Yeremia 24:1 - Baibuli Ekibono kya Katonda 2014

¹ Agho Musengwa Katonda yandeetera okubonekerwa ebiibo bibiri nga birimu emitiini, nga biri agho emberi w'eisinzizo lye. Ekyo kyaligho nga Nebukadinezzari kyabazinga w'e Babilonia amaze okutoola e Yerusalemu kyabazinga Yekonia mutabane wa Yehoiakimu, yaamutwala e Babilonia mu bunhage ghalala n'abakungu b'omu Buyudaaya, n'abagheesi, n'abakugu mu mirimo egy'endhawulo.

Yeremia 24:1 ပူးပေါင်းရင်းမြစ်များ

2 Bakyabazinga 24:10

Mu biseera ebyo, eigye lya kyabazinga Nebukadinezzari ow'e Babilonia lyaidha e Yerusalemu, lyazingiza ekibuga okukyezunguluza.

2 Ebyomubyanda 36:10

Agho omwaka nga guli kutoolera, ekiseera ebimera kye bisibukiramu, kyabazinga Nebukadinezzari yaatwala Yehoiakini e Babilonia nga musibe, yaatwala n'ebintu eby'omughendo eby'omu isinzizo. Yaataagho Zedekia muganda wa Yehoiakini oyo, yaamufuula kyabazinga wa Buyudaaya ni Yerusalemu.

Isaia 13:1

Buno n'obukwenda obugema ku Babiloni, Isaia mutabane wa Amozi bwe yafuna mu kubonekerwa.

Yeremia 13:19

Ebibuga ebiri mu kiketezo kya Buyudaaya ekikalukalu ekiri ku luuyi olw'omukono omusaadha olw'e buvandhuba, babizingiiza. Ghazira muntu asobola kubita kubituukaku. Abantu b'omu Buyudaaya boonaboona batwaliibwa mu bunhage.”

Yeremia 27:20

ebintu ebyo, kyabazinga Nebukadinezzari ow'e Babilonia by'ataatwala, lwe yatwala mu bunhage Yekonia mutabane wa Yehoiakimu kyabazinga wa Buyudaaya, n'abakungu boonaboona ab'omu Buyudaaya n'ab'omu Yerusalemu.

Yeremia 28:4

Era nja kwiza kyabazinga wa Buyudaaya Yehoiakini mutabane wa Yehoiakimu, ghalala n'abantu boonaboona ab'omu Buyudaaya abaatwalibwa e Babilonia mu bunhage. Yii, bwenebwene nze nja kumenhamenha obuyinza bwa kyabazinga ow'e Babilonia. Nze Musengwa Katonda, ninze nkobye.”

Yeremia 29:1

Eno n'embaluwa ye naghandiikira bakabona, n'abalanzi, n'abakulu ab'ebika, n'abantu abandi boonaboona Nebukadinezzari be yatoola e Yerusalemu, n'abatwala e Babilonia mu bunhage.

Yeremia 29:2

Nagighandiika nga kyabazinga Nebukadinezzari oyo amaze okutwala mu bunhage, kyabazinga Yehoiakini, n'inhina wa Yehoiakini oyo, n'abagheereza ghalala n'abakungu b'omu kisaagaati kya kyabazinga, n'abakulembeze b'omu Yerusalemu ni mu Bayudaaya yoonayoona, n'abagheesi, n'abakugu mu mirimo egy'endhawulo.

Yeremia 37:1

Kyabazinga Nebukadinezzari ow'e Babilonia, yafuula Zedekia mutabane wa Yosia okuba kyabazinga wa Buyudaaya mu kifo kya Yehoiakini mutabane wa Yehoiakimu.

Ezekieli 17:4

Yaamenhaku akasaga akasembayo ghaigulu ku busanso bw'ensaga dhaagwo, yaakatwala mu nsi erimu abasuubuzi, era yaakasimba mu kibuga eky'abasuubuzi.

Ezekieli 19:9

Baakighaluza n'amalobo baakisibira mu kaguli, era baakitwalira omwo eri kyabazinga wa Babilonia. Baakikuuma butiribiri, olwo abantu balobe kukiwulira kabiri nga kiwologomera ku nsozi dha Isiraeli.

Amosi 3:7

Mu butuufu bwene, ghazira Musengwa Katonda ky'akola mu kyama nga takyoleike bagheereza be abalanzi.

Amosi 7:1

Bino Musengwa Katonda bye yandholeka: naja okulinga nti nga mbona ekibbuututu eky'enzige dhe yali ali kutonda. Byali biseera agho eisubi ghe lisibukira nga baakamala okusalaku ery'okugha ensolo dha kyabazinga.

Amosi 7:4

Kabiri Musengwa Katonda yandholeka bino: naja okulinga nti nga mmubona ng'alikweta okwokya okw'endhuba okuli ng'oti muliro, kwidhe kubonereze abantu be. Enhandha yali emaze okwokebwa okuva ku ntobo era nga n'obukalu butooleire okuya.

Amosi 7:7

Kabiri Musengwa Katonda yandholeka bino: naja okulinga nti nga mmubona ayemereire gha kimante ekyazimbibwa nga bapimisa omugugha. Yali agemye omugugha ogupima.

Zekaria 1:20

Agho Musengwa Katonda yandholeka abagheesi bana.

Zekaria 3:1

Kabiri nafuna okubonekerwa okundi, Musengwa Katonda yandholeka Yoshua Omukulu wa Bakabona ng'ayemereire mu maiso ga malaika wa Musengwa Katonda oyo. Era ku luuyi lwa Yoshua olw'omukono omusaadha, ghaali gheemereiregho Sitaani nga yeetegeike okulumiriza Yoshua oyo omusango.