Yeremia 25:6 - Baibuli Ekibono kya Katonda 2014

⁶ Mutasinzanga waire okugheerezanga bakatonda abandi. Era mutasoononkerezanga Musengwa Katonda ni mumuleetera kusungughala nga musinza ebintu obuntu imwe beene bye mwekolera. Bwe muligondera Musengwa Katonda oyo, talibakolaku kabi koonakoona.’

Yeremia 25:6 ပူးပေါင်းရင်းမြစ်များ

1 Bakyabazinga 14:22

Abantu ab'omu Buyudaaya baakola ebibi ebisinga ebya badhaadha baibwe boonaboona bye baakola. Kale baaleetera Musengwa Katonda okuba n'enkikidi ku lwaibwe.

2 Bakyabazinga 17:35

Musengwa Katonda yakola nabo endagaano, yaabalagira ati: “Mutasinzanga bakatonda bandi era mutabikubiranga makiryaivu, waire okughangayo emisengo ye bali.

Okuvaayo 20:23

Mutakolanga bakatonda mu feeza ni mubasinziza ghalala ninze, waire okwekolera bakatonda mu zaabu.

Okuvaayo 20:3

“Mutasinzanga katonda wundi okutoolaku nze.

Yeremia 32:30

Abantu b'omu Isiraeli n'ab'omu Buyudaaya, okuviira irala mu mainhama ag'ebyafaayo byaibwe, tibansiimya naire olw'ebikolwa byaibwe, era bansungughaza busungughaze mu bye bakola.

Yeremia 35:15

Buliidho mbaire ntumanga ye muli abagheereza bange abalanzi aghazira kukoogha naire, babakobe mulekere okukola ebibi, mukole ebituufu. Era mulobe kujiiranga ku bakatonda abandi nga mubasinza, olwo musobole okusigalanga mu nsi ye nabagha imwe ni badhaadha baimwe. Aye nga imwe timumpulirisa, waire okufaayo ku bye nkoba.

Yeremia 44:7

“Kale ni, nze Musengwa Katonda Afuga Amagye, Katonda wa Isiraeli, mperaano ndi kubabuuza lwaki muli kwereetaku akabi akaaga agho. Lwaki muli kwenda okuzikiriza abasaadha, n'abakazi, n'abaana abato, n'abaghere, ghalobe kuwonagho waire omulala ati ku bantu baimwe?

Yeremia 44:8

Lwaki munsungughaza n'ebyo bye mukola, nga muniokeza obubbaani bakatonda ab'omu nsi Misiri ye mwaja okuba? Lwaki muli kukola ebyo okwereetera imwe beene okuzikirira, n'okuleetera abamaghanga agandi okuboogerangaku imwe nga babayeeyereza era nga bwebabakolimira?

Yeremia 7:6

Mutanhigirizanga basenze, oba bamulekwa, oba banamwandu, oba okwitanga abantu abaziraku musango mu ighanga lino. Era mutasinzanga bakatonda bandi ni mwereetera kwerumya imwe beene.

Yeremia 7:9

Mwiba, mwatemula, mwakola obwenzi, mwalayira eby'obuguya, mwaniokeza omusambwa Baali obubbaani, mwasinza ni bakatonda be mwali timwidhiiku naire.

Hosea 1:7

Aye ndisaasira ab'omu Buyudaaya naabawonia abazigu baibwe, nze Musengwa Katonda waibwe, nga tikozeisa lutalo: tirikozesa bulaso, oba empiima, oba embalaasi, oba abalwanira ku mbalaasi.”

Amateeka Agokubiri 13:2

Ekyo aghanga okukikola ng'ayenda mutoolere okusinza bakatonda be mutasinzangaku. Aye ekirooto ekyo oba ekyewuninkiriza ekyo ky'asuubiiza ni bwe kituukiriranga,

Amateeka Agokubiri 28:14

Mwegenderezenga mulobe kudaaliima kuva ku ebyo bye ndi kubalagira olwaleero, na kujiira ku bakatonda bandi waire okubasinza.”

Amateeka Agokubiri 6:14

Mutasinzanga waire omulala ku bakatonda amaghanga agandi be gasinza.

Amateeka Agokubiri 8:19

Bwe mulyerabira Musengwa Katonda, ni mujiira ku bakatonda era ni mubasinza, mbalabula olwaleero nti timuliroba kuzikirira.

Yoshua 24:20

Bwe mumuvaaku ni mugheereza bakatonda ab'amaghanga agandi be basinza, aja kukyusa abakole bubi inho abazikirize, abe ng'oti tabangaku mulungi ye muli.”