Yeremia 27:15 - Baibuli Ekibono kya Katonda 2014

¹⁵ Musengwa Katonda mwene akoba ati tabatumangaku, kale ni bye balanga mu liina lye bya buguya. Era birireetera Musengwa Katonda oyo okubabinga imwe mu nsi yaimwe, mwaja mwazikiririra eyo ghalala n'abalanzi abo ababaguya.”

Yeremia 27:15 ပူးပေါင်းရင်းမြစ်များ

2 Ebyomubyanda 25:16

Aye yali akaayogera, kyabazinga yaamukoba ati: “Twakulonda li okuba omuwi ow'amagezi wa kyabazinga? Sirika, okutoolaku ng'oli kunoonia kukwita!” Omulanzi yaasirika, aye era ng'amaze okumukoba ati: “Ndidhi nga Katonda mumalirivu okukuzikiriza, kuba okoze ekyo era waaloba kuwulirisa magezi ge nkughaire.”

Yeremia 14:14

Aye Musengwa Katonda yankoba ati: “Abalanzi abo balanga bya buguya mu liina lyange. Nze tibatumangaku oba okubalagira ekintu kyonakyona, waire okwogera nabo. Okubonekerwa kwe boogeraku kwa buguya, ni bye balagula biziramu makulu, babiyiiya buyiiye beene.

Yeremia 20:6

N'iwe Pashuhuri, balikugema baakutwala e Babilonia ghalala n'ab'omu maka go boonaboona. Era eyo y'olifiira, waaziikibwa iwe ni bakagwa bo boonaboona be wakoberanga obulanzi obw'obuguya.’ ”

Yeremia 23:15

“Agho ni, nze Musengwa Katonda Afuga Amagye, nkoba abalanzi b'omu Yerusalemu nti: ‘Mubone eno, ndidha kubagha olubiriizi balulye lubakaayire, mbaghe n'amaadhi agalimu eirogo baganhwe; kuba baleeteire abantu boonaboona mu nsi eno obutatya Katonda.’

Yeremia 23:21

Agho Musengwa Katonda yaakoba ati: “Nze tyatuma balanzi abo, aye beene baaja buje. Tyabagha bukwenda naire, aye beene baalanga bulange mu liina lyange.

Yeremia 23:25

Ndidhi abalanzi abo bye bakoba, abalanga eby'obuguya mu liina lyange, nga bakoba mbu nze nabagha obukwenda bwange nga bali mu birooto byaibwe.

Yeremia 27:10

Ebyo bye balagula bya buguya, era, imwe, birindeetera nze, okubatwala eghala einho okuva mu nsi yaimwe. Ndibabinga mu nsi yaimwe, mwaja mwazikiririra eyo.

Yeremia 29:8

Nze Musengwa Katonda Afuga Amagye, Katonda wa Isiraeli, ndi kubalabula nti mutaganhanga balanzi ababa mu imwe kubaguya, waire omuntu owundi yeenayeena akoba ati asobola okulagula ebiri mu maiso. Mutawulirisanga birooto byaibwe bye beeroosaloosa.

Yeremia 29:9

Ebyo bye balagula nga bakozesa eriina lyange bya buguya, kuba nze tibatumangaku naire. Nze Musengwa Katonda, ninze nkobye.’ ”

Yeremia 38:22

Mu kubonekerwa okwo nabona abakazi boonaboona abaali basigaire mu kisaagaati kya kyabazinga wa Buyudaaya, ng'abaisirukale bali kubatwalira abakungu ba kyabazinga w'e Babilonia. Era nga bali kuja bwe bakoba bati, ‘Bakagwa ba kyabazinga be yeesiganga n'abaamubuzaabuza, baamuwubisawubisa; mpegaano bwe baboine ng'atubiire mu bitosi bamulekuliire bw'agho.’ ”

Matayo 15:14

Mubaleke abo abatulu abakulemberamu batulu banaibwe ate nga omutulu bw'akulemberamu mutulu mwine, bombi bagwa mu kiina.”

Matayo 24:24

kuba ghaliidhagho abantu abeeyeta Kurisito n'abeeyeta abalanzi, era baakola obumanhiso obw'amaani n'ebyewuunhio, nga benda okuwubania n'abalonde, bwe kiba kisoboka.

Okwolekebwa 19:20

Ekisolo kyagemebwa ghalala n'omulanzi omuguya eyakola ebyewuunhio mu maiso gaakyo. Ebyewuunhio ebyo bye yakozesa okuguya abo abaaganha okuteebwaku akamanhiso k'ekisolo era n'okusinza ekifaananie kyakyo. Ekisolo ekyo ghalala n'omulanzi omuguya, bombi baasuulibwa mu nhandha ey'omuliro n'obunhota bwa salufa nga balamu.