Yeremia 22:15 - Baibuli Ekibono kya Katonda 2014

¹⁵ Olowooza oti okuzimbisa omuvule, kikufuula kyabazinga inho okusinga bakyabazinga abandi? Lata wo yalyanga era yaanhwanga ng'akola amazima n'ebituufu. Era ebintu byamujiiranga bukalamu.

Yeremia 22:15 ပူးပေါင်းရင်းမြစ်များ

2 Samueli 8:15

Kale atyo Daudi yaafuga Isiraeli yoonayoona, yaakoleranga abantu be ebintu mu butuufu ni mu mazima.

1 Bakyabazinga 10:9

Musengwa Katonda wo asaakibwe, eyayoleka nga bw'akusiimye, n'akufuula kyabazinga wa Isiraeli. Musengwa Katonda oyo agonza inho Isiraeli, kyeyava n'akufuula kyabazinga, olamulenga mu mazima ni mu butuufu.”

2 Bakyabazinga 22:2

Yosia yaakolanga ebituufu Musengwa Katonda by'asiima, yaajiira ku mpisa ng'edha dhaadha we Daudi, yaaloba kukyuka kudhireka kwira eno oba ere.

2 Bakyabazinga 23:25

Mu bakyabazinga boonaboona abaasookagho Yosia, tighaalighooku waire omulala eyamutuukaku mu kugheereza Musengwa Katonda n'omutima gwe gwonagwona, n'omwoyo gwe gwonagwona, n'amaani ge goonagoona, ng'ajiira ku mateeka ga Musa goonagoona. Ni mu bakyabazinga abaamwiririra mwona timwalimu yamutuukaku.

1 Ebyomubyanda 3:15

Yosia oyo yaazaala abaana bana: Yohanani nga n'omuberi, kwairaku Yehoiakimu, kwairaku Zedekia, kwairaku Shallumu.

2 Ebyomubyanda 34:2

Yosia oyo yaakolanga ebituufu Musengwa Katonda by'asiima, yaajiira ku mpisa enkalamu edha dhaadha we Daudi, yaaloba kukyuka kudhireka kwira eno oba ere.

2 Ebyomubyanda 35:22

Aye era Yosia yaaloba kubivaaku naire, yaaloba kuwulirisa Katonda bye yayogera ng'abita mu Neko. Kale yeefuusafuusa era yaaja okulwana olutalo mu kiketezo eky'oku museetwe e Megiddo.

2 Ebyomubyanda 35:26

Ebindi byonabyona ebigema ku Yosia, n'ebirungi bye yakola ng'ajiira ku byaghandiikibwa mu Mateeka ga Musengwa Katonda,

Ensambo 20:28

Kyabazinga ow'ekivunika era akolera ku mazima aghangaalira ku bufuzi, era olw'okugonza kwe asigala ng'akaali ku kityamo kye eky'obwakyabazinga.

Ensambo 21:3

Okukola ebituufu n'okukolera ku mazima, bisiimya Musengwa Katonda okuwula okumugha emisengo.

Ensambo 25:5

Mu nsambo n'endala, n'ababi bali n'okutoolebwa aghali kyabazinga, memale obufuzi bwe bwajiira ku butuufu.

Ensambo 29:4

Kyabazinga ajiira ku kukola amazima aleetera ensi ye okuba emiraala, aye ole ayenda enguzi buli kiseera aitaitana ensi.

Ensambo 31:9

Boogererengagho, obasalirenga mu butuufu, era olwanirirenga ebyo abaavu n'abali mu bwetaavu bye bagwaniire okukolerwa.”

Omulangirizi 10:17

Ensi eba yeesiimye, omufuzi waayo bw'aba omukulembeze omulungi, era ng'abakungu baayo bakola ebinhumo mu kiseera ekituufu, lwa kwewuumuza bairemu amaani, se ti lwa kutamiira.

Omulangirizi 2:24

Omuntu kye yandikoze ekisinga, kyandibaire kulya, na kunhwa, na kweyagalira mu ebyo by'aba afunie mu kufaabiikana kwe. Aye ekyo kyona nabona nga kiri mu buyinza bwa Katonda

Isaia 3:10

Mukobere abatuufu muti ebyaibwe birungi, kuba baidha kuganhulwanga mu biva mu kukola kwaibwe.

Isaia 33:16

oyo n'aliba aghalungi, mu kifo eky'okwewogomamu ekigumu einho ng'oti n'olubaale. Aliba n'emere ey'okulya era yaaba n'amaadhi ag'okunhwa aghazira kubulirirwa naire.

Isaia 9:7

Obufuzi bwe bwidha kweyongeranga aghazira kukoma emiraala mu bwakyabazinga bwe gyeyongerenga aghazira kusalaku. Alifuga ng'omusika wa Daudi, obuyinza bwe nga bujiira ku kukola mazima na butuufu, okuva mpegaano n'okutuusa ebyanda n'ebyanda. Musengwa Katonda Afuga Amagye aidha kutuukiriza ekyo.

Yeremia 21:12

“Imwe baidhukulu ba Daudi, muwulirise nze Musengwa Katonda bye nkoba: Musalenga emisango mu mazima buli lunaku. Omuntu ye bakiriga mumuwonienga ole amukiriga. Olwo ekiruyi kyange kirobe kutumbuka ng'oti n'omuliro omuntu gw'atasobola kuzikiza, olw'ebibi bye mukola.

Yeremia 22:18

Kale ni, Musengwa Katonda bino by'akoba ebigema ku Yehoiakimu mutabane wa Yosia, era kyabazinga wa Buyudaaya: “Tibalimulirira mbu, ‘Wo muganda wange!’ Oba mbu, ‘Wo mwanhinaze!’ Tibaligegenga mbu, ‘Wo musengwa wange!’ Oba mbu, ‘Wo kyabazinga wange!’

Yeremia 22:3

Musengwa Katonda oyo akoba ati mukolenga amazima n'ebituufu. Omuntu ye batuntuza mumuwonienga ole amutuntuza. Era mutakolanga kibi kyonakyona oba ekikolwa eky'obukambwe ku basenze, oba bamulekwa, oba banamwandu, oba okwitanga abantu abaziraku musango mu ighanga lino.

Yeremia 23:5

Musengwa Katonda era yaakoba ati: “Bona eno, ekiseera kiri kwidha, nteegho omwidhukulu omutuufu owa Daudi abe kyabazinga. Aja kufuganga n'amagezi era aidha kukolanga amazima n'ebituufu mu nsi ye.

Yeremia 42:6

Oba binaatusanhusa oba tibiitusanhuse, twidha kugondera Musengwa Katonda waife ye tuli kukukoba otusabire y'ali. Memale ebintu bisobole okutujiiranga obukalamu.”

Yeremia 7:5

“Mulongoose empisa dhaimwe n'ebikolwa byaimwe. Mukolenga ebituufu mu nkolagana ni banaimwe.

Luka 11:41

Ebiri munda mubigabirenga abaavu, era agho byonabyona lwe binaabanga ebirongoofu.

Ebikolwa by'Abatume 2:46

Baafubanga buli lunaku okuba aghalala mu isinzizo, era baajanga mu ndhu dhaibwe okumegula omugaati. Emere nga bagiriisa isanhu na kwisania

1 Ab'e Korintho 10:31

Kale buli kye mukolanga, oba kulya oba kunhwa, mukikolenga olw'okugheesa Katonda ekitiisa.

Amateeka Agokubiri 4:40

Mukuumenga amateeka ge n'ebiragiro bye, bye ndi kubagha olwaleero, mughange okubanga obukalamu, imwe n'abaana baimwe abaliiragho, era mughangaalire mu nsi, Musengwa Katonda waimwe y'ali kubagha okubanga eyaimwe enaku dhoonadhoona.”