Yeremia 24:10 - Baibuli Ekibono kya Katonda 2014

¹⁰ Ndibaleetera entalo era naabasindikira endhala n'endwaire ya kawumpuli, okutuusa lwe balizikirira ni bawaagho mu nsi ye nabagha beene ni badhaadha baibwe.”

Yeremia 24:10 ပူးပေါင်းရင်းမြစ်များ

1 Bakyabazinga 14:15

N'okuva ku olwo, Musengwa Katonda aja kubonereza ensi Isiraeli edhugumire ng'oti n'olugada bwe lutengeeta mu maadhi. Era aja kutoola Abaisiraeli mu nsi eno enungi ye yagha badhaadha baibwe, abasansaanize eyo ng'osomoike omwiga Eufurate, kuba baamusungughaza nga beekolera ebifaananie by'omusambwa omukazi, Ashera.

Isaia 51:19

Obuzibu bukwidhiire bwa mikuzi ebiri: olutalo lwonoineyonoine ensi yo, n'abantu bo baafa endhala n'empiima. Naani anaakusaasiraku n'anaakugumya?

Yeremia 14:12

Ni bwe banaasiiba, nze tija kuwulirisa bye bansaba nga bandirira. Era ni bwe banampanga ebigheebwayo ebyokebwa n'ebigheebwayo eby'emere y'empeke, nze tiidha kubasiimanga. Aye ndidha bwa kubazikiriza mu ntalo era mbasindikire endhala n'endwaire ya kawumpuli bibaite.”

Yeremia 15:2

Bwe bakubuuza ye babe baje, bakobe oti nze Musengwa Katonda nkobye nti, ‘Ab'okufa endwaire ya kawumpuli, baje eri endwaire ya kawumpuli. Ab'okufiira mu lutalo, baje eri olutalo. Ab'okufa endhala, baje eri endhala. Ab'okutwalibwa mu busibe, baje mu busibe.’

Yeremia 16:4

Baja kufanga endwaire embi einho, era ghazira aja kubalira waire okubaziika. Emirambo gyaibwe gija kubanga ku itaka okwo ng'oti mmungo ya busa. Baja kwitibwanga mu ntalo oba balambukenga endhala bafe, n'emirambo gyaibwe giriibwenga enhonhi n'ensolo dh'omu nsiko.

Yeremia 19:7

Mu kifo ekyo mwe nditabuliratabulira entegeka dhoonadhoona edh'abantu b'omu Buyudaaya n'ab'omu Yerusalemu. Ndireetera abazigu baibwe okubaghangula era baabaitira mu ntalo. Emirambo gyaibwe ndigigabula enhonhi n'ensolo edh'omu nsiko dhaagirya.

Yeremia 21:9

Omuntu yeenayeena anaasigala mu kibuga aidha kwitirwa mu lutalo, oba okufa endhala, oba okufa endwaire ya kawumpuli. Aye anaakifuluma ni yeeghaayo eri Abababilonia ababazingiiza, taidha kwitibwa. Aidha kuwoniagho obulamu bwe.

Yeremia 27:8

“Aye eighanga lyonalyona oba obwakyabazinga, abaliroba okufugibwa Nebukadinezzari, ni baloba okugonda ng'oti n'ensolo bw'egonda n'evaala mu nkoto ekikoligo kya musengwa waayo, ndibabonereza nga mbazikiriza mu ntalo era nga mbasindikira endhala n'endwaire ya kawumpuli bibaite, okutuusa lwe ndireetera Nebukadinezzari oyo okubasaanizaagho irala.

Yeremia 29:17

Musengwa Katonda oyo Afuga Amagye akoba ati, ‘Ndidha kubaleetaku entalo, n'endhala, n'endwaire ya kawumpuli, bibaite, era mbafuule ng'oti mitiini emibi einho, egitasobola na kuliibwa.

Yeremia 29:18

Ndibakiriga n'entalo, n'endhala, n'endwaire ya kawumpuli, era naabafuula ekintu ekitiisa einho abantu boonaboona ku nsi. Yoonayoona ye ndibasansaaniza baidha kubanga kintu kya kukolima, kya kwesimooza, era kya kuvuma.

Yeremia 32:24

Bona, Abababilonia babunze ku kibuga emungo ey'eitaka ey'okuniiniraku, nga benda bakirumbe bakigeme. Olw'okuba ghaligho olutalo, n'endhala, n'endwaire ya kawumpuli, Abababilonia abo baidha kusobola okugema ekibuga kino. Era obona nga bye wakoba byonabyona bituukiriire.

Yeremia 32:25

Aye ate iwe Musengwa Katonda waife, niiwe wandagira okugula ekibandha nga ghaligho n'abadhulizi, waire nga Abababilonia bali kumpi kugema ekibuga.”

Yeremia 34:17

Nze Musengwa Katonda nkoba nti mwandheemera mwaloba kugha Baisiraeli banaimwe idembe lyaibwe. Kale ni mubone eno, nze ndidha kubagha imwe eidembe ery'okufiira mu lutalo, n'ery'okufa endwaire ya kawumpuli, n'ery'okufa endhala. Ndidha kubafuula ekintu ekitiisa einho abantu boonaboona ku nsi.

Yeremia 42:17

Abantu boonaboona abamaliriire okuja okuba e Misiri, balifiira eyo mu ntalo, oba baafa endhala, oba baafa endwaire ya kawumpuli. Ghazira naire omulala ati ku abo aliwonagho. Ghazira naire omulala ati ku abo aliwona akabi ke ndibasindikira.’

Yeremia 42:22

Kale ni mukimanhire irala muti muja kufiira mu ntalo, oba okufa endhala, oba okufa endwaire ya kawumpuli, eyo mu nsi ye muli kwenda okuja okuba.”

Yeremia 5:12

“Abantu abo boogeire eby'obuguya ku Musengwa Katonda, nga bakoba bati, ‘Musengwa Katonda azira kyaidha kutukola. Ezira kabi kaidha kututuukaku, waire olutalo okutwidhira, oba endhala okugwa mu nsi yaife.’

Yeremia 9:15

N'olw'ekyo, nze Musengwa Katonda Afuga Amagye, Katonda wa Isiraeli, kyenva ni nkoba nti: Bona eno, ndidha kubagha olubiriizi balulye lubakaayire, mbaghe n'amaadhi agalimu eirogo baganhwe.

Yeremia 9:16

Ndidha kubasansaaniza mu maghanga, beene ni badhaadha baibwe, ge batawulirangaku naire. Era ndidha kubasindikaku amagye gabalumbe, okutuusa lwe ndibazikiriza okubamalagho.”

Ezekieli 33:27

“Era bakobe oti nze Musengwa Katonda ndi kubalabula nti nga bwendi omulamu, bwenebwene abantu abo abali mu bifo ebyayonoonebwa, baliitibwa mu lutalo. Abo abaliba eyo mu nsiko ndigha ensolo emirambo gyaibwe dhaagikankamira. Ate abo abaliba mu bifo eby'okwewogomamu n'abo abaliba mu mpuku, balifa endwaire ya kawumpuli.

Ezekieli 6:11

Musengwa Katonda yaakoba ati: “Kuba mu ngalo, era osaamire ebigere ghansi, olire n'enaku olw'ebibi byonabyona ebyenhinhalwa, Abaisiraeli bye baakola kuba baja kufiira mu lutalo, oba okufa endhala, oba okufa endwaire ya kawumpuli.

Ezekieli 7:15

Abantu abaliba kuliya baliitagana, n'abaliba mu ndhu baafa endwaire ya kawumpuli n'endhala. Abaliba mu byalo baliitagana, ate abaliba mu kibuga baafa kulambuka ndhala na ndwaire ya kawumpuli.

Amateeka Agokubiri 28:21

Aidha kubasindikiranga kawumpuli abeesibengaku, okutuusa lw'anaabamalangagho mwenamwena okubaita, mu nsi ye muli kuja okwingiramu okutwala.

Okwolekebwa 6:8

Naja okulinga nti, nga mbona embalaasi empaaluufu. Eyali ali kugivuga ng'ayetebwa Kufa, era Magombe ng'ali kumunonereza. Bano baagheebwa obukumu ku kitundu kirala kirala ku buli bitundu ebina ebiri ku nsi, beeyambise empiima, n'endhala, n'endwaire ya kawumpuli, n'ensolo edh'oku nsi, mu kwita.