Yeremia 22:3 - Baibuli Ekibono kya Katonda 2014

³ Musengwa Katonda oyo akoba ati mukolenga amazima n'ebituufu. Omuntu ye batuntuza mumuwonienga ole amutuntuza. Era mutakolanga kibi kyonakyona oba ekikolwa eky'obukambwe ku basenze, oba bamulekwa, oba banamwandu, oba okwitanga abantu abaziraku musango mu ighanga lino.

Yeremia 22:3 ပူးပေါင်းရင်းမြစ်များ

2 Samueli 23:3

Katonda wa Isiraeli yayogera, oyo olubaale lwa Isiraeli olw'okwewogomamu yankoba ati: Omuntu bw'afuga abantu ng'asala mu butuufu, n'afuga ng'atya Katonda,

2 Bakyabazinga 24:4

n'olw'abantu abaziraku musango Manasse oyo be yaita kuba yaidhuza Yerusalemu omusaayi gw'abantu be yaitira obwereere. Musengwa Katonda nga taghanga kusonigha Manasse oyo olw'ekyo.

Yobu 22:9

Banamwandu wabeebingaku nga tobaghaire kantu; waalumyanga bamulekwa ng'obanhagaku ebyaibwe.

Yobu 24:9

Ghaligho abantu ababi abaswankula abaana abaziraku baiseibwe, baabatoola ku bainhaibwe, baatwala abaana abo ab'abaavu ng'omusingo gw'eibandha.

Zabbuli 68:5

Oyo ni Katonda aba mu kifo kye ekitukuvu, ni lata w'abo abazira balata baibwe era n'akuuma banamwandu.

Zabbuli 82:4

Mulwanirirenga abali mu bwetaavu n'abateesobola, mubawonienga abakozi b'ebibi obutabakola nga bwe benda.

Zabbuli 94:21

Beeteesa okulumba abantu abalungi, baasalira abantu ogw'okufa abaziraku musango.

Zabbuli 94:6

Baita banamwandu ni bamulekwa, era baatemula abasenze be tusenza mu nsi yaife.

Okuvaayo 22:21

“Omuntu ow'eighanga erindi otamubisanga bubi oba okumutuntuza, kuba mwena mwali ba ighanga lindi nga muli e Misiri.

Okuvaayo 22:22

“Otabisanga bubi namwandu oba mulekwa.

Ensambo 23:10

Otakyusanga mbibi ey'eira, oba okutoola eitaka lya bamulekwa

Ensambo 6:17

okwebona ng'owa ghaigulu, okuba omuguya, okutemula abantu abaziraku musango,

Isaia 1:23

Abakulembeze bo badheemu, era bagemagana na baibi. Buli muntu agonza kulya nguzi era yaagunirira okugheebwa ebirabo. Tibalwaniriraku bamulekwa, waire okuwulirisa ensonga banamwandu dhe babaleetera.

Isaia 58:6

“ ‘Okusiiba nze kwe nhenda ni kuno: Musibule endhegere n'ebikoligo ebisibiriire abantu mu kutuntuzibwa. Abasibe abatuntuzibwa, mubalekule baje nga ba idembe. Mumaliregho irala ebikoligo byonabyona ebireetera abantu okutuntuzibwa.

Isaia 58:7

Abo abali endhala mubaghenga ku mere yaimwe, n'abaavu abazira maka mubaingizenga mu maka gaimwe. Abo ababita amadu mubaghenga eby'okuvaala, era mutalobanga kuyamba bantu babaliku luganda.

Yeremia 19:4

Nja kukola ntyo kuba abantu abo banviireku baayonoona ekifo kino nga baghaayo emisengo eri bakatonda abandi, ate nga beene, waire badhaadha baibwe, oba bakyabazinga b'omu Buyudaaya, tibamanhangaku bakatonda abo naire. Era abantu abo baidhwiza ekifo kino omusaayi ogw'abantu abaziraku musango be baita.

Yeremia 21:12

“Imwe baidhukulu ba Daudi, muwulirise nze Musengwa Katonda bye nkoba: Musalenga emisango mu mazima buli lunaku. Omuntu ye bakiriga mumuwonienga ole amukiriga. Olwo ekiruyi kyange kirobe kutumbuka ng'oti n'omuliro omuntu gw'atasobola kuzikiza, olw'ebibi bye mukola.

Yeremia 22:17

Aye iwe weemalira mu bya kufuna mu bukyamu byonka, waita abantu abaziraku musango, era waatuntuza abantu b'ofuga n'obukambwe.”

Yeremia 26:16

Agho abakungu n'abantu abandi boonaboona baakoba bakabona n'abalanzi bati: “Omusaadha ono ayogeire n'ife mu liina lya Musengwa Katonda waife, kale tagwaniire kwitibwa.”

Yeremia 5:28

era baaba banene nga banhirivu. Tibalekera kukola bibi. Tiboogererayo bamulekwa kufuna bye bagwaniire, waire okulwanirira abatuntuzibwa.”

Yeremia 7:23

Aye nabalagira kino nti, ‘Mumpulirenga, olwo nze ndidha kubanga Katonda waimwe, imwe mube bantu bange. Mujiirenga ku mateeka ge mbagha, olwo byonabyona biidha kubajiiranga bukalamu.’

Yeremia 9:24

“Aye buli yeesuuta, yeesuutenga lwa kuba nti: antegeera era andidhi nga ninze Musengwa Katonda agonza abantu obutalekera, era ni nkola amazima n'ebituufu. Ebintu ebyo n'ebinsanhusa. Nze Musengwa Katonda, ninze nkobye.”

Okulira 3:36

Era yaamanha bweghabaagho omuntu asaliirwa omusango mu bukyamu.

Ezekieli 18:12

yaakiriga abaavu n'abali mu bwetaavu, yaakola obunhazi, yaaloba kwiriza muntu eyamwewolaku musingo gwe, yaasinza ebyo ebitali nze Katonda, yaakola ebyenhinhalwa,

Ezekieli 18:7

Atafufunkiriza muntu yeenayeena, era atanhaga kintu kyonakyona ku muntu. Airiza eyamwewolaku omusingo gwe, n'agha omuyala eky'okulya, era n'agha ali amadu eky'okuvaala.

Ezekieli 22:7

Abazaire mu iwe batwalibwa ng'ekitagasa, ebintu by'abasenze byakupankupanizibwa, banamwandu ni bamulekwa baatulugunhizibwa.

Ezekieli 45:9

Agho Musengwa Katonda yaakoba ati: “Imwe abafuzi mu Isiraeli, mukange agho okutuntuzanga abantu be mufuga n'obukambwe, mukolenga amazima n'ebituufu. Mulekere okubingagania abantu bange mu itaka lyaibwe. Nze Musengwa Katonda ninze nkobye.

Yoeli 3:19

Ensi Misiri erifuuka irungu, n'ensi Edomu yaafuuka bifulukwa byereere; kuba abantu b'omu nsi edho baalumba Buyudaaya, baita abantu abaziraku musango.

Abalevi 19:15

“Musalenga emisango mu butuufu. Muteekubiranga ku luuyi lwa mwavu, era mutatiisanga mukombe maiso.

Amosi 5:15

Mukyaghe ebibi, mugonze ebirungi. Musalenga mu mazima mu mbuga dhaimwe edh'amateeka. Oba katyo Musengwa Katonda Afuga Amagye, yaakagemerwa abaliwonagho ku Baisiraeli ekivunika.

Amosi 5:24

Aye muleke amazima gabe ga mwero ng'oti maadhi, n'obutuufu bube ng'oti n'omwiga ogutakala.

Mika 3:11

Abakulembeze baamu bagulirirwa nguzi memale baalamula. Bakabona baamu tibeegeresa mateeka ga Katonda okutoolaku nga bapangisiibwa. Era waire abalanzi baamu, boona bamala kugheebwa mpiiya memale baakoba okwolekebwa kwaibwe. Ate nga boonaboona beefuula okuba nga beesigama ku Musengwa Katonda, era baakoba bati: “Ghazira kabi koonakoona kaja kututuukaku kuba Musengwa Katonda ali n'ife.”

Mika 6:8

Busa, Musengwa Katonda yatukobera ekikalamu kye tube tukole, era ni kino: Ayenda tukolenga ebintu mu butuufu, twolekenga okugonza okutakoma, era tumusinzenga nga tuli bawombeefu.

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

Matayo 23:23

“Mukagwireku Abanamateeka n'Abafarisaayo, abakuusa imwe, kuba mughaayo ekitundu kirala kirala ku buli bitundu ikumi eky'obuwoowo obuwoomesa eiva, nga buno: eduosimo, anetho, ni kumino. Aye mwaleka ebisinga obukulu ebiri mu Mateeka, bino: Okukolera banaimwe ebibagwaniire, ekisa, n'okwikiriza. Ebyo mugwaine okubikola ate ni bire obutabireka.

Amateeka Agokubiri 10:18

Asala mu butuufu ensonga dha bamulekwa ni banamwandu. Yaagonza abasenze abali mu imwe, yaabagha eby'okulya n'eby'okuvaala.

Amateeka Agokubiri 24:17

“Mutasalirizanga nga musala omusango ogw'omusenze waire ogwa mulekwa. Era mutatoolanga ku namwandu kivaalo kye ng'omusingo ogw'eibandha lye mwamuwola.

Amateeka Agokubiri 24:7

“Omuntu bw'anaawuuyanga Muisiraeli mwine n'amufuula omwiru we oba n'amutunda, aidha kwitibwanga bwitibwe, olwo musobole okwetoolaku ekibi ekyo.

Amateeka Agokubiri 25:1

Musa yaakoba Abaisiraeli ati: “Ghasobola okubaagho Abaisiraeli babiri nga bali n'enkaayana ghagati ghaibwe. Baaja y'abalamuzi baabagha ensala owundi yaasinga omusango, ate owundi gwamusinga.

Amateeka Agokubiri 27:19

“ ‘Omuntu yeenayeena anaasalirizanga omusango ogw'omusenze ni mulekwa ni namwandu, akolimirwenga!’ Olwo abantu boonaboona baliiramu bati, ‘Amiina.’

Yakobo 1:27

Okwikiriza okutuufu era okuziramu buguya mu maiso ga Katonda Lata ni kuno: okulabirira bamulekwa, ni banamwandu, n'okwekuuma obutoonoonebwa nsi eno.