Yeremia 26:16 - Baibuli Ekibono kya Katonda 2014

¹⁶ Agho abakungu n'abantu abandi boonaboona baakoba bakabona n'abalanzi bati: “Omusaadha ono ayogeire n'ife mu liina lya Musengwa Katonda waife, kale tagwaniire kwitibwa.”

Yeremia 26:16 ပူးပေါင်းရင်းမြစ်များ

Zabbuli 94:16

Naani eyambeeraku ng'ababi abo bantanwireku olutalo? Oba naani eyayemerera ku luuyi lwange ng'abakozi b'ebibi baanumbye?

Ensambo 16:7

Omuntu bw'akola ebisanhusa Musengwa Katonda, Musengwa Katonda oyo afuula n'ababaire abazigu b'omuntu oyo baaba bakagwa be.

Yeremia 26:11

Agho bakabona n'abalanzi baakoba abakungu n'abantu abandi boonaboona, bati: “Omusaadha ono agwaniire kumusalira gwa kumwita, kuba ayogeire bubi ku kibuga kyaife, nga mwena bwe muwuliire n'amatu agaimwe geene.”

Yeremia 34:10

Kale abantu boonaboona n'abakulembeze baibwe, baisania okulekula abairu baibwe abasaadha n'abakazi babe ba idembe, era nga tibakairayo kabiri kubafuula bairu. Agho baabalekula.

Yeremia 36:19

Agho baamukoba bati: “Iwe ni Yeremia muje mwegise, mulobe kuganha muntu yeenayeena kumanha ghe muli.”

Yeremia 36:25

Era waire nga Elinathani, ni Delaia, ni Gemaria beeghemba kyabazinga alobe kwokya nzingo ya kitabo eyo, kyabazinga oyo tiyabawulirisa naire.

Yeremia 37:15

Abakungu bankambughalira, baalagira bankube, era bansibira mu ndhu ya Yonathani omughandiisi, kuba endhu eyo baali bagifiiremu ikomera.

Matayo 27:54

Agho omukulu w'ekikunsu eky'abaisirukale n'abo abaali naye nga bakuuma Yesu bwe baabona musisi n'ebintu engeri ye byabaamu, baatya ekibitiriire, baakoba bati: “Bwenebwene, ono abaire Mwana wa Katonda!”

Luka 23:41

Ife tuli kusasulwa olw'ebyo bye twakola, aye mwene azira kibi kye yaali akoze.”

Luka 23:47

Omukulu ow'ekikunsu eky'abaisirukale bwe yabona ebibairegho, yaasaaka Katonda era yaakoba ati: “Bwenebwene omuntu ono tabaire na musango!”

Ebikolwa by'Abatume 23:29

Naazuula nga baali bamulanga bigema bwa ku mateeka gaibwe era nga ghazira kye yakola ekyali kimugwaniza okufa waire okusibibwa mu ikomera.

Ebikolwa by'Abatume 23:9

Ghaabaagho okukaabuka kunene era abandi ku Banamateeka ab'omu kikunsu eky'Abafarisaayo, baayemerera, baatakana n'amaani baakoba bati: “Titubona kibi ku muntu ono. Tomanha omwoyo oba malaika bw'aba ng'ayogeire naye.”

Ebikolwa by'Abatume 25:25

Aye nze nabona nga ghazira kye yakola kimugwaniza kwitibwa era bwe yadhulira Kaisari naasalagho okumugheereza.