Yeremia 25:1 - Baibuli Ekibono kya Katonda 2014

¹ Mu mwaka ogwokuna nga Yehoiakimu mutabane wa Yosia ni kyabazinga wa Buyudaaya, nafuna obukwenda bwa Musengwa Katonda, nga bugema ku bantu boonaboona ab'omu Buyudaaya. Ogwo n'ogwali omwaka ogusooka nga Nebukadinezzari ni kyabazinga w'e Babilonia.

Yeremia 25:1 ပူးပေါင်းရင်းမြစ်များ

2 Ebyomubyanda 36:4

Kyabazinga Neko oyo yaatoola Eliakimu muganda wa Yehoahazi, yaamufuula kyabazinga wa Buyudaaya ni Yerusalemu. Era yaakyusa n'eriina lya Eliakimu, yaamutuuma Yehoiakimu. Yaagema Yehoahazi muganda wa Yehoiakimu oyo, yaamutwala e Misiri.

2 Ebyomubyanda 36:6

Kyabazinga Nebukadinezzari ow'e Babilonia yaidha yaamulwanisa, era yaamala yaamusiba ku ndhegere, yaamutwala e Babilonia.

Yeremia 1:3

Era Musengwa Katonda yairamu okwogera ni Yeremia nga Yehoiakimu mutabane wa Yosia ni kyabazinga wa Buyudaaya. Kabiri era yeeyongera okwogeranga naye okutuukiza irala mu mwaka ogweikumi n'omulala (11) ogw'obufuzi bwa kyabazinga Zedekia owa Buyudaaya. Mu mwaka ogwo, mu mwezi ogwokutaanu, abantu ab'omu Yerusalemu baatwalibwa mu bunhage.

Yeremia 32:1

Musengwa Katonda yayogera ninze mu mwaka ogweikumi (10) nga Zedekia ni kyabazinga wa Buyudaaya, era ng'ogwo n'ogwali omwaka ogweikumi n'omunaana (18) nga Nebukadinezzari ni kyabazinga wa Babilonia.

Yeremia 35:1

Yehoiakimu mutabane wa Yosia bwe yali nga ni kyabazinga wa Buyudaaya, Musengwa Katonda yankoba ati:

Yeremia 36:1

Mu mwaka ogwokuna nga Yehoiakimu mutabane wa Yosia ni kyabazinga wa Buyudaaya, Musengwa Katonda yankoba ati:

Yeremia 45:1

Mu mwaka ogwokuna nga Yehoiakimu mutabane wa Yosia ni kyabazinga wa Buyudaaya, nze Yeremia naakoba Baruku mutabane wa Neria, yaaghandiika ebibono bino byonabyona nga bwe nabyogera. Era naamukoba nti,

Yeremia 46:2

ng'atoolera ni Misiri. Bino bye yayogera ku igye lya kyabazinga Neko ow'e Misiri, Nebukadinezzari kyabazinga w'e Babilonia lye yaghangulira e Karikemishi okumpi n'omwiga Eufurate, mu mwaka ogwokuna nga Yehoiakimu ni kyabazinga wa Buyudaaya:

Yeremia 7:1

Agho Musengwa Katonda yankoba nze Yeremia,

Danieli 1:1

Mu mwaka ogwokusatu nga kyabazinga Yehoiakimu n'afuga Buyudaaya, kyabazinga Nebukadinezzari ow'e Babilonia yaalumba ekibuga Yerusalemu n'eigye lye, yaakizingiza okukyezunguluza.

Danieli 1:2

Musengwa yaaghaayo kyabazinga Yehoiakimu owa Buyudaaya mu buyinza bwa Nebukadinezzari ghalala n'ebindi ku bintu ebyakozesebwanga mu isinzizo lya Katonda. Nebukadinezzari yaabitwala mu nsi Shinari mu isabo lya katonda we, yaabita mu iterekero ery'eisabo eryo.

Danieli 2:1

Nebukadinezzari bwe yali nga ni kyabazinga, mu mwaka gwe ogwokubiri, yaloota ekirooto kyamweraliikiriza, n'endoolo dhaamubula.