Yeremia 22:20 - Baibuli Ekibono kya Katonda 2014

²⁰ “Imwe ab'e Yerusalemu, muje ku nsozi dh'e Lebanoni mwasiikane, muje mu nsi y'e Bashani mulire; muje ku nsozi dh'e Moabu muwowoole, kuba abo be mwakolagananga nabo boonaboona bazikiriziibwa.

Yeremia 22:20 ပူးပေါင်းရင်းမြစ်များ

2 Bakyabazinga 24:7

Kyabazinga wa Misiri tiyairamu kabiri kuva mu nsi ye kwidha kulumba, kuba kyabazinga w'e Babilonia yali amaze okunhaga ekiketezo kyonakyona ekyabanga ekya kyabazinga w'e Misiri, okuva ku kaiga k'e Misiri okutuuka ku mwiga Eufurate.

Isaia 57:13

Kale ni bwe munandiriranga mbayambe, ebisinzibwa byaimwe ebyo bye musoloza n'ebibe bibawonienga. Aye empewo obuwewo eribifuumuula yaabitwala. Ate nga abo abaneesiga nze, n'abalitwala ensi yaaba yaibwe era bansizizanga ku lusozi lwange olutukuvu.”

Yeremia 2:25

Mulobe kuseenenia ngaito dhaimwe, waire okwereetera ekigheeghe, nga mulumuka okunonereza emisambwa. Aye imwe mukoba muti, ‘Titusobola kulekera agho, kuba tugonza inho emisambwa egy'abamaghanga agandi, era egyo gye twidhanga okunonereza.’ ”

Yeremia 2:36

Lwaki mukyukakyuka ni mujiira ku misambwa gy'abamaghanga agandi? Kale ni Misiri eidha kubaleka mu ibbanga, ng'oti ni Assiria bwe yakola.

Yeremia 2:37

N'eyo e Misiri mulivaayo nga mwetwise emikono gyaimwe ku mitwe, nga muswaire. Abo be mwesiga, nze Musengwa Katonda mbalobye, era timulibafunamu kalungi naire.”

Yeremia 22:22

Abakulembeze baimwe boonaboona balitwalibwa ng'oti n'ebikaba empewo bw'ebifuuwa ere. Abo be mwakolagananga nabo balitwalibwa mu bunhage. Olwo ensoni dhaabagema mwaswala olw'ebibi byonabyona bye mwakola.

Yeremia 25:9

‘Bona, nja kwetesa abantu boonaboona ababa ku luuyi olw'omukono omugooda olw'e buvandhuba, era ndhetese n'omugheereza wange Nebukadinezzari kyabazinga w'e Babilonia. Memale mbaleete balwanise abantu b'omu Buyudaaya, n'ab'omu maghanga goonagoona agaliiraine agho. Nja kuzikiriza nsaaniegho eighanga lino Buyudaaya ghalala n'amaghanga agaliiraine agho, mu nsambo etiisa einho, buli muntu ageesimoozenga bwesimooze era agavumirirenga ebyanda n'ebyanda. Nze Musengwa Katonda, ninze nkobye.

Yeremia 3:1

Musengwa Katonda akoba ati: “Omusaadha bw'abinga mukazi we, omukazi oyo naabayira omusaadha owundi, omusaadha oyo asobola kabiri okwiza omukazi oyo? Olwo ensi eyo eba teyonooneike? Aye imwe Abaisiraeli timwali beesigwa ye ndi, mwaba ng'oti malaaya bw'aba n'abagonzi be abangi. Aye obwo mwenda kabiri kwira ye ndi?

Yeremia 4:30

Iwe Yerusalemu ye balekuliire obwagho, obwo bwene okuvaala ebivaalo eby'ebitiibwa ebya kasaayisaayi oba otegeeza ki, era n'okuvaala amadholobera aga zaabu oba otegeeza ki? Lwaki osiiga amaiso go langi okugalungiya? Weewoomeza bwereere! Abo be weegonzanga nabo buti bakunhooma bunhoome, era benda na kukwita.

Okulira 1:19

Nayeta bakagwa bange baidhe baanhambe, aye baaloba kwidhayo. Bakabona bange n'abantu abakulu baafiira mu kibuga, nga bali kwagala emere ey'okulya balobe kulambuka ndhala.

Okulira 1:2

Omukazi ono asiiba mu maziga era yaasula ng'alira, amaziga gaamukuuluula ku matama. Abo abaalinga bakagwa be ghazira ali agho kumusaasiraku. Era be yakolagananga nabo bamughemukiire tibakaali beesigwa, era baafuuka bazigu y'ali.

Ezekieli 23:22

“Kale ni, iwe Oholiba, nze Musengwa Katonda ndi kukukoba nti: Bona eno, ndikusiikuulira abaali abagonzi bo be wakyuka n'oleka nga bakusinie, naabasoloza baava ku ndhuyi dhoonadhoona, baidha baakwefuulira baakulumba.

Ezekieli 23:9

Kale nze kyenava ni mmughaayo mu ngalo edh'abagonzi be Abassiria be yeefulugutanga nabo.

Ezekieli 27:6

Baakola enkasi dho mu miti emikologho, egyavanga e Bashani. Baakwaliiramu munda embaawo edh'emiti emyalumugi egyavanga ku kizinga ky'e Kupuro, ate ku mbaawo okwo baayaliiraku amasanka.

Okubala 27:12

Agho Musengwa Katonda yaakoba Musa ati: “Niina ku lusozi luno Abarimu olengere ensi ye mpaire Abaisiraeli.

Amateeka Agokubiri 32:49

“Ja mu nsozi dh'e Abarimu mu nsi Moabu, eringiriire ekibuga Yeriko, oniine ku lusozi Nebo, olengere ensi Kanaani, ye ndi kuja okugha Abaisiraeli ebe obutaka bwaibwe.