Yeremia 23:6 - Baibuli Ekibono kya Katonda 2014

⁶ Mu kiseera ky'alifugiramu, abantu b'omu Buyudaaya baliba bukalamu, n'ab'omu Isiraeli baaba mu miraala. Balimweta eriina ‘Musengwa Katonda n'obulokozi bwaife.’ ”

Yeremia 23:6 ပူးပေါင်းရင်းမြစ်များ

1 Bakyabazinga 4:25

Ekiseera kyonakyona kye yamala nga mulamu, abantu boonaboona mu Buyudaaya ni mu Isiraeli, baali mu miraala okuva e Dani okutuuka e Beerisheba. Buli maka gaabanga n'eisamba lyago ery'emizabbibu n'ery'emiti emitiini.

Zabbuli 45:5

Obulaso bwo bwogi bwene, bufumita omwoyo gw'abazigu bo, amaghanga n'amaghanga gaagwa ghansi ku bigere byo.

Okuvaayo 9:26

Mu kiketezo eky'e Gosheni Abaisiraeli mwe baabanga, ni mwonka omutaagwa mugozi.

Isaia 2:4

Musengwa Katonda aliramula amaghanga, yaasalira abantu kamaala emisango gyaibwe. Edhibaire empiima dhaibwe edh'okulwanisa balidhigheesaamu mbago, ate amafumo gaibwe baagagheesaamu busolobyo bwa kuwoolera. Amaghanga tigaliirayo kugema bya kulwanisa kuja kulumba gainaago, waire okwirayo okutendekebwa mu by'entalo.

Isaia 32:1

Bona, ekiseera kiri kwidha ghabeegho kyabazinga alifugira ku butuufu, ghabeegho n'abakulembeze abalikolera ku mazima.

Isaia 32:18

Abantu ba Musengwa Katonda baliba mu miraala, baatyamisa mu maka gaibwe era baawuumula nga ghazira kibatiisa naire.

Isaia 33:22

Musengwa Katonda mwene n'aliba omulamuzi waife, yaaba kyabazinga waife atufuga, era yaaba omulokozi waife.

Isaia 33:5

Musengwa Katonda mukologho, kuba n'afuga ebintu byonabyona. Aliidhuza mu Sioni amazima n'obutuufu,

Isaia 35:9

Eyo teribaayo mpologoma, waire okubaayo ensolo yoonayoona enswankuzi eriidha okutambulira mu ngira eyo. Aye abo Musengwa Katonda b'alinunula n'abaligibitamu.

Isaia 42:6

“Nze Musengwa Katonda nakweta oleetere abantu okukolerwanga eby'amazima ebibagwaniire. Nakugema ku mukono naakukuuma. Era ndibita mu iwe naakola endagaano n'abantu boonaboona, era naaleetera amaghanga goonagoona obutangaavu.

Isaia 45:17

Aye Musengwa Katonda buliidho aidha kulokolanga Isiraeli. Imwe Abaisiraeli ensoni tidhiribagema waire okuswazibwaswazibwa ebyanda n'ebyanda.’ ”

Isaia 54:17

Aye tighalibaagho bya kulwanisa bye baligheesa birisobola kukulumya. Era kiisi aliwoza n'iwe olimusinga. Ndidha kulwaniriranga abagheereza bange, era mbaleeterenga okughangula.” Musengwa Katonda atyo bw'akoba.

Isaia 7:14

Kale ni Musengwa Katonda mwene ku lulwe alibagha akamanhiso, era ni kano: Omughala omwegha alitoola enda, yaazaala omwana omulenzi yaamutuuma eriina Emmanueli

Isaia 9:6

Kuba ife omwana atuzaaliirwa, omwana omulenzi atugheereibwa, aidha okubanga omufuzi waife. Aidha kwetebwanga “Omuwi w'Amagezi Eyeewuunhisa, Katonda ow'Obuyinza, Iseife aligho ebyanda n'ebyanda, Omulangira Aleeta Emiraala”.

Yeremia 29:11

Nze mwene zenka, ninze ndidhi kye mbategekeire imwe. Mbategekeire bintu kubajiiranga bukalamu, se ti kubajiiranga bubi. Era ndidha kubatusaaku ebyo byonabyona bye musuubira mu maiso eyo.

Yeremia 30:10

Kale ni, imwe abantu bange Abaisiraeli, mutatya, waire okweraliikirira. Mubone eno, nze ndibanunula, naabatoola mu nsi eyo ey'eghala, ensi ye mulimu ng'abasibe. Muliira ewaimwe mwatyama mwatereera nga muli mu miraala, era nga ghazira kibatiisa naire.

Yeremia 31:23

Musengwa Katonda Afuga Amagye, Katonda wa Isiraeli, akoba ati: “Bwendiiza abantu bange mu nsi yaibwe, mu Buyudaaya ni mu bibuga byayo, ni mbaleetera ebintu kabiri okubajiiranga obukalamu, baliiramu okukobanga bati, ‘Musengwa Katonda akughe enkabi iwe olusozi olutukuvu, iwe ekifo ekitukuvu Musengwa Katonda mw'aba.’

Yeremia 32:37

Bona, ndidha kusoloza abantu bange okuva mu nsi dhoonadhoona ye nabasansaaniza nga mbasungughaliire ebitaloodheka, mbaize mu kifo kino era mbaleetere okukibaamu mu miraala.

Yeremia 33:15

Mu kiseera ekyo nditaagho omuntu omutuufu, nga mwidhukulu wa Daudi, yaaba kyabazinga. Kyabazinga oyo alikola amazima n'ebituufu mu nsi.

Yeremia 33:16

Abantu b'omu Buyudaaya n'ab'omu Yerusalemu balirokolebwa baaba mu miraala. Era ekibuga ekyo balikyeta eriina ‘Musengwa Katonda n'obulokozi bwaife.’

Ezekieli 21:27

Ekibuga ekyo ndikizikiriza kyafuuka bifulukwafulukwa, okutuusa oyo ye nhenda okukigha lw'aliidha, ni nkimugha.

Ezekieli 28:26

Baligibaamu mu miraala, baazimba amayumba, baasimba n'amasamba ag'emizabbibu. Baliba mu miraala bwe ndisala omusango ni mbonereza baliraanwa baibwe boonaboona abaabanhoomanga. Olwo balimanha nga ninze Musengwa Katonda.”

Ezekieli 38:14

Kale ni, iwe omuntu, langa okobere Gogi oti nze Musengwa Katonda ndi kumukoba nti: “Mu biseera abantu bange Abaisiraeli bye balibeera mu miraala, ng'olwo ositukiramu obalumba.

Ezekieli 48:35

Obuleeyi bwonabwona aghalala obw'ekisenge kye mulizimba ku kibuga okukyezunguluza, buliba mita kenda (9,000). Era ekibuga ekyo kiryetebwanga eriina, Musengwa Katonda ali omwo.”

Danieli 9:24

“Katonda yalagira ekiseera kya myaka nsanvu emikuzi musanvu ku bantu bo ni ku kibuga kyo ekitukuvu, memale okwonoona kukomezebwe, n'okukola ebibi kuweegho. Olwo ebyonoono bisoniyibwe, ghairegho okukola amazima ebyanda n'ebyanda, n'okubonekerwa n'obulanzi bituukirizibwe, era n'eisinzizo eitukuvu liiremu okutukuzibwa.

Danieli 9:7

Wo Musengwa, iwe buliidho okola ebituufu, aye ife buliidho twakola bwa bituleetera kuswala, nga bwekiri n'okutuusa mpegaano. Ekyo kiri ku twenatwena ng'otwaliizaamu: abantu ab'omu Buyudaaya, n'ab'omu Yerusalemu, n'Abaisiraeli boonaboona abali okumpi n'abali eghala, eyo mu nsi dhoonadhoona ye wabasansaaniza olw'obutaba beesigwa y'oli.

Hosea 1:11

Abantu ab'omu Buyudaaya n'ab'omu Isiraeli baliiramu okuba aghalala, beerondera omukulembeze mulala. Era ebintu biriiramu okubajiira obukalamu mu nsi yaibwe. Bwenebwene olunaku lw'e Yezireeli luliba lukologho inho.

Hosea 1:7

Aye ndisaasira ab'omu Buyudaaya naabawonia abazigu baibwe, nze Musengwa Katonda waibwe, nga tikozeisa lutalo: tirikozesa bulaso, oba empiima, oba embalaasi, oba abalwanira ku mbalaasi.”

Hosea 2:18

Mu biseera ebyo ndikola endagaano n'ensolo edh'omu nsiko, n'enhonhi edhiguluka, n'ebyo ebyeghaluliza ku itaka, bibe nga tibikola kabi ku bantu bange. Era nditoolagho obulaso, n'empiima, n'eby'okulwanisa ebindi byonabyona mu nsi, olwo abantu bange babenga mu miraala.

Obadia 1:17

“Aye ku lusozi Sioni eribaayo abaliwonagho era olusozi olwo luliba lutukuvu. Abantu ab'oku nda ya Yakobo baliba n'ensi nga yaibwe ku bwaibwe.

Obadia 1:21

Abasaadha abalwani ab'amaani ab'omu Yerusalemu baja kulumba Edomu bakighangule era bakifuge. Era Musengwa Katonda mwene n'anaabanga kyabazinga.”

Zefania 3:13

Era abantu abo abaliwonagho mu Isiraeli tibalikola kisobu naire, tibalyogera bya buguya, oba okukozesa olulimi olubuzaabuza. Baidha kubanga bulungi nga bazira kye badhulirira, era nga ghazira kintu kyonakyona kibatiisa.”

Zekaria 10:6

Ndireetera abantu b'omu Buyudaaya okuba ab'amaani, era naawonia abantu b'omu Isiraeli abo okuzikirizibwa. Ndibagemerwa ekisa, naabaiza eka ewaibwe. Baliba ng'oti se tibalekulirangaku agho, kuba ninze Musengwa Katonda waibwe, era nze ndiiramu okusaba kwaibwe.

Zekaria 3:10

Okuva olunaku olwo, buli muntu alyetanga mwine aje ewuwe awuumulireku mu isamba lye ery'emizabbibu n'ery'emitiini.”

Ab'e Roma 3:22

buno n'obutuukirivu Katonda bw'agha abantu boonaboona olw'okwikiriza Yesu Kurisito. Kuba mu boonaboona ghazira ndhawulo

1 Ab'e Korintho 1:30

Katonda oyo n'ensimuko ey'obulamu bwe muli nabwo mu Kurisito Yesu. Kurisito oyo Katonda ye yafuula amagezi gaife, era oyo n'atufuula abatuufu eri Katonda, era n'atutukuza, era oyo n'okununulibwa kwaife.

2 Ab'e Korintho 5:21

Kurisito tiyali na kibi, aye ku lwaife Katonda yamutaaku ebibi byaife tusobole okubita mu oyo okugabana ku butuufu bwa Katonda.

Ab'e Filippi 3:9

olwo nsobole okumweyimbiraku irala. Tikaali na butuufu bwange ku bwange obuva mu kugema amateeka. Mperaano ndi n'obutuufu obuva mu kwikiriza Kurisito, obutuufu obuva ye Katonda era obuva mu kwikiriza.