Yeremia 25:8 - Baibuli Ekibono kya Katonda 2014

⁸ “Agho ni, nga bwe mwaloba okumuwulirisa, Musengwa Katonda oyo Afuga Amagye akoba ati,

Yeremia 25:8 ပူးပေါင်းရင်းမြစ်များ

2 Ebyomubyanda 24:19

Musengwa Katonda yaabagheereza abalanzi okubalabula baire y'ali, aye baaloba kwefiirayo.

Isaia 42:24

Naani eyaghaayo Abaisiraeli okunhagibwa? Naani eyalekulira baidhukulu ba Yakobo abo mu ngalo dh'abanhazi? Ti ni Musengwa Katonda mwene, ye twasungughaza nga tukola ebibi, ni tuloba okukola by'ayenda, era ni tudheemera amateeka ge?

Yeremia 19:15

“Musengwa Katonda Afuga Amagye era Katonda wa Isiraeli akoba ati, ‘Ndidha kutuukiriza akabi ke nakoba okuleeta ku kibuga kino ni ku bubuga obutono obukiriiraine, kuba mwakalangusa emyoyo gyaimwe, mwaloba kuwulirisa bye mbakoba.’ ”

Yeremia 22:21

Musengwa Katonda yayogera n'imwe ng'ebintu bikaabajiira bukalamu, aye mwaloba kuwulirisa. Era mutyo bwe mubaire mukolanga buliidho, mwalobera irala okugondera by'akoba.

Yeremia 25:7

Aye Musengwa Katonda mwene akoba ati mwaloba okumuwulirisa, mwamusoononkereza mwamuleetera okusungughala nga musinza ebintu obuntu imwe beene bye mwekolera, olwo mwereetera okwerumya imwe beene.

Yeremia 25:9

‘Bona, nja kwetesa abantu boonaboona ababa ku luuyi olw'omukono omugooda olw'e buvandhuba, era ndhetese n'omugheereza wange Nebukadinezzari kyabazinga w'e Babilonia. Memale mbaleete balwanise abantu b'omu Buyudaaya, n'ab'omu maghanga goonagoona agaliiraine agho. Nja kuzikiriza nsaaniegho eighanga lino Buyudaaya ghalala n'amaghanga agaliiraine agho, mu nsambo etiisa einho, buli muntu ageesimoozenga bwesimooze era agavumirirenga ebyanda n'ebyanda. Nze Musengwa Katonda, ninze nkobye.

Yeremia 29:19

Ebyo biribatuukaku lwa butagondera bukwenda bwe nabagheerezanga aghazira kukoogha naire, nga mbubisa mu bagheereza bange abalanzi. Aye beene baaloba kuwulira.

Zekaria 1:4

Mutaba ng'oti ni badhaadha baimwe, abalanzi ab'eira be baakoberanga obukwenda bwange nze Musengwa Katonda Afuga Amagye. Abalanzi baakobanga badhaadha baimwe okuva mu mpisa dhaibwe embi ni mu bikolwa byaibwe ebibi. Aye badhaadha baimwe baaloba kuwulira nze Musengwa Katonda bye mbakoba, waire okufaayo okukola bye mbalagira.