Yeremia 22:18 - Baibuli Ekibono kya Katonda 2014

¹⁸ Kale ni, Musengwa Katonda bino by'akoba ebigema ku Yehoiakimu mutabane wa Yosia, era kyabazinga wa Buyudaaya: “Tibalimulirira mbu, ‘Wo muganda wange!’ Oba mbu, ‘Wo mwanhinaze!’ Tibaligegenga mbu, ‘Wo musengwa wange!’ Oba mbu, ‘Wo kyabazinga wange!’

Yeremia 22:18 ပူးပေါင်းရင်းမြစ်များ

2 Samueli 1:26

Muganda wange Yonathani, ndi mu bughafu bubitirivu ku lulwo! Obaire mukagwa wange inho. Obairenga ng'ondholeka okugonza okutaloodheka, nga kusinga n'okugonza okw'abakazi.

1 Bakyabazinga 13:30

Yaatoola omulambo ogwo, ogw'omulanzi oyo eyava mu Buyudaaya, yaaguta mu magombe agage mwene, era baalira omulanzi oyo bati: “Woowe, muganda wange kwe ndigwa!”

2 Bakyabazinga 23:36

Yehoiakimu yali agheza emyaka amakumi abiri n'etaanu egy'obukulu ghe yafuukira kyabazinga wa Buyudaaya. Era yaafuga okumala entangama ya myaka ikumi na mulala mu Yerusalemu. Inhina nga ni Zebida, mughala wa Pedaia ow'e Ruma.

2 Bakyabazinga 23:6

Yaatoola mu isinzizo ekifaananie ky'omusambwa omukazi Ashera, yaakitwala kuliya wa Yerusalemu eri akaiga Kiduroni, yaakyokera eyo, yaakisekulasekula kyafuuka bwa nkungu, yaamansira enkungu eyo mu kifo mwe baaziikanga abantu ababuliidho.

2 Bakyabazinga 24:6

Agho Yehoiakimu oyo yaafa yeeyimba ku badhaadha be abaafa. Mutabane we Yehoiakini yaamusikira ku bwakyabazinga.

1 Ebyomubyanda 3:15

Yosia oyo yaazaala abaana bana: Yohanani nga n'omuberi, kwairaku Yehoiakimu, kwairaku Zedekia, kwairaku Shallumu.

2 Ebyomubyanda 35:25

Ni Yeremia omulanzi yeena yaalira Yosia. Era okulira kwe okwo, abembi boonaboona abasaadha n'abakazi baakufuulamu mpisa mu Isiraeli ni ye buli eno, okwembanga ku Yosia nga bamulira.

2 Ebyomubyanda 36:5

Yehoiakimu yali agheza emyaka amakumi abiri n'etaanu egy'obukulu ghe yafuukira kyabazinga wa Buyudaaya. Era yaafugira entangama ya myaka ikumi na mulala mu Yerusalemu. Yaakolanga ebibi ebitaasiimya Musengwa Katonda we.

Yeremia 16:4

Baja kufanga endwaire embi einho, era ghazira aja kubalira waire okubaziika. Emirambo gyaibwe gija kubanga ku itaka okwo ng'oti mmungo ya busa. Baja kwitibwanga mu ntalo oba balambukenga endhala bafe, n'emirambo gyaibwe giriibwenga enhonhi n'ensolo dh'omu nsiko.

Yeremia 16:6

Abantu ababbede beene n'abo abasembayo ghansi balifiira mu nsi eno aye ghaabulagho omuntu abaziika oba abalira, nga yeesalasala ku mubiri gwe, oba ng'amwa enviiri gha mberi ku mutwe gwe gwaba ng'oti gwa mpaata olw'okunakughala.

Yeremia 21:11

Agho Musengwa Katonda yankoba nkobere ab'oku lulyo olulangira mu Buyudaaya, baidhukulu ba Daudi, nti:

Yeremia 22:10

Imwe abantu b'omu Buyudaaya, mutalirira kyabazinga Yosia eyafa era mutamulumirwa mwoyo. Aye mulirire inho mutabane we Yoahazi ye bali kutwala nga ti wa kwira; kuba taja kwirayo kubona ku nsi ye yazaalibwamu kabiri.

Yeremia 22:12

Aja kufiira eyo mu nsi ye baamutwala. Taja kwirayo kubona nsi eno kabiri.”

Yeremia 34:5

Olifa bya bulungi mu miraala. Era ng'abantu bwe baaniosanga obubbaani nga baziika badhaadha bo abaali bakyabazinga okukusooka, weena batyo bwe balikuniokeza obubbaani. Baja kukulira nga bakoba bati, ‘Wo Kyabazinga waife atufiireku!’ Nze Musengwa Katonda, ninze nkobye.”

Yeremia 36:30

Kale ni, nze Musengwa Katonda nkukoba iwe kyabazinga Yehoiakimu nti toliba na mwidhukulu yeenayeena alifuga bwakyabazinga bwa Daudi. Omulambo gwo baligusuula kuliya, akasana kaagwokya omusana ate empewo ey'ekiinhogogo yaagufuuwa obwire.