ebiri mu nsi, ebiboneka, n'ebitaboneka. Ka bibe bityamo bya bakyabazinga oba bakyabazinga beene, oba abaami oba ab'obuyinza ebintu byonabyona byatonderwa mu oyo, era ku lulwe.

Abaheburayi 1:2

Aye mu nnaku dhino edhisembayo yaayogera n'ife ng'abita mu Mwana we, ye yataagho okuba mwene bintu byonabyona, era ye yabitamu okutonda ensi.

Okwolekebwa 4:11

“Musengwa era Katonda waife, ogwaniire okugheebwa ekitiisa, okusaakibwa, era n'obukumu. Kuba niiwe watonda ebintu byonabyona, byatondebwa era byabaagho olw'okwenda kwo.”