Yeremia 22:11 - Baibuli Ekibono kya Katonda 2014

¹¹ Ebigema ku mutabane wa kyabazinga Yosia eyasikira ise oyo ku bwakyabazinga bwa Buyudaaya, aye ni bamutoola kuno, Musengwa Katonda abyogeraku ati: “Yava kuno, yaaja era takaira.

Yeremia 22:11 ပူးပေါင်းရင်းမြစ်များ

2 Bakyabazinga 23:29

Mu biseera bye ng'akaali kyabazinga, kyabazinga Neko ow'e Misiri yaidha n'eigye okubeeraku kyabazinga w'e Assiria kumpi n'omwiga Eufurate. Agho kyabazinga Yosia yaaja okumulwanisa. Neko bwe yabona Yosia, yaamwitira e Megiddo.

2 Bakyabazinga 23:30

Abagheereza be baamutwalira mu kigaali eky'omu lutalo nga mufu, okumutoola e Megiddo okumutwala e Yerusalemu, baamuziika mu magombe ge. Abantu ab'omu Buyudaaya baalonda mutabane we Yehoahazi, baamusiiga omuzigo okumufuula kyabazinga mu kifo kya lata we oyo.

2 Bakyabazinga 23:31

Yehoahazi yali agheza emyaka amakumi abiri n'esatu egy'obukulu ghe yafuukira kyabazinga wa Buyudaaya. Era yaafuga okumala entangama ya myezi esatu mu Yerusalemu. Inhina nga ni Hamutali, mughala wa Yeremia ow'e Libuna.

2 Bakyabazinga 23:34

Kyabazinga Neko oyo yaataagho Eliakimu mutabane wa Yosia, yaamufuula kyabazinga mu kifo kya lata we Yosia. Era yaakyusa eriina lya Eliakimu, yaamutuuma Yehoiakimu. Aye kyabazinga Neko oyo yaatwala Yehoahazi e Misiri, Yehoahazi yaafiira eyo.

1 Ebyomubyanda 3:15

Yosia oyo yaazaala abaana bana: Yohanani nga n'omuberi, kwairaku Yehoiakimu, kwairaku Zedekia, kwairaku Shallumu.

2 Ebyomubyanda 28:12

Agho abandi ku bakulembeze, boona nga ba mu kika kya Efuraimu, baatakania abo abaali bali kwira okuva mu lutalo. Abakulembeze abo nga ni bano: Azaria mutabane wa Yohanani, ni Berekia mutabane wa Meshillemothi, ni Yehizekia mutabane wa Shallumu, ni Amasa mutabane wa Hadulai.

2 Ebyomubyanda 34:22

Agho Hilikia n'abo kyabazinga be yatuma, baaja eri Huluda omulanzi omukazi, muka Shallumu. Shallumu oyo yali mutabane wa Tokathi era mwidhukulu wa Hasara. Omukazi oyo yabanga mu kiketezo ekiyaaka ekya Yerusalemu, era nga iba oyo Shallumu n'akuuma eiterekero ly'ebivaalo eby'omu isinzizo. Agho baayogera n'omukazi oyo ku nsonga eyo.

Yeremia 22:27

Mulyegomba okwira mu nsi eno kabiri, aye timuliira naire.”

Zefania 1:1

Buno n'obukwenda Musengwa Katonda bwe yatuma Zefania aje akobere abantu, mu biseera bya kyabazinga wa Buyudaaya eyayetebwanga Yosia, eyali mutabane wa Amoni. Zefania oyo yali mutabane wa Kushi, Kushi yali mutabane wa Gedalia, Gedalia yali mutabane wa Amaria, Amaria yali mutabane wa kyabazinga Hezekia.