Yeremia 23:31 - Baibuli Ekibono kya Katonda 2014

³¹ Era nkyagha n'abalanzi abo abatoola ebibono ebyaibwe ku bwaibwe, ni babikobera abantu bati, ‘Musengwa Katonda atyo bw'akoba.’

Yeremia 23:31 ပူးပေါင်းရင်းမြစ်များ

Yeremia 23:17

Buli kaakyeire bakobera abantu abaloba okuwulirisa nze Musengwa Katonda bye nkoba, bati, Mwidha kubanga mu miraala.’ Era baakobera buli muntu akola ebyo omwoyo gwe omukalangufu bye gwenda, bati, ‘Ezira kabi kaidha kukutuukaku naire.’ ”

Isaia 30:10

Bakoba ababoni bati, ‘Mulekere agho okubonekerwa’ baakoba n'abalanzi bati, ‘Mutalanga bituufu bye mubonekeirwa. Aye mulange ebyo ebitunhoonha, ebitali bituufu naire era eby'obuguya.

2 Ebyomubyanda 18:5

Agho kyabazinga wa Isiraeli yaasoloza abalanzi ebikumi bina (400), yaababuuza ati: “Nje numbe Ramothi eky'e Gileadi, oba ntakirumba?” Bairamu bati: “Ja okirumbe, Musengwa Katonda aidha kukikugha okighangule.”

Mika 2:11

“Abantu bano benda omulanzi aja ng'abakobera obukwenda obwidhwire okuguya, ng'abakoba ati, ‘Mwidha kufunanga omwenge ogw'emizabbibu n'ebitamiiza ebindi.’

Yeremia 23:30

Kale ni nkyagha abalanzi abo abatoola ebibono okuva ku banaibwe, memale ni babirangirira ng'obukwenda obuva ye ndi.

Yeremia 23:32

Muwulire nze Musengwa Katonda kye nkoba: Nkyagha abalanzi abo abakobera abantu ebirooto byaibwe ebiidhwire obuguya, ni badaaliimya abantu bange n'obuguya bwaibwe obwo, nga babeesuutiraku. Tibatumangaku, naire okubalagira baje bakole batyo! Era bazira kya makulu kye batwalira bantu abo naire. Nze Musengwa Katonda, ninze nkobye.”

Amateeka Agokubiri 18:20

Aye omulanzi aneetulinkirizanga n'ayogera mu liina lyange ebibono bye ntamulagiire, oba n'ayogera mu liina lya bakatonda abandi, aidha kwitibwanga bwitibwe.’

1 Bakyabazinga 22:11

Agho owundi ku balanzi abo, eriina lye nga ni Zedekia mutabane Kenaana, yeekolera amayiga mu kyuma ekigumu einho, yaakoba ati: “Musengwa Katonda akoba ati, ‘Amayiga gano g'oidha okukozesa okufula Abasiria okutuusa lw'olibaghangula.’ ”

Yeremia 28:15

Agho naakobera Hanania ebintu ebyo, era naayongeraku ni kino nti: “Wulira iwe Hanania, Musengwa Katonda ti n'eyakutuma. Oli kuleetera bwa bantu bano kwesiga bya buguya.

Yeremia 28:17

Agho Hanania yaafa mu mwezi ogwomusanvu ogw'omwaka gwene ogwo.