Yeremia 26:15 - Baibuli Ekibono kya Katonda 2014

¹⁵ Aye mukimanhe bukalamu nti bwe mundhita, imwe n'abantu b'omu kibuga kino munaaba mwereeseeku ekibi eky'okwita omuntu aziraku musango, kuba Musengwa Katonda mwene n'eyantuma okwidha okubalabula.”

Yeremia 26:15 ပူးပေါင်းရင်းမြစ်များ

Amainhama 4:10

Musengwa Katonda yaakoba ati: “Kiki kino ky'okoze? Omusaayi gwa muganda wo guli kundirira okuva ghansi olw'okwenda okwesasuuza.

Amainhama 42:22

Reubeni yaabakoba ati: “Nze tinabakoba nti omwana mutamukolaku kabi, aye imwe ni muloba kuwulira? Mpegaano kye tuva tuli kubonerezebwa olw'okufa kwe.”

2 Bakyabazinga 24:4

n'olw'abantu abaziraku musango Manasse oyo be yaita kuba yaidhuza Yerusalemu omusaayi gw'abantu be yaitira obwereere. Musengwa Katonda nga taghanga kusonigha Manasse oyo olw'ekyo.

2 Ebyomubyanda 24:22

Mu ngeri eyo kyabazinga Yoashi yaaloba kwidhukira ekisa Yehoiada kye yamukolera, yaita Zekaria mutabane wa Yehoiada oyo. Zekaria bweyali ali kumpi okufa, yaakoba ati: “Musengwa Katonda agwananga yaabona kino ky'okoze, yaakwesasuulizaaku.”

Ensambo 6:16

Ghaligho ebintu mukaaga Musengwa Katonda by'akyagha, nkani biri musanvu bye yeenhinhata:

Ensambo 6:17

okwebona ng'owa ghaigulu, okuba omuguya, okutemula abantu abaziraku musango,

Yeremia 2:30

Waire nga nababonereza aye tikyavaamu muganhulo, kuba timwaganha kukangaivulwa naire. Mwatemula abalanzi baimwe nga muli ng'oti n'empologoma ezikiriza bwe yeeruga.

Yeremia 2:34

Ebivaalo byaimwe biriku ebimyamya by'omusaayi gw'abaavu abaziraku musango, era be mutagemangaku nga bali kwiba. “Aye waire ng'ebyo biri bityo,

Yeremia 22:17

Aye iwe weemalira mu bya kufuna mu bukyamu byonka, waita abantu abaziraku musango, era waatuntuza abantu b'ofuga n'obukambwe.”

Yeremia 22:3

Musengwa Katonda oyo akoba ati mukolenga amazima n'ebituufu. Omuntu ye batuntuza mumuwonienga ole amutuntuza. Era mutakolanga kibi kyonakyona oba ekikolwa eky'obukambwe ku basenze, oba bamulekwa, oba banamwandu, oba okwitanga abantu abaziraku musango mu ighanga lino.

Yeremia 26:12

Agho naakoba nti: “Musengwa Katonda yantuma okulangirira ebyo byonabyona ebirituuka ku isinzizo lino ni ku kibuga kino, bye muwuliire nga nkoba.

Yeremia 30:1

Agho Musengwa Katonda yankoba nze Yeremia ati:

Yeremia 7:6

Mutanhigirizanga basenze, oba bamulekwa, oba banamwandu, oba okwitanga abantu abaziraku musango mu ighanga lino. Era mutasinzanga bakatonda bandi ni mwereetera kwerumya imwe beene.

Okubala 35:33

Kale ni mutayonoonanga nsi ye mubaamu, kuba obutemo bwonoona ensi. Era ezira ky'oghanga kukola okufunisa ensi ekisonigho olw'obutemo obwo obugikoleirwamu, okutoolaku okwita oyo eyatemula.

Matayo 26:25

Yuda, eyamulyamu olukwe, yaakoba ati: “Mwegeresa, otakoba oti ninze?” Yaamukoba ati: “Niiwe okyogeire.”

Matayo 26:4

baasala olukwe olw'okugema Yesu mu ngiso bamwite.

Ebikolwa by'Abatume 7:60

Yaakuba amakiryaivu, yaaleekaana ati: “Musengwa ekibi kino tokibavunaana.” Bwe yamala okwogera atyo yaafa.

Amateeka Agokubiri 19:10

Mwidha kukolanga mutyo, olwo abantu abaziraku musango balobenga kwitibwa, era mwena mulobenga kuvunaanibwa lwa kwita bantu baziraku musango, mu nsi yaimwe Musengwa Katonda waimwe y'ali kubagha.

Okwolekebwa 16:6

Olw'okuba abantu baayugha omusaayi okw'abatuukirivu bo n'ogw'abalanzi, weena ky'oviire obagha omusaayi okunhwa. Ekyo kye bagwaine!”