Yeremia 27:16 - Baibuli Ekibono kya Katonda 2014

¹⁶ Agho naakobera bakabona n'abantu abandi nti Musengwa Katonda yakoba ati: “Mutawulirisa bya balanzi abalanga bati, ‘Mubone eno, ebintu by'eisinzizo bali kumpi okubiiza okuva e Babilonia’. Ebyo balanga bya buguya.

Yeremia 27:16 ပူးပေါင်းရင်းမြစ်များ

2 Bakyabazinga 24:13

Yaatoola eby'obukombe byonabyona eby'omu isinzizo, n'eby'omu kisaagaati kya kyabazinga, yaabitwala. Era nga Musengwa Katonda bwe yakoba, Nebukadinezzari yaamenhamenha ebintu byonabyona ebya zaabu, kyabazinga Solomoni owa Isiraeli bye yali ataire mu isinzizo.

Isaia 9:15

omutwe ogwo nga n'abantu abakaire era ab'ebitiibwa, ate omukira nga n'abalanzi abeegeresa eby'obuguya.

Yeremia 27:10

Ebyo bye balagula bya buguya, era, imwe, birindeetera nze, okubatwala eghala einho okuva mu nsi yaimwe. Ndibabinga mu nsi yaimwe, mwaja mwazikiririra eyo.

Yeremia 27:14

Mutawulirisa bya balanzi ababakoba bati, ‘Mutaganhanga kugheereza kyabazinga w'e Babilonia’. Abalanzi abo balanga bya buguya.

Yeremia 28:3

Mu myaka ebiri egiidha, nja kwiza mu kifo kino ebintu byonabyona eby'eisinzizo, kyabazinga Nebukadinezzari bye yatwala e Babilonia.

Danieli 1:2

Musengwa yaaghaayo kyabazinga Yehoiakimu owa Buyudaaya mu buyinza bwa Nebukadinezzari ghalala n'ebindi ku bintu ebyakozesebwanga mu isinzizo lya Katonda. Nebukadinezzari yaabitwala mu nsi Shinari mu isabo lya katonda we, yaabita mu iterekero ery'eisabo eryo.