Yeremia 23:11 - Baibuli Ekibono kya Katonda 2014

¹¹ Musengwa Katonda era akoba ati: “Abalanzi ni bakabona tibatya Katonda era nabaagaana nga bakola ebibi ni mu isinzizo mwene.

Yeremia 23:11 ပူးပေါင်းရင်းမြစ်များ

2 Ebyomubyanda 33:5

Era yaazimbira eby'oku igulu byonabyona alutaari mu mpya eibiri edh'eisinzizo lya Musengwa Katonda.

2 Ebyomubyanda 33:7

Yaata mu isinzizo ekifaananie eky'omusambwa omukazi Ashera kye yabaadha. Ate nga eisinzizo eryo, Musengwa Katonda lye yakoba Daudi ni mutabane we Solomoni ati: “Mu isinzizo lino eriri mu kibuga Yerusalemu kye nalondamu mu bibuga byonabyona eby'ebika bya Isiraeli, mwe banansinzizanga enaku dhoonadhoona.

2 Ebyomubyanda 36:14

Ni bakabona abakulu nga kw'otaire n'abakulembeze abantu, boona baakola ebibi einho nga bajiira ku byenhinhalwa byonabyona eby'abamaghanga agandi. Kale baayonoona batyo eisinzizo Musengwa Katonda mwene lye yatukuza mu Yerusalemu.

Ezera 10:18

Luno n'olukalala olw'abasaadha abaali babayiiza abakazi abamaghanga agandi: Mu bakabona mwalimu, Maaseia, Eliezeri, Yaribu, ni Gedalia nga ba ku nda ya Yeshua mutabane wa Yozadaki ni baganda be.

Yeremia 11:15

Kale oba nga abantu abo be ngonza ntyo bakoze ebibi, memale bakaagwaniire okungira mu isinzizo lyange? Balowooza bati obweyamo bwe bakola, n'ensolo dhe baghaayo ng'emisengo, bisobola okulobera akabi okubatuukaku, era byabaleetera okusagamba?

Yeremia 23:15

“Agho ni, nze Musengwa Katonda Afuga Amagye, nkoba abalanzi b'omu Yerusalemu nti: ‘Mubone eno, ndidha kubagha olubiriizi balulye lubakaayire, mbaghe n'amaadhi agalimu eirogo baganhwe; kuba baleeteire abantu boonaboona mu nsi eno obutatya Katonda.’

Yeremia 32:34

Baatoola emisambwa gyaibwe egyenhinhalwa, baagita mu isinzizo lyange, baalyonoona.

Yeremia 5:31

Abalanzi balanga bya buguya, ni bakabona bafuga nga bajiira ku balanzi bye balagira, n'imwe abantu bange mwena mwaloba kukitakaniaku naire. Aye mulikola ki ng'enkomerero etuuse?”

Yeremia 50:6

“Abantu bange bali ng'oti n'entaama abaayi dhe balese ni dhibulira eyo mu nsozi. Batambulatambula eyo batyo nga bava ku lusozi luno baaja ku lule, baatuuka n'okwerabira amaka gaibwe.

Yeremia 6:13

kuba okuviira irala ku basembayo ghansi okutuukira irala ku babbede beene, boonaboona bagwidhubanira bya kufuna mu bukyamu. Waire abalanzi ni bakabona, boona bakupankupania.

Yeremia 7:30

“Abantu b'omu Buyudaaya, bakoze ekibi ye ndi, nze Musengwa Katonda. Batoire emisambwa egyenhinhalwa, baagita mu isinzizo lyange, baalyonoona.

Yeremia 8:10

Kye ndiva ni mbatoolaku bakazi baibwe ni mbagha abasaadha abandi, n'emisiri gyaibwe ni ngigha abantu abandi; kuba okuviira irala ku basembayo ghansi okutuukira irala ku babbede beene, boonaboona bagwidhubanira bya kufuna mu bukyamu. Waire abalanzi ni bakabona, boona bakupankupania.

Okulira 2:20

Wo Musengwa Katonda, tulingirire obone bwe tudaaga. Naani ye waali obisiisaaku oti? Kibangaghooku abakazi okulya abaana abaibwe beene, be baakuza obukalamu nga babagonza? Kibangaghooku bakabona n'abalanzi okwitirwa mu kifo kya Musengwa ekitukuvu?

Ezekieli 23:39

Ku lunaku lwene lwe baitiraku abaana baibwe ni babaghaayo ng'emisengo eri ebisinzibwa byaibwe ebyo, era ni ku lwene olwo lwe baidhiraku mu isinzizo lyange ni balyonoona.

Ezekieli 44:10

Agho Musengwa Katonda yankoba ati: “Nze Musengwa Katonda ndidha kubonereza Abalevi abo abanvaaku ni badaaliima ghalala ni Baisiraeli banaibwe, ni baja okusinza ebitali nze Katonda.

Ezekieli 7:20

Ebyamadholobera byaibwe ebyabonekanga obulungi era nga bibeeyagaza, baabigheesaamu bwa bifaananie ebyenhinhalwa ebiziramu muganhulo naire. Kale ni, Musengwa Katonda kyaviire n'abireetera okubafuukira ebitali birongoofu.

Ezekieli 8:11

Era naabona abandi ku bakulembeze ab'eighanga lya Isiraeli nsanvu nga beemereire omwo, nga n'omuli ni Yaazania mutabane wa Shafani. Buli mulala yali agemye ekiniokezebwamu obubbaani, era ng'ebiniokezebwamu obubbaani ebyo birikuvaaku omwosi gwaja ghaigulu.

Ezekieli 8:16

Kabiri yantwala mu luya olw'omunda olw'eisinzizo lya Musengwa Katonda. Okuja okulinga nti nga mbona gha mulyango ogw'eisinzizo eryo erya Musengwa Katonda, ghagati gh'ekisasi ni alutaari, nga ghaligho abantu ng'oti amakumi abiri na bataanu (25). Baali nga bakubye eisinzizo lya Musengwa Katonda omugongo, nga balingiriire e buvandhuba, era nga bali kusinza endhuba eri kuvaayo.

Zefania 3:3

Abakungu mu kibuga omwo bali oti mpologoma edhiwologoma. Abalamuzi baamu baaba ng'oti n'emisege egiyiiga eigulo nga giri ndhala inho, ni gitalekaagho kagumba kusigala kubonebwaku nga bukyeire.

Zefania 3:4

Abalanzi baamu baawaamu ensa era ba nkwe. Bakabona baamu boonoona ebintu ebitukuvu, era baafuulaniafuulania amateeka bafune bye benda.