Yeremia 22:9 - Baibuli Ekibono kya Katonda 2014

⁹ Agho baamala beiramu bati, ‘Lwa kuba abantu baakyo baava ku ndagaano ye baakola ni Musengwa Katonda waibwe, baaja baasinza era baagheereza bakatonda abandi.’ ”

Yeremia 22:9 ပူးပေါင်းရင်းမြစ်များ

1 Bakyabazinga 9:8

Eisinzizo lino lirifuuka mmungo ya bimunku, era kiisi baliribitangaku balitengeesanga bwa mitwe beewuunhia. Era balibuuzanga bati, ‘Lwaki Musengwa Katonda yakola atyo ensi eno n'eisinzizo lino?’

2 Bakyabazinga 22:17

Nga bwe banviireku ni baniokeza obubbaani eri emisambwa, ni bansungughaza n'ebyo byonabyona bye bakoze, obusungu bwange bwidha kutumbukira ku kifo kino ng'oti muliro, era tibulizikira.

2 Ebyomubyanda 34:25

Nga bwe banviireku ni baniokeza obubbaani eri emisambwa, ni bansungughaza n'ebyo byonabyona bye bakoze, obusungu bwange bwidha kutumbukira ku kifo kino ng'oti muliro, era tibulizikira.

Yeremia 11:10

Baizeeyo mu kukola ebibi badhaadha baibwe bye baakolanga, ni baloba okugonderanga bye nabalagira. Era buti abantu b'omu Isiraeli n'ab'omu Buyudaaya basinza bakatonda abandi, baamenha endagaano ye nakola ni badhaadha baibwe.

Yeremia 11:3

oti Nze Musengwa Katonda, Katonda wa Isiraeli nkoba nti, omuntu yeenayeena ataatuukirizenga ndagaano eno by'ekoba akolimirwenga.

Yeremia 16:11

Agho iwe oidha kubakoba oti, ‘Badhaadha baimwe banvaaku baaja ye bakatonda abandi, baabagheerezanga era baabasinzanga. Nze baaneerabira baaloba kukuuma mateeka gange.

Yeremia 50:7

Buli abababona babalumba. Abazigu baibwe bakoba bati, ‘Baayonoona eri Musengwa Katonda, kale kye tukoze ti kibi naire. Badhaadha baibwe beesiganga Musengwa Katonda kale beene boona bandibaire bamwesiga!’

Yeremia 9:13

Musengwa Katonda yairamu ati: “Ekyo kiri kityo, lwa kuba abantu baava ku mateeka gange ge nabateeragho. Baaloba okungondera waire okukola bye nabakoba.

Ezekieli 12:16

Aye ndirekaghooku abatono baawona okwitibwa mu ntalo, n'okulambuka endhala, n'okufa endwaire ya kawumpuli. Olwo basobole okutegeera, eyo ye baliba mu maghanga, nga baakola ebyenhinhalwa. Era olwo bamanhe nga ninze Musengwa Katonda.”

Ezekieli 14:23

Olwo mulimanha nga nali mutuufu okukola ebyo bye nakola mu Yerusalemu.” Musengwa Katonda atyo bw'akoba.

Ezekieli 39:23

Era amaghanga galimanha ng'ab'eighanga Isiraeli baatwalibwa mu bunhage lwa bibi byaibwe, kuba baaneefuulaku bandeetera okubalekulira agho, naabaghaayo mu ngalo edh'abazigu baibwe baabaita boonaboona.

Ezekieli 5:15

“Bwendibasalira omusango ni mbabonereza nga ndi mu busungu obubitirivu, olwo ab'amaghanga agabeezungulwire balitya inho. Mulifuuka kivumo era eky'okuyeeyereza ye bali, era mwafuuka akamanhiso ak'okubalabula. Nze Musengwa Katonda, ninze ndhogeire.

Amateeka Agokubiri 29:24

Abantu abamaghanga goonagoona balyebuuza bati, ‘Lwaki Musengwa Katonda akoze ekyo ku nsi eyo? Kiki ekyamusungughaza einho atyo?’