Yeremia 26:9 - Baibuli Ekibono kya Katonda 2014

⁹ Lwaki olanze mu liina lya Musengwa Katonda oti eisinzizo lino lija kufuuka nga Shilo, era oti ekibuga kino kija kuzikirizibwa ghabule n'omuntu akibaamu?” Agho abantu boonaboona beesololeza ghe ndi, baaneezungulula mu isinzizo.

Yeremia 26:9 ပူးပေါင်းရင်းမြစ်များ

2 Ebyomubyanda 25:16

Aye yali akaayogera, kyabazinga yaamukoba ati: “Twakulonda li okuba omuwi ow'amagezi wa kyabazinga? Sirika, okutoolaku ng'oli kunoonia kukwita!” Omulanzi yaasirika, aye era ng'amaze okumukoba ati: “Ndidhi nga Katonda mumalirivu okukuzikiriza, kuba okoze ekyo era waaloba kuwulirisa magezi ge nkughaire.”

Isaia 29:21

Katonda alizikiriza abo abaghaayiriza banaibwe emisango gye batakoze, n'abo abayamba abaizi ab'emisango ni batabonerezebwa, era n'abo abaguya ni balemesa omutuufu okusalirwa omusango mu mazima.

Yeremia 32:3

Kyabazinga Zedekia n'eyalagira bansibe kuba nalanga nti Musengwa Katonda yakoba ati: “Nja kuleka kyabazinga w'e Babilonia ageme ekibuga kino.

Yeremia 33:10

Musengwa Katonda akoba ati: “Abantu bakoba bati ekifo kino kiri ng'oti irungu, era bati kiziramu bantu bakibaamu waire ensolo. Era batuufu okukoba batyo, kuba ebibuga eby'omu Buyudaaya biziramu bantu, n'enguudo edh'omu Yerusalemu nkalu. Ghazira bantu babaamu waire nsolo dhibaamu. Aye mu bifo ebyo oliiramu okuwulira

Yeremia 36:29

Era kyabazinga oyo omukobe oti, ‘Wayokya enzingo y'ekitabo era waabuuza Yeremia lwaki yaghandiika ati kyabazinga ow'e Babilonia aliidha yaazikiriza ensi eno, era yaita abantu baamu n'ensolo dhaamu.’

Yeremia 9:11

Musengwa Katonda yankoba ati: “Ndidha kufuula ekibuga Yerusalemu kibe mmungo dha bifunfugu, era kibe ekifo omusula ebibe. Ebibuga by'omu Buyudaaya byonabyona bija kusigala bifulukwa byereere, ghabulegho omuntu abibaamu.”

Okulira 4:13

Aye ekyo kyabaagho olw'ebibi eby'abalanzi baamu, n'olw'okwonoona okwa bakabona baamu, abaakiitirangamu abantu abatuufu.

Amosi 5:10

Abantu imwe, mukyagha omuntu abatakania olw'okusaliriza mu mbuga dh'amateeka. Era n'omuntu ayogera amazima abasina.

Mika 2:6

Abantu bankoba bati: “Totukobera ebyo. Omuntu tagwaine kukoba ku bintu oti n'ebyo. Musengwa Katonda taja kutubonereza na kutuswaza bwaga agho.

Matayo 21:23

Agho Yesu yaidha mu isinzizo, era bwe yali ayegeresa Bakabona Abakulu n'abakulu ab'ebika baaseeta gh'ali baamukoba bati: “Buyinza ki obukukoza bino, era naani eyakugha obuyinza obwo?”

Matayo 27:20

Aye Bakabona Abakulu n'abakulu ab'ebika baapikiriza abantu basabe Barabba, aye Yesu aitibwe.

Mariko 15:11

Aye Bakabona Abakulu baapikiriza ekiyindi bati koodhi abalekulire Barabba.

Yoanne 8:20

Yesu yakoba bino byonabyona ng'ali kwegeresa mu isinzizo agho mu kifo aghaateebwanga ebirabo. Era ghazira yamugema kuba ekiseera kye kyali kikaali kutuuka.

Yoanne 8:59

Agho baalonda amabaale nga benda bagamukube, aye Yesu yeegisa era yaava mu isinzizo.

Ebikolwa by'Abatume 13:50

Aye Abayudaaya baapikiriza abakazi ab'ekitiisa era abaidhumbiranga eidiini, n'abasaadha abakulu ab'ekibuga, baatoolereza okukiriga Paulo ni Barunaba era baababinga mu kiketezo kyaibwe.

Ebikolwa by'Abatume 21:30

Ekibuga kyonakyona kyatabanguka, abantu boonaboona bagugumuka, baagema Paulo, baamughaluza baamufulumya mu isinzizo era mangu ago endhigi dhaigalwagho.

Ebikolwa by'Abatume 22:22

Abantu baamuwulirisa okutuusa bwe yayogera ekibono ekyo. Agho bainhama okwasiikana nga bakoba bati: “Mumutoolegho, kuba omuntu ng'oti n'oyo tagwaine kuba mulamu.”

Ebikolwa by'Abatume 3:11

Bwe yali ng'akeegemye ku Petero ni Yoanne, abantu boonaboona baalumuka baidha ghe baali ku lubalaza olwetebwa olwa Solomoni, nga bayasaamiriire.

Ebikolwa by'Abatume 5:12

Abatume baakola ebyewuunhio kamaala n'ebyewuninkiriza mu bantu. Boonaboona beesololezanga ku lubalaza olwetebwa olwa Solomoni.

Ebikolwa by'Abatume 5:28

“Twabasikirira obuteegeresa bibono bya musaadha oyo, aye mperaano mubone kye mukoze! Mwegereisa mu Yerusalemu mwonamwona era mwenda na kututaaku musango gwa kwita musaadha oyo.”

Ebikolwa by'Abatume 6:14

kuba twamuwulira ng'akoba ati: Yesu ow'e Nazarethi aidha kuzikiriza ekifo kino, akyuse n'empisa Musa ye yatwegeresa.”

Yoshua 18:1

Abaisiraeli bwe baamala okughangula ekiketezo kyonakyona Katonda kye yabagha, beesololeza e Shilo boonaboona, era nga bali eyo baasimba Weema ey'Okwagaananirangamu ni Musengwa Katonda.