Yeremia 22:25 - Baibuli Ekibono kya Katonda 2014

²⁵ Nandikughaireyo y'abantu b'otya, abenda okukwita. Era ndikughaayo eri Nebukadinezzari kyabazinga w'e Babilonia, n'eri abaisirukale be.

Yeremia 22:25 ပူးပေါင်းရင်းမြစ်များ

2 Ebyomubyanda 36:10

Agho omwaka nga guli kutoolera, ekiseera ebimera kye bisibukiramu, kyabazinga Nebukadinezzari yaatwala Yehoiakini e Babilonia nga musibe, yaatwala n'ebintu eby'omughendo eby'omu isinzizo. Yaataagho Zedekia muganda wa Yehoiakini oyo, yaamufuula kyabazinga wa Buyudaaya ni Yerusalemu.

Ensambo 10:24

Omubi ekintu ky'atya kija kumutuukaku, aye omutuufu ky'ayenda baja kukimugha.

Yeremia 21:7

Aye iwe Zedekia, n'abakungu bo, n'abantu abandi abaliwona olutalo n'endwaire eyo n'endhala, nja kubalekera kyabazinga Nebukadinezzari n'abazigu baimwe abandi abendanga okubaita, babageme. Nebukadinezzari oyo aja kubaita aghazira kusonigha waire okusaasira. Nze Musengwa Katonda, ninze nkobye.’ ”

Yeremia 22:28

Agho naakoba nti: “Omusaadha ono Konia afuuse ng'oti nsugha eyamenheka ni bagisuula ere ng'eziraku agyenda? Eyo n'ensonga lwaki mwene n'abaana be baabingibwa baasuulibwa mu nsi ye bataidhi?”

Yeremia 27:6

Era mperaano ninze mpaire omugheereza wange, kyabazinga Nebukadinezzari ow'e Babilonia, okufuga amaghanga gano goonagoona. Era naamugha n'ensolo edh'omu nsiko dhoona dhimugheereze.

Yeremia 38:16

Kyabazinga Zedekia oyo yandayirira mu kaama ati: “Nga Musengwa Katonda bw'ali omulamu, Katonda oyo eyatugha obulamu, tiidha kukwita waire okukughaayo y'abo abenda okukwita.”