Yeremia 25:34 - Baibuli Ekibono kya Katonda 2014

³⁴ Muwowoole imwe abakulembeze, mulire amaziga. Imwe abalabirira abantu bange, mwevulunge mu nkungu. Ekiseera kituuse eky'okubaita, babasalesale ng'oti bwe baita entaama enume enungi einho.

Yeremia 25:34 ပူးပေါင်းရင်းမြစ်များ

2 Ebyomubyanda 36:10

Agho omwaka nga guli kutoolera, ekiseera ebimera kye bisibukiramu, kyabazinga Nebukadinezzari yaatwala Yehoiakini e Babilonia nga musibe, yaatwala n'ebintu eby'omughendo eby'omu isinzizo. Yaataagho Zedekia muganda wa Yehoiakini oyo, yaamufuula kyabazinga wa Buyudaaya ni Yerusalemu.

Zabbuli 2:9

Amaghanga ago oligamenhamenha n'omwigo ogw'ekyuma, era waagamaniangula ng'oti ntamu ya muwumbi.’ ”

Isaia 10:12

“Aye Musengwa Katonda akoba ati: ‘Bwe ndimala okukola ekyo kye ndi n'okukola ku Lusozi Sioni ni ku Yerusalemu, ndibonereza kyabazinga w'e Assiria olw'okwesuuta n'okwekuluntaza.’”

Isaia 2:16

Alisaaniagho amaato goonagoona ag'e Tarushishi, yaasaaniagho n'ebintu byonabyona ebyakolebwa ebisanhusa okubona.

Isaia 30:14

Mulimenhekamenheka ng'oti nsugha ya itosi, ye bakubiiregho ku itaka n'emulunguka obutasigalagho waire katundu ka lugyo ak'okutoolesa omuliro mu ziiko, oba okusenesa amaadhi mu kidiba.”

Isaia 33:1

Mukagwireku imwe abazikiriza banaimwe, ate nga imwe ghazira abazikirizangaku; n'imwe abaghemukira abantu ni mubeefuulaku ate nga imwe ghazira abaghemukirangaku n'abeefuulaku. Ekiseera kyaimwe eky'okuzikiriza bwe kiriwaaku, olwo mwena balibazikiriza; era ekiseera kyaimwe eky'okughemukira abantu nga mubeefuulaku bwe kiriwaaku, olwo mwena balibaghemukira baabeefuulaku.

Isaia 34:6

Empiima ya Musengwa Katonda erisaabaana omusaayi n'amasavu eby'abantu, yaaba ng'oti bw'esaabaana omusaayi n'amasavu eby'entaama ento n'embuzi, edhimugheebwa ng'emisengo. Musengwa Katonda mwene n'alighaayo omusengo ogwo e Bozira, ng'aita abantu kamaala inho mu nsi Edomu.

Isaia 34:7

Abantu baliitibwa ng'oti bwa mbogo era baitibwa ng'oti bwa nte nume entototo edh'amaani. Era ensi yaibwe erisaabaana omusaayi, n'eitaka lyaibwe lyagimuka n'amasavu.

Yeremia 18:22

Basindikire eikuukuubira ery'abanhazi libazinduukirize libagweku, olwo bawowoole mu ndhu dhaibwe; kuba basimye ebiina mbigwemu, bantega n'emitego gingemye.

Yeremia 22:28

Agho naakoba nti: “Omusaadha ono Konia afuuse ng'oti nsugha eyamenheka ni bagisuula ere ng'eziraku agyenda? Eyo n'ensonga lwaki mwene n'abaana be baabingibwa baasuulibwa mu nsi ye bataidhi?”

Yeremia 23:1

Bakagwireku abakulembeze abo abasansaania abantu ba Musengwa Katonda ni babazikiriza.

Yeremia 25:12

Emyaka ensanvu egyo bwe giriwaayo, ndibonereza kyabazinga w'e Babilonia n'ab'omu ighanga eryo olw'ebibi byaibwe, naazikiriza ensi yaibwe yaasigala agho etyo ng'eri bwa bifulukwa byereere, ebyanda n'ebyanda.

Yeremia 25:23

bakyabazinga b'ebibuga Dedani, ni Tema, ni Buza, n'abantu boonaboona abaasalanga ku nviiri dhaibwe

Yeremia 25:36

Wulira abakulembeze bwe bali kulira, n'abo abalabirira abantu bwe bali kuwowoola. Musengwa Katonda azikiriiza eighanga lyaibwe,

Yeremia 27:7

Amaghanga goonagoona galimugheereza era gaagheereza ni mutabane we ni mwidhukulu we, okutuusa ekiseera bwe kirituuka eighanga lye ni ligwa. Olwo eighanga lye lyona lyafuuka mugheereza wa amaghanga kamaala ag'amaani, agafugibwa bakyabazinga abakologho.

Yeremia 3:19

“Musengwa Katonda era akoba ati: ‘Imwe Abaisiraeli, nze nayenda inho okubatwala ng'abaana abange, mbaghe ensi esanhusa era esingira irala okuboneka obulungi mu maghanga goonagoona, ebe yaimwe ku bwaimwe. Era naalowooza nti munandhetanga, Lata, mulobe kukyuka kunvaaku.

Yeremia 48:26

Musengwa Katonda yaakoba ati: “Mutamiize Moabu, etuuke n'okwegalangula mu biseseme byayo, kuba yandheemera. Olwo efuuke enseko dh'abalamu.

Yeremia 48:38

Ghaigulu ku ndhu edh'e Moabu ni mu mpya edh'ebibuga byayo, eriidhula kulira maziga, kuba nja kusaaniagho Moabu ng'oti n'omuntu bw'amaniangula ensugha eziraku agyenda.

Yeremia 50:27

Mugeme abalwani baayo boonaboona, ab'amaani ng'oti gate galume, muje mubaite. Abantu ab'e Babilonia bakagwireku, kuba ekiseera kyaibwe eky'okubabonereza kituuse.”

Yeremia 6:26

Musengwa Katonda yaakoba abantu be ati: “Imwe abantu bange, muvaale ekutiya era mwevulunge mu ivu olw'enaku. Mulire ng'oti n'alira mutabane we omulala bedengedenge. Mulire lukalukalu, kuba oyo ali kwidha okuzikiriza, aidha kubagwaku bugwe nga timwidhi.

Okulira 4:21

Imwe abantu ab'e Edomu n'imwe ababa mu Uzi museke inho era musagambe inho nga mukaali. Aye olwaimwe luli kwidha, lwe muligemesebwa ekikopo eky'obusungu bwa Musengwa Katonda. Mulikinhwa mwatamiira mwatoolera n'okubita amadu.

Ezekieli 34:20

Agho ni nze Musengwa Katonda kyenva ni mbakoba nti: Nze mwene ndisala omusango ghagati gh'entaama engeedhu n'engoogombe,

Danieli 11:8

Alinhaga ebifaananie bya bakatonda baibwe eby'ekyuma ekisaanuusiibwa, yairayo nabyo e Misiri ghalala n'ebintu bye bakozesa mu isinzizo eby'omughendo, ebya feeza ni zaabu. Alibisaagho emyaka nga talumba kyabazinga wa Siria.

Hosea 8:8

Abaisiraeli boona bafuuse ng'oti n'abamaghanga agandi, era tibakaali na mugaso ng'oti n'entamu emenheike.

Amosi 5:11

Mutuntuza abaavu, era mwabakaka babaghe imwe engaano yaibwe. Kale ni waire mwazimba endhu edh'amabaale amabaadhe edh'omulembe, timulidhisulamu. Waire mwasimba amasamba ag'emizabbibu agasanhusa, timuja kunhwa ku mwenge gwamu

Zekaria 10:3

Musengwa Katonda Afuga Amagye akoba ati: “Nsungughaliire inho abakulembeze abo abafuga abantu bange, era ndidha kubabonereza. Nze Musengwa Katonda Afuga Amagye, mwene ndirabiriranga abantu bange Abayudaaya ng'oti n'omwayi bw'alabirira ebyayo bye. Era ndibaleetera okuba ng'oti n'embalaasi edh'omu lutalo edhitatya naire.

Zekaria 11:3

Wulira abaayi bwe bawowoola, olw'okufiirwa ekitiibwa kyaibwe. Wulira empologoma bwe dhiwologoma, olw'okuba ekibira ky'e Yorudani mwe dhiba bakizikiriiza.

Yakobo 5:5

Ku nsi kuno mubaire mu bulamu obw'okudiibuula n'okwesanhusa. Mugeedheire olunaku lule olw'okwitibwa.