Yeremia 26:21 - Baibuli Ekibono kya Katonda 2014

²¹ Kyabazinga Yehoiakimu n'abalwani be ab'amaani, ghalala n'abakungu be, bwe baawulira Uria oyo bye yakoba, kyabazinga yaayenda okumwita. Aye ekyo Uria yaakimanhaku era yaatya inho, kale yaalumukira e Misiri okwewonia.

Yeremia 26:21 ပူးပေါင်းရင်းမြစ်များ

1 Bakyabazinga 18:10

Ndayira mu Musengwa Katonda wo, nti ezirayo ighanga waire obwakyabazinga, musengwa wange kyabazinga y'ataatumya kukunooniayo. Era bwe baakobanga bati, ‘Ghano aziragho’, ng'alayiza obwakyabazinga obwo oba eighanga eryo, okukakasa nga tibakubonangaku.

2 Ebyomubyanda 16:10

Agho Asa yaasungughalira inho omulanzi oyo olw'ebyo bye yayogera, yaamugema yaamuta mu ikomera. Mu biseera n'ebirala ebyo, Asa oyo yaabisanga bubi n'obukambwe abantu abandi.

2 Ebyomubyanda 24:21

Aye abantu baamukolera olukwe, baamukubira amabaale mu luya lw'eisinzizo, nga baajiira ku kiragiro kya kyabazinga.

Zabbuli 119:109

Waire nga obulamu bwange buli mu kabi ka kufa buli kiseera, tija kwerabira mateeka go.

Ensambo 29:25

Omuntu ali n'okutya aba mu kabi, aye ole eyeesiga Musengwa Katonda, Katonda oyo amuwonia ebizibu.

Yeremia 26:10

Abakungu b'omu Buyudaaya bwe baawulira ebyaligho, baayangugha okuva mu kisaagaati kya kyabazinga, baaja mu isinzizo. Baatyama mu bifo byaibwe, agho ku gwetebwa Omulyango Omuyaaka ogw'eisinzizo.

Yeremia 36:26

Agho yaalagira omulangira ayetebwa Yerahameeli ghalala ni Seraia mutabane wa Azarieli, ni Shelemia mutabane wa Abudeeli, batugeme nze n'omughandiisi wange Baruku. Aye Musengwa Katonda yaatugisa.

Yeremia 38:4

Agho abakungu baaja ye kyabazinga, baamukoba bati: “Omusaadha ono bamwite bwite, kuba ensambo y'ali kwogeramu emala mu baisirukale amaani abali mu kibuga kino, era n'abantu abandi abakaasigaire mu kibuga kino. Tali kukolerera bulungi bwa bantu bano, aye ali kubaitaitana bwitaitane.”

Matayo 10:23

Era bwe babakiriganga nga muli mu kibuga kino, mulumukiranga mu kindi kuba bwenebwene mbakobera: Timulimaza bibuga bya Isiraeli ng'Omwana w'Omuntu akaali kwidha.

Matayo 10:28

Mutatyanga abo abaita omubiri aye nga tibaghanga kwita mwoyo, aye mutye oyo aghanga okuzikiriza omwoyo n'omubiri mu geyeena.

Matayo 10:39

Oyo agezaaku okuwonia obulamu bwe abufiirwa, ate oyo afiirwa obulamu bwe olw'okuba nze abuwonia.

Matayo 14:5

Aye waire yeegomba okumwita, yatya abantu abaali bamutwala nga mulanzi.

Mariko 6:19

Olw'ekyo Herodia yeegemerera Yoanne nga yeeguguna na kumwita, aye yaaloba kusobola.