Yeremia 23:14 - Baibuli Ekibono kya Katonda 2014

¹⁴ Aye ate mboine ng'abalanzi b'omu Yerusalemu, bakola ebibi n'okusinga agho: bakola obwenzi era baaguya, baleetera abantu okukola ebibi. Olwo ghaabula akyuka okuva mu bibi bye. Nze mbona nga boonaboona babi ng'oti n'abantu b'e Sodoma n'ab'e Gomorra.”

Yeremia 23:14 ပူးပေါင်းရင်းမြစ်များ

Amainhama 13:13

Abantu ba Sodoma baali babi, era nga boonooni inho ye Musengwa Katonda.

Amainhama 18:20

Agho Musengwa Katonda yaakoba ati: “Mpulira ebintu ebibi kamaala nga byogerwa ku Sodoma ni Gomorra, era okwonoona kwaibwe kubitiriire!

Amainhama 19:24

Agho Musengwa Katonda yaagwisa obuganga bwa salufa, ng'oti maadhi, ku Sodoma ni Gomorra, nga buva mu igulu.

Amainhama 19:25

Era yaabizikiriza ghalala n'ekiiko kyonakyona, n'abantu abaalimu, era n'ebisimbe ebyalimu.

Isaia 9:15

omutwe ogwo nga n'abantu abakaire era ab'ebitiibwa, ate omukira nga n'abalanzi abeegeresa eby'obuguya.

Yeremia 14:14

Aye Musengwa Katonda yankoba ati: “Abalanzi abo balanga bya buguya mu liina lyange. Nze tibatumangaku oba okubalagira ekintu kyonakyona, waire okwogera nabo. Okubonekerwa kwe boogeraku kwa buguya, ni bye balagula biziramu makulu, babiyiiya buyiiye beene.

Yeremia 18:13

Musengwa Katonda akoba ati: “Mubuuze amaghanga goonagoona oba nga ekintu ng'oti n'ekyo kyali kibaireghooku. Abaisiraeli bakoze ekintu ekitiisa einho!

Yeremia 20:16

Omuntu oyo agwananga yaaba ng'oti n'ebibuga Musengwa Katonda bye yazikiriza nga tabisaasira naire. Agwananga yaawulira ku nkyo okuwowoola okw'abali mu bulumi, era mu kasana ghagati yaawulira enduulu edh'olutalo;

Yeremia 23:17

Buli kaakyeire bakobera abantu abaloba okuwulirisa nze Musengwa Katonda bye nkoba, bati, Mwidha kubanga mu miraala.’ Era baakobera buli muntu akola ebyo omwoyo gwe omukalangufu bye gwenda, bati, ‘Ezira kabi kaidha kukutuukaku naire.’ ”

Yeremia 23:22

Nguli baali bamanhie bye ndowooza mule, bandikobeire abantu bange obukwenda bwange, era baabakyusa baava mu bikolwa byaibwe ebibi ni mu mpisa dhaibwe embi.

Yeremia 23:32

Muwulire nze Musengwa Katonda kye nkoba: Nkyagha abalanzi abo abakobera abantu ebirooto byaibwe ebiidhwire obuguya, ni badaaliimya abantu bange n'obuguya bwaibwe obwo, nga babeesuutiraku. Tibatumangaku, naire okubalagira baje bakole batyo! Era bazira kya makulu kye batwalira bantu abo naire. Nze Musengwa Katonda, ninze nkobye.”

Yeremia 29:21

“Musengwa Katonda Afuga Amagye, Katonda wa Isiraeli, bino by'ayogera ku Ahabu mutabane wa Kolaia ni ku Zedekia mutabane wa Maaseia, abaja nga babakobera imwe eby'obuguya nga bakozesa eriina lye. Akoba ati alibaghaayo mu ngalo dha kyabazinga Nebukadinezzari ow'e Babilonia, yaabaita nga mubona muti.

Yeremia 29:23

Ebyo n'ebiribatuukaku kuba beereetaku omusango bwe baakola ebibi ebitakobeka mu Isiraeli. Baayenda ku baka banaibwe, era baayogera eby'obuguya nga bakozesa eriina lya Musengwa Katonda, ate nga Musengwa Katonda oyo tabatumangaku kubyogera. Musengwa Katonda mwene oyo aidhi bye baakola era mwene n'omudhulizi abalumiriza. Musengwa Katonda mwene, n'akobye.”

Yeremia 36:2

“Toola enzingo y'ekitabo oghandiikemu ebintu byonabyona bye nkukobeire ebigema ku Isiraeli, ni ku Buyudaaya, ni ku maghanga agandi goonagoona. Ghandiika ebintu byonabyona bye mbairenga nga nkukobera okuviira irala ku lunaku lwe natoolera okwogera n'iwe, nga Yosia ni kyabazinga, okutuusa olwaleero.

Yeremia 49:18

Nga Sodoma ni Gomorra bwe baabizikiriza aghalala n'ebibuga ebyali agho okumpi nabyo, n'ensi Edomu etyo bwe baligizikiriza, yaaloba kwiramu kubangamu bantu. Nze Musengwa Katonda, ninze nkobye.

Okulira 4:6

Ekibonerezo abantu bange kye baafuna kinene okusinga ekibonerezo ekyagheebwa Sodoma, Katonda kye yazikiriza mu kaseera akazira ghe kaaga.

Ezekieli 13:16

abo nga n'abalanzi ab'omu Isiraeli abaalanga ku Yerusalemu, bati baabonekerwa nga kija kubaamu miraala myereere, waire nga mu butuufu bwene tighaali miraala naire. Nze Musengwa Katonda ninze nkobye.”

Ezekieli 13:19

Mwonoona eriina lyange mu bantu bange, nga mwenda okufunayo emiganda obuganda egya sayiri, n'ebitole obutole eby'emere. Mwaita abantu abatagwaniire kufa, ate abatagwaniire kuba balamu mwabawonia. Era mwakobera abantu bange eby'obuguya, era boona baabawulirisa.”

Ezekieli 22:25

Abakulembeze baamu bali ng'oti mpologoma ewologoma, n'ekankanula ky'egemye. Baita abantu, baanhaga empiiya n'eby'obukombe, era baaleka abakazi kamaala nga bafuuse banamwandu.

Hosea 6:10

Mu Isiraeli mboinemu ekintu ekibi einho. Abantu bange abo ti beesigwa ye ndi naire. Bali ng'oti n'omwenzi era beereeteire okuba abatali balongoofu.

Amosi 4:11

“Era ninze eyazikiriza abandi ku imwe nga bwe nazikiriza ab'e Sodoma n'ab'e Gomorra. Imwe abaawonagho mwaba ng'oti n'oluti olutooleibwa mu muliro. Aye era mwaloba okwira ye ndi.

Mika 1:5

Ebyo bija kubaagho olw'okuba Abaisiraeli baaloba okugondera amateeka ga Musengwa Katonda, baayonoona. Mukoba muti ogwo musango gw'ani? Musango gwa Samaria ekibuga ekikulu kyene! Era mulowooza muti naani avuunaanibwa olw'Abayudaaya okusinza ebitali Katonda? Ti ni Yerusalemu ekibuga ekikulu kyene!

Mika 3:11

Abakulembeze baamu bagulirirwa nguzi memale baalamula. Bakabona baamu tibeegeresa mateeka ga Katonda okutoolaku nga bapangisiibwa. Era waire abalanzi baamu, boona bamala kugheebwa mpiiya memale baakoba okwolekebwa kwaibwe. Ate nga boonaboona beefuula okuba nga beesigama ku Musengwa Katonda, era baakoba bati: “Ghazira kabi koonakoona kaja kututuukaku kuba Musengwa Katonda ali n'ife.”

Zefania 3:4

Abalanzi baamu baawaamu ensa era ba nkwe. Bakabona baamu boonoona ebintu ebitukuvu, era baafuulaniafuulania amateeka bafune bye benda.

Zekaria 13:2

Nditoola mu nsi Isiraeli ebisinzibwa ebitali Katonda, ghalobe kubaagho muntu abiidhukira waire okwidhukira amaina gaabyo. Nditoolagho n'abo boonaboona abeeyeta abalanzi, era naatoola ni mu bantu omwoyo ogwenda okusinza ebitali Katonda.

Malaki 1:1

Buno n'obukwenda Musengwa Katonda bwe yagha Malaki okutwalira Abaisiraeli.

Matayo 11:24

Aye ka mbakobere: Ku lunaku olw'okusalirwaku omusango, Sodoma kirisaasirwa okusinga imwe.”

Amateeka Agokubiri 32:32

Boonooni ng'oti n'ab'e Sodoma n'e Gomorra. Bali ng'oti n'amasamba g'emizabbibu, agabala emizabbibu egikaagha era egy'obutwa.

1 Timotheo 4:2

Bino bisansaanizibwa abantu abaguya, abaafa emyoyo ng'oti n'egyasiriizibwa ekyuma ekyengereire.

2 Petero 2:6

Katonda yafuula Sodoma ni Gomorra eky'okuboneraku eri abo abatalimutya bwe yasalira ebibuga ebyo omusango ni gubisinga, n'abisaaniagho n'omuliro.

Yuda 1:7

Nhenda era okubaidhusa Sodoma ni Gomorra n'ebibuga ebindi ebyali biriiraine agho, byona ebyakola ebikolwa eby'ensoni n'eby'amairu ag'abasaadha n'abakazi agatajiira ku butonde. Bino byabonerezebwa mu muliro ogutazikira, byafuuka eky'okuboneraku.

Okwolekebwa 11:8

Emirambo gyaibwe girisigala mu ngira dh'ekibuga ekinene, Musengwa waibwe mwe yakomererwa ku musalaba. Eriina ery'ekibuga ekyo ery'okugereesa ni Sodoma oba Misiri.

Okwolekebwa 19:20

Ekisolo kyagemebwa ghalala n'omulanzi omuguya eyakola ebyewuunhio mu maiso gaakyo. Ebyewuunhio ebyo bye yakozesa okuguya abo abaaganha okuteebwaku akamanhiso k'ekisolo era n'okusinza ekifaananie kyakyo. Ekisolo ekyo ghalala n'omulanzi omuguya, bombi baasuulibwa mu nhandha ey'omuliro n'obunhota bwa salufa nga balamu.

Okwolekebwa 21:8

Aye abo abati, n'abataikiriza, n'abadankaanu, n'abatemo, n'abenzi, n'abalogo, n'abasinza ebitali Katonda, n'abaguya boonaboona, ekifo kyaibwe kiriba mu nhandha ey'omuliro n'obunhota bwa salufa: okwo n'okufa okwokubiri.”

Okwolekebwa 22:15

Aye embwa, n'abalogo, n'abenzi, n'abatemo n'abasinza ebyo ebitali Katonda, n'abaguya, baliba kuliya.