Yeremia 22:14 - Baibuli Ekibono kya Katonda 2014

¹⁴ Akagwireku oyo akoba mule ati, ‘Ndidha kwezimbira endhu enkologho, ng'eriku ebisenge ebya ghaigulu ebigazi. Ngiteeku amadinisa, ngidholigedholige n'embaawo edh'omuvule, era ngisiige langi ya kasaayisaayi.’

Yeremia 22:14 ပူးပေါင်းရင်းမြစ်များ

2 Samueli 7:2

Lwali lulala, Daudi oyo yaakoba Nathani omulanzi ati: “Bona eno, nze nsula mu ndhu eyazimbwa n'emiti emivule, aye Esanduuku ya Katonda yaaba bwa mu weema!”

2 Ebyomubyanda 3:5

Ekisenge ekinene baakighembaku embaawo edh'emiti emisipuressi, ate ku ngulu kwadho baalimbyaku zaabu omukenenule era baatonaku ebifaananie eby'emiti eminaazi n'eby'endhegere.

Ensambo 17:19

Ole agonza okusoola aleeta kutabukatabuka; era ole eyeekuluntaza anoonia kuzikirira.

Ensambo 24:27

Sooka otereeze emirimo gyo egy'okuliya, era otegeke bukalamu emisiri gyo, memale weezimbire endhu.

Olwembo 1:17

emiti emivule gibe empango edh'omu ndhu yaife, ate emiti emisipuressi gibe embaawo edh'akasolya kaayo.

Isaia 9:9

Abantu boonaboona ab'omu Isiraeli n'abatyamye b'omu Samaria balimanha. Buti beekuluntaza era beesaakiriza nga bakoba bati:

Ezekieli 23:14

“Aye ono yaswisaagho mu bwamalaaya bwe, kuba yabona ebifaananie eby'abasaadha Abababilonia bye baakuba ku bimante mu langi ya kasaayisaayi,

Danieli 4:30

yaakoba ati: “Ha, bona Babiloni bwekiri ekikologho! Nakizimba n'obukumu bwange n'amaani gange, kibe ekibuga omuli ekisaagaati kyange eky'obwakyabazinga obw'ekitiisa.”

Amosi 6:8

Musengwa Katonda afuga amagye, alayiire ati: “Neesiniirwa okwekuluntaza kw'Abaisiraeli, era endhu dhaibwe edhibeeyagaza tidhiinhoonha naire. Kye ndiva ni mpaayo ekibuga kyaibwe ekikulu n'ebikirimu byonabyona eri abazigu baibwe.”

Haggai 1:4

“Lwaki imwe beene musula mu mayumba amayooyoote, aye ng'eisinzizo lyange liri bifulukwa byereere?

Malaki 1:4

Abantu Abaedomu baidhukulu ba Esau, basobola okukoba bati: “Waire endhu dhaife baadhimenhamenha, tuliiramu twadhizimba twadhiizaagho.” Aye Musengwa Katonda Afuga Amagye akoba ati: “Baleke bazimbe, aye era nja kudhimenhamenha, okutuusa bwe balyetebwa ‘Eighanga ery'abakozi b'ebibi’, era ‘Abantu Musengwa Katonda be yasungughalira okuva eira n'eira, ebyanda n'ebyanda.’ ”