Yeremia 25:16 - Baibuli Ekibono kya Katonda 2014

¹⁶ Bwe galimala okukinhwaku, galitagala gaagwa n'eiralu olw'olutalo lwe nja okugasindikira.”

Yeremia 25:16 ပူးပေါင်းရင်းမြစ်များ

Nahumu 3:11

Nineve, weena oja kuba ng'oti n'omutamiivu ali kutagala. Olyagala agh'okulumukira owone abazigu, aye nga ghazira.

Yeremia 51:7

Ensi Babilonia yali ng'oti kikopo ekyakolebwa mu zaabu ekiri mu ngalo dhange, ekyatamiizanga ensi yoonayoona. Amaghanga gaanhwanga ku mwenge ogw'emizabbibu mu kikopo ekyo, gaagwa eiralu.

Okwolekebwa 18:3

Kuba amaghanga goonagoona gaatamiira omwenge ogw'obwenzi bwe. Bakyabazinga ab'oku nsi baayenda naye, n'abasuubuzi ab'oku nsi bakombaghalira ku kwedhalabya kwe okungi.”

Okwolekebwa 14:10

yeena alinhwa omwenge ogw'emizabbibu ogw'obusungu bwa Katonda, nga gufukiibwa mu kikopo eky'obusungu bwe era nga tigudhuuluusiibwamu naire. Era alidaazibwadaazibwa n'omuliro n'obunhota bwa salufa, mu maiso ga bamalaika abatukuvu n'ag'Entaama Ento.

Okulira 4:21

Imwe abantu ab'e Edomu n'imwe ababa mu Uzi museke inho era musagambe inho nga mukaali. Aye olwaimwe luli kwidha, lwe muligemesebwa ekikopo eky'obusungu bwa Musengwa Katonda. Mulikinhwa mwatamiira mwatoolera n'okubita amadu.

Yeremia 51:39

Nga bwe bali n'amairu, ndibategekera embaga, naabatamiiza baasangaala. Memale baaja baatenduka endoolo, aye baaloba kwiramu kuzuuka.

Yeremia 25:27

Agho Musengwa Katonda yankoba ati: “Kobera abantu oti nze Musengwa Katonda Afuga Amagye Katonda wa Isiraeli, nkoba nti, ‘Munhwe mutamiire mutuuke n'okwegoga, era mugwe ghansi nga timukaasobola na kusituka, olw'olutalo lwe nja okubasindikira.’

Okwolekebwa 14:8

“Ni malaika owundi owokubiri yairaku ng'akoba ati: Agwire, agwire Babiloni omukologho, eyanhwesa amaghanga goonagoona omwenge ogw'obutwa ogw'obwenzi bwe!”

Okulira 3:15

Yandeetera okudaagadaaga okutaloodheka, kwankaayirira ng'oti n'omuntu ye bakaka ebikaagha.

Obadia 1:16

Abantu bange baanhwa ekikopo ekikaagha eky'okubonerezebwa, ku lusozi lwange olutukuvu. Aye amaghanga goonagoona ageezungulwire ghano, gaja kunhwa ekikopo eky'okubonerezebwa ekisingaku agho okukaagha. Bwenebwene gaja kukinhwa kyonakyona era gamale gazikirire.”

Yeremia 13:12

Musengwa Katonda yankoba ati: “Yeremia, kobera abantu b'omu Isiraeli oti Musengwa Katonda, Katonda wa Isiraeli akoba ati, ‘Buli kidoome kya mwenge gwa mizabbibu kiidhuzibwa mwenge gwa mizabbibu.’ Baidha kukwiramu bati, ‘Obwo olowooza oti titwidhi nga buli kidoome kya mwenge gwa mizabbibu kiidhuzibwamu mwenge gwa mizabbibu?’

Yeremia 13:14

Memale mbakontaganie buli muntu ku mwine, k'abe omuto oba omukulu. Nga ghazira kusaasira, oba okusonigha, waire okugemerwa omuntu ekivunika, aye okutoolaku okubazikiriza obuzikirize.”

Yeremia 45:5

Obwo iwe oli kwenda obisibwe mu nsambo ey'endhawulo? Busa naire, ebyo biveeku. Ndidha kuleeta akabi ku bantu boonaboona. Aye iwe weesuneku, kuba oidha kuwoniangagho obulamu bwo, eyo yoonayoona y'olija. Nze Musengwa Katonda, ninze nkobye.”

Yeremia 48:26

Musengwa Katonda yaakoba ati: “Mutamiize Moabu, etuuke n'okwegalangula mu biseseme byayo, kuba yandheemera. Olwo efuuke enseko dh'abalamu.