Yeremia 25:3 - Baibuli Ekibono kya Katonda 2014

³ “Okuva ku mwaka ogweikumi n'esatu (13) nga Yosia mutabane wa Amoni ni kyabazinga wa Buyudaaya okutuuka ni ye buli eno, giri emyaka abiri n'esatu nga Musengwa Katonda ampa obukwenda bwe. Era mbakoberanga obukwenda obwo aghazira kukoogha naire, aye imwe mwaloba kutaayo mwoyo.

Yeremia 25:3 ပူးပေါင်းရင်းမြစ်များ

Amainhama 22:3

Bwe bwakya enkyo, Aburahamu yaawuuna yaayasaaga enku edh'okwokya ekigheebwayo, yaatwika endogoyi ye. Yaatwalaku babiri ku bagheereza be, n'omwana we Isaaka, yaatoolera okuja mu kifo Katonda kye yali amukobye.

1 Bakyabazinga 22:3

Agho kyabazinga wa Isiraeli yaakoba abakungu be ati: “Mwidhi bukalamu nga Ramothi eky'e Gileadi kyaife. Aye lwaki tusirika obusirike ni tutakitoola ku kyabazinga wa Siria?”

2 Bakyabazinga 17:13

Ate nga Musengwa Katonda yalabulanga Isiraeli ni Buyudaaya ng'abita mu balanzi ni mu baboni, ng'akoba ati: “Mukyuke, muve mu mpisa dhaimwe embi mugeme ebiragiro byange ebiri mu Mateeka gange, ge nagha badhaadha baimwe nga mbita mu bagheereza bange abalanzi.”

2 Ebyomubyanda 24:19

Musengwa Katonda yaabagheereza abalanzi okubalabula baire y'ali, aye baaloba kwefiirayo.

2 Ebyomubyanda 34:1

Yosia yali agheza emyaka munaana egy'obukulu ghe yafuukira kyabazinga wa Buyudaaya. Era yaafuga okumala entangama ya myaka amakumi asatu na mulala mu Yerusalemu.

2 Ebyomubyanda 34:3

Kyabazinga Yosia bweyali ng'akaali muto, mu mwaka gwe ogwomunaana nga n'afuga Buyudaaya, yaatoolera okusinza Katonda wa dhaadha we Daudi. Era mu mwaka gwe ogweikumi n'ebiri yaatoolera okugogola mu Buyudaaya ni mu Yerusalemu, okumalamu ebifo ebigulumivu eby'okusinzizaamu, n'ebifaananie eby'omusambwa omukazi Ashera, n'ebifaananie ebindi ebibaadhe n'ebyo ebyakolebwa mu kyuma ekisaanuusiibwa.

2 Ebyomubyanda 34:8

Mu mwaka ogweikumi n'omunaana (18) nga kyabazinga Yosia n'afuga Buyudaaya, kyabazinga Yosia oyo bwe yamala okugogola ensi eyo n'eisinzizo n'abifuula ebirongoofu, yaatuma omughandiisi we Shafani mutabane wa Azalia, ni Maaseia omufuzi w'ekibuga, ni Yoa mutabane wa Yoahazi omukuumi w'ebighandiiko. Yaabakoba baje balongoose eisinzizo lya Musengwa Katonda we.

2 Ebyomubyanda 36:15

Musengwa Katonda oyo, Katonda wa badhaadha baibwe yayongera okubagheerezanga abakwenda aghazira kukoogha naire, kuba yali ayenda okubawonia beene era n'okuwonia eisinzizo lye.

Zabbuli 81:13

Kale ngoli abantu bange bampulira; kale ngoli Isiraeli ajiira ku bye mmukoba,

Okuvaayo 8:20

Agho Musengwa Katonda yaakoba Musa ati: “Wuuna inho oje oteege kyabazinga ng'ali kuja ku mwiga omukobe oti, ‘Musengwa Katonda akoba ati, leka abantu bange baje bansinze.

Isaia 55:2

Lwaki mumalira empiiya dhaimwe ku ebyo ebitali mere? Lwaki mufaabiikanira ebyo ebitabaigusa? Mumpulirise bukalamu kye nkoba, olwo musobole okulyanga ebyo ebisinga kuba birungi, era mubenga basangaavu.

Yeremia 1:2

Musengwa Katonda yayogera ni Yeremia mu mwaka ogweikumi n'esatu (13) ogwa kyabazinga Yosia mutabane wa Amoni, eyali nga n'afuga Buyudaaya mu kiseera ekyo

Yeremia 11:7

kuba bwe natoola badhaadha baibwe mu nsi Misiri, nabalabuliragho irala okumpuliranga. Era nkaabalabula ni ye buli eno aghazira kukoogha naire.

Yeremia 19:15

“Musengwa Katonda Afuga Amagye era Katonda wa Isiraeli akoba ati, ‘Ndidha kutuukiriza akabi ke nakoba okuleeta ku kibuga kino ni ku bubuga obutono obukiriiraine, kuba mwakalangusa emyoyo gyaimwe, mwaloba kuwulirisa bye mbakoba.’ ”

Yeremia 22:21

Musengwa Katonda yayogera n'imwe ng'ebintu bikaabajiira bukalamu, aye mwaloba kuwulirisa. Era mutyo bwe mubaire mukolanga buliidho, mwalobera irala okugondera by'akoba.

Yeremia 25:4

Mwaloba okuwulirisa waire okufaayo, ate nga Musengwa Katonda oyo yatumanga abagheereza be abalanzi ye muli aghazira kukoogha naire,

Yeremia 26:5

Era mutenga omwoyo ku ebyo abagheereza bange abalanzi be mbatumira buliidho, bye babakobera. Aye ate imwe timuwulirisa bye babakoba.

Yeremia 29:19

Ebyo biribatuukaku lwa butagondera bukwenda bwe nabagheerezanga aghazira kukoogha naire, nga mbubisa mu bagheereza bange abalanzi. Aye beene baaloba kuwulira.

Yeremia 32:33

Nze nga bankuba bwa nkoone, baaloba kukyukira ye ndi. Era waire nga nabagalagiranga aghazira kukoogha naire, aye nga tibenda kuwulirisa beege.

Yeremia 35:14

Baidhukulu ba Yonadabu mutabane wa Rekabu baagondera ekiragiro kya Yonadabu oyo eky'obutanhwanga mwenge gwa mizabbibu. Era ni ye buli eno tibagunhweraku irala naire. Aye imwe nze buliidho mbakoba aghazira kukoogha naire, aye mwaloba kumpulirisa.

Yeremia 35:15

Buliidho mbaire ntumanga ye muli abagheereza bange abalanzi aghazira kukoogha naire, babakobe mulekere okukola ebibi, mukole ebituufu. Era mulobe kujiiranga ku bakatonda abandi nga mubasinza, olwo musobole okusigalanga mu nsi ye nabagha imwe ni badhaadha baimwe. Aye nga imwe timumpulirisa, waire okufaayo ku bye nkoba.

Yeremia 36:1

Mu mwaka ogwokuna nga Yehoiakimu mutabane wa Yosia ni kyabazinga wa Buyudaaya, Musengwa Katonda yankoba ati:

Yeremia 36:2

“Toola enzingo y'ekitabo oghandiikemu ebintu byonabyona bye nkukobeire ebigema ku Isiraeli, ni ku Buyudaaya, ni ku maghanga agandi goonagoona. Ghandiika ebintu byonabyona bye mbairenga nga nkukobera okuviira irala ku lunaku lwe natoolera okwogera n'iwe, nga Yosia ni kyabazinga, okutuusa olwaleero.

Yeremia 44:4

Ate nga natumanga ye muli abagheereza bange abalanzi aghazira kukoogha naire, babakobe bati, ‘Mutakola bintu ebyo ebyenhinhalwa bye nkyagha!’

Yeremia 7:13

Mukoze ebibi ebyo byonabyona emikuzi kamaala nga mbalabulanga aghazira kukoogha naire, aye mwaloba kuwulira, era naabeeta aye mwaloba kuvugira.

Yeremia 7:25

Okuva ku lunaku badhaadha baimwe lwe baava mu nsi Misiri okutuusa ni ye buli eno, mbaire nga ntumanga ye muli abagheereza bange abalanzi aghazira kukoogha naire.

Ezekieli 33:4

Kale omuntu bw'awulira eigwala, aye n'atafaayo ku kulabulwa okwo, olutalo ni lwidha n'afiiramu, olwo omusango ogw'okufa kwe gunairiranga ku mufu mwene

Zekaria 1:4

Mutaba ng'oti ni badhaadha baimwe, abalanzi ab'eira be baakoberanga obukwenda bwange nze Musengwa Katonda Afuga Amagye. Abalanzi baakobanga badhaadha baimwe okuva mu mpisa dhaibwe embi ni mu bikolwa byaibwe ebibi. Aye badhaadha baimwe baaloba kuwulira nze Musengwa Katonda bye mbakoba, waire okufaayo okukola bye mbalagira.

Mariko 1:35

Enkyo Yesu yaawuuna be pwi pwi pwi nga n'endhuba ekaali kuvaayo, yaasituka yaaja mu kifo ezira bantu yaaba eyo ng'asaba.

Yoanne 8:2

Olunaku olwairirira yaawuuna mu nkyonkyo yairayo mu isinzizo. Abantu boonaboona beesololeza gh'ali, yaatyama yaabeegeresa.

Yoanne 8:47

Ole bw'aba omuntu wa Katonda awulira ebibono bya Katonda, aye imwe timuwulira, kuba timuli bantu ba Katonda.”

2 Timotheo 4:2

Koberanga abantu ekibono, badeebe oba bakisiima oba tibakisiima, bainhonhole, obanenie era obagumye, obeegerese n'obuguminkiriza.