Yeremia 26:18 - Baibuli Ekibono kya Katonda 2014

¹⁸ “Hezekia bwe yali nga ni kyabazinga wa Buyudaaya, omulanzi Mika eyabanga e Moreshethi yakobera abantu ati Musengwa Katonda Afuga Amagye akoba ati, ‘Olusozi Sioni balirulima ng'oti nimiro; ekibuga Yerusalemu kirifuuka mmungo dha bifunfugu, n'olusozi lwonalwona oluliku eisinzizo lwafuuka kibira.’

Yeremia 26:18 ပူးပေါင်းရင်းမြစ်များ

2 Bakyabazinga 19:25

Towulirangaku ng'ebyo byonabyona nabitegeka ira nga byakubaagho? Ebyo bye ndeeteire okubaagho mpegaano, nabyekoota ira mu biseera ebyabita. Kyewava n'ozikiriza ebibuga ebyezungulwirwa ebimante, ni bifuuka bwa mmungo ya bimunku.

2 Ebyomubyanda 32:26

Aye Hezekia yaamala yaagonda ghalala n'abantu ab'omu Yerusalemu, era baalekera agho okwekuluntaza. Kale Musengwa Katonda yaaloba kubamaliraku busungu bwe mu biseera bya Hezekia oyo.

Nehemia 4:2

Yaayogera ng'ali ghalala ni baine, n'eigye lya Samaria, yaakoba ati: “Katyo bano Abayudaaya abadoofu bali kugezaaku kukola ki? Basuubira okwizaagho ebintu nga bwe byali? Obwo basuubira kughaayo misengo? Obwo omulimo Banaagumala mu lunaku lulala? Obwo banaaghanga okutoola amabaale agaayonoonebwa omuliro mu mmungo edh'ebikaba, bairamu okugazimbisa?”

Zabbuli 79:1

Wo Katonda, abantu abatakutya bakwingiriire mu nsi yo, baayonoona eisinzizo lyo eitukuvu, baaleka ekibuga Yerusalemu nga bakizikiriiza.

Yeremia 17:3

ni ku buli lusozi olugulumivu oluli mu irungu. Eby'obukombe byaimwe n'ebintu byaimwe eby'omughendo, nja kubighaayo abazigu babinhage olw'okusasulamu ebibi ebingi bye mukoze mu nsi eno.

Yeremia 51:37

Ensi eyo erifuuka bwa mmungo dha bifunfugu, era yaafuuka ekifo ekitiisa einho omuba obw'ebibe, nga ghazira muntu akibaamu.

Yeremia 9:11

Musengwa Katonda yankoba ati: “Ndidha kufuula ekibuga Yerusalemu kibe mmungo dha bifunfugu, era kibe ekifo omusula ebibe. Ebibuga by'omu Buyudaaya byonabyona bija kusigala bifulukwa byereere, ghabulegho omuntu abibaamu.”

Mika 1:1

Mu biseera bya Yothamu, n'ebya Ahazi, n'ebya Hezekia, abaali ba kyabazinga ba Buyudaaya, Musengwa Katonda yayoleka Mika ow'omu kyalo Moreshetha ebintu bino ebigema ku Samaria ni ku Yerusalemu.

Mika 3:12

Kale ni ku lwaimwe, olusozi Sioni balirulima ng'oti nimiro, ekibuga kya Katonda Yerusalemu kyasigala agho nga mmungo ya bifunfugu n'olusozi lwonalwona oluliku eisinzizo lwafuuka kibira.

Mika 4:1

Ekiseera kiidha kutuuka, olusozi oluliku eisinzizo lube nga n'olusinga buleeyi mu dhoonadhoona, era nga lusooloobye obusozi bwonabwona. Abantu abamaghanga kamaala balisomboka baidha ku lusozi olwo,

Zekaria 8:3

Luliba lulala naira ku lusozi lwange Sioni, naaba mu kibuga kyange Yerusalemu. Olwo ekibuga ekyo balikyetanga ekibuga eky'abantu abeesigwa, era baakyetanga olusozi lwange nze Musengwa Katonda Afuga Amagye olutukuvu.