Yeremia 23:30 - Baibuli Ekibono kya Katonda 2014

³⁰ Kale ni nkyagha abalanzi abo abatoola ebibono okuva ku banaibwe, memale ni babirangirira ng'obukwenda obuva ye ndi.

Yeremia 23:30 ပူးပေါင်းရင်းမြစ်များ

Zabbuli 34:16

Aye abo abakola ebibi abakambughalira, bwe bafa abantu ab'oku nsi baabeerabira.

Yeremia 21:13

Mubone eno, imwe abantu ababa mu kiiko. Ndidha kubakolaku waire mugungumala ng'oti ibaale eikologho eriri ku museetwe. Era mukoba mule muti, ‘Naani anaidha okutulumba? Era naani anaatuuka eno ye tuba?’

Yeremia 23:31

Era nkyagha n'abalanzi abo abatoola ebibono ebyaibwe ku bwaibwe, ni babikobera abantu bati, ‘Musengwa Katonda atyo bw'akoba.’

Yeremia 44:11

“Kale ni, nze Musengwa Katonda Afuga Amagye, Katonda wa Isiraeli, nja kubeefuulira nzikirize Buyudaaya yoonayoona.

Yeremia 44:29

Nze Musengwa Katonda nja kubagha obukakafu obulaga nga ndibabonereza mu kifo kino, era obulaga ng'okuzikirira kwe nabeesoomera okubatuusaaku ndikutuukiriza.

Ezekieli 13:20

“Kyenva, nze Musengwa Katonda, ni nkoba nti ndidha kulwanisa eyirizi edho dhe mukozesa okudaazadaaza n'okwita obulamu bw'abantu. Era ndidhikutula naadhitoola ku mikono gyaimwe, naabalekuza abo be mudaazadaaza, baaba ba idembe.

Ezekieli 13:8

Kale Musengwa Katonda akoba nti: “Olw'okuba okubonekerwa kwe mukoba mbu mufunie kuba kwa bulimba, n'ebyo bye mulanga byaba bya buguya, mbakyaye era buti nfuuse muzigu ye muli.

Ezekieli 15:7

Ndibeefuulira naababonereza ni bwe balirumuka batya okuwona omuliro, era gulibookya. Kale ni bwendyefuulira abantu abo ni mbabonereza, mulimanha nga ninze Musengwa Katonda.

Abalevi 20:3

Era zeena ndyefuulira omuntu oyo naamuboola naalekera agho okumubalira mu bantu bange, olw'okughaayo omwana we eri Moleki n'ayonoona Ekifo kyange Ekitukuvu, era n'ayonoona eriina lyange eitukuvu.

Abalevi 26:17

Imwe ndibeefuulaku, mwaghangulwa abazigu baimwe, mwafugibwa abantu abatabenda. Munaabanga n'entiisa, mwalumuka nga ghazira n'ali kubabinga.

Amateeka Agokubiri 18:20

Aye omulanzi aneetulinkirizanga n'ayogera mu liina lyange ebibono bye ntamulagiire, oba n'ayogera mu liina lya bakatonda abandi, aidha kwitibwanga bwitibwe.’

Amateeka Agokubiri 29:20

Musengwa Katonda enkikidi y'egema ku lw'abantu be, taidha kusonighanga muntu oyo. Aidha kumutumbukizangaku obusungu bwe ng'oti muliro, ebikolimo byonabyona ebighandiikiibwa mu kitabo kino bimwidhirenga, okutuusa Musengwa Katonda lw'anaamusaanizangagho irala, ni yeerabirwa ku nsi.

1 Petero 3:12

kuba amaiso ga Musengwa tigava ku batuufu, era talekera kuwulirisa kusaba kwaibwe. Aye abo abakola obubi abakambughalira.”