Yeremia 21:7 - Baibuli Ekibono kya Katonda 2014

⁷ Aye iwe Zedekia, n'abakungu bo, n'abantu abandi abaliwona olutalo n'endwaire eyo n'endhala, nja kubalekera kyabazinga Nebukadinezzari n'abazigu baimwe abandi abendanga okubaita, babageme. Nebukadinezzari oyo aja kubaita aghazira kusonigha waire okusaasira. Nze Musengwa Katonda, ninze nkobye.’ ”

Yeremia 21:7 ပူးပေါင်းရင်းမြစ်များ

Isaia 27:11

Ensaga dh'emiti gyamu bwe dhikala, abakazi badhikookola, baadhigherera ng'enku. Era ng'abantu abo bwe baziramu naire akategeera, Katonda eyabatonda talibasaasira waire okubagemerwa ekivunika.

Isaia 47:6

Nasungughalira abantu bange, naababisa ng'oti tibakaali bange. Naabakugha okubafuga, waaloba kubasaasiraku naire. N'abakaire boona waabafugisa bukambwe.

Yeremia 13:14

Memale mbakontaganie buli muntu ku mwine, k'abe omuto oba omukulu. Nga ghazira kusaasira, oba okusonigha, waire okugemerwa omuntu ekivunika, aye okutoolaku okubazikiriza obuzikirize.”

Yeremia 14:12

Ni bwe banaasiiba, nze tija kuwulirisa bye bansaba nga bandirira. Era ni bwe banampanga ebigheebwayo ebyokebwa n'ebigheebwayo eby'emere y'empeke, nze tiidha kubasiimanga. Aye ndidha bwa kubazikiriza mu ntalo era mbasindikire endhala n'endwaire ya kawumpuli bibaite.”

Yeremia 15:5

“Musengwa Katonda akoba ati: ‘Imwe abantu bange ab'e Yerusalemu, naani alibasaasira? Naani aliwulira enaku olwaimwe? Naani alikyukira ewaimwe ababuuze okumanha embeera ye mulimu?

Yeremia 15:9

Omukazi eyazaala abaana omusanvu aziriike, amaani gaamuwaamu. Abona nzikiiza waire nga bukaali musana. Ensoni dhimugemye yaaswala. Abo abaliba nga bakaasigairegho ku imwe, ndibaleka abazigu baabaita. Nze Musengwa Katonda, ninze nkobye.”

Yeremia 19:7

Mu kifo ekyo mwe nditabuliratabulira entegeka dhoonadhoona edh'abantu b'omu Buyudaaya n'ab'omu Yerusalemu. Ndireetera abazigu baibwe okubaghangula era baabaitira mu ntalo. Emirambo gyaibwe ndigigabula enhonhi n'ensolo edh'omu nsiko dhaagirya.

Yeremia 20:4

Musengwa Katonda mwene akobye ati, ‘Bona, ndidha kukufuula ekintu ekitiisa eri iwe mwene n'eri bakagwa bo, era olibona nga boonaboona baitibwa abazigu baibwe mu lutalo. Nja kughaayo abantu b'omu Buyudaaya boonaboona mu ngalo dha kyabazinga w'e Babilonia. Abandi alibatwala e Babilonia ng'abanhage, ate abandi yaabaita.

Yeremia 22:25

Nandikughaireyo y'abantu b'otya, abenda okukwita. Era ndikughaayo eri Nebukadinezzari kyabazinga w'e Babilonia, n'eri abaisirukale be.

Yeremia 27:6

Era mperaano ninze mpaire omugheereza wange, kyabazinga Nebukadinezzari ow'e Babilonia, okufuga amaghanga gano goonagoona. Era naamugha n'ensolo edh'omu nsiko dhoona dhimugheereze.

Yeremia 32:4

Ni kyabazinga Zedekia yeena taliwona, balimutwala ye kyabazinga w'e Babilonia oyo, yaayogera naye nga babonagana maiso ku maiso.

Yeremia 34:3

Era iwe kyabazinga Zedekia weena toliwona. Balikugema baakutwala ye kyabazinga w'e Babilonia oyo, waayogera naye nga mubonagana maiso ku maiso. Era balimala baakutwala e Babilonia.

Yeremia 36:29

Era kyabazinga oyo omukobe oti, ‘Wayokya enzingo y'ekitabo era waabuuza Yeremia lwaki yaghandiika ati kyabazinga ow'e Babilonia aliidha yaazikiriza ensi eno, era yaita abantu baamu n'ensolo dhaamu.’

Yeremia 37:17

Nga ghabiseeghooku ekiseera, kyabazinga Zedekia yandhetesa bantwale ye yali, era bwenatuukayo yambuuza nga tuli twenka ati: “Ghalighooku obukwenda obuva ye Musengwa?” Nze naamwiramu nti: “Buligho.” Era naamukoba nti: “Iwe baidha kukughaayo eri kyabazinga ow'e Babilonia.”

Yeremia 50:17

Musengwa Katonda akoba ati: “Abaisiraeli bali ng'oti ntaama edhirumuka ni dhisansaana ng'empologoma dhiri kudhibinga. Kyabazinga ow'e Assiria n'eyasooka okubalumba, memale kabiri kyabazinga Nebukadinezzari ow'e Babilonia yaababegeta amagumba.

Okulira 2:20

Wo Musengwa Katonda, tulingirire obone bwe tudaaga. Naani ye waali obisiisaaku oti? Kibangaghooku abakazi okulya abaana abaibwe beene, be baakuza obukalamu nga babagonza? Kibangaghooku bakabona n'abalanzi okwitirwa mu kifo kya Musengwa ekitukuvu?

Okulira 2:22

Wayeta abazigu bange baaneezungulula, ng'oti n'abantu abeesoloiza ku lunaku olw'embaga ey'ekibinuko ekyalagirwa. Era Musengwa Katonda, ku olwo lunaku lwe wasungughaliraku, nga ghazira asobola kukunuuka oba kukuwona. Abazigu bange baazikiriza abaana be nalera ni nkuza.

Ezekieli 23:28

Musengwa Katonda akoba ati: “Bona eno, ndikughaayo mu ngalo dh'abo be wakyagha, abo be wakyuka n'oleka nga bakusinie.

Ezekieli 7:9

Tija kusaasiraku naire omulala ati oba okumugemerwa ekivunika. Nja kubabonereza olw'ebibi byonabyona ebyenhinhalwa bye mwakola. Olwo mumanhe nga ninze Musengwa Katonda, era nga ninze abonereza.”

Ezekieli 8:18

Kale ni ndibakolaku n'ekiruyi ekindiku. Tirisaasiraku naire omulala ati oba okumugemerwa ekivunika. Era ni bwe balinsaba nga baleekaanira ghaigulu, tija kubawulira naire.”

Ezekieli 9:10

Aye tirisaasiraku naire omulala ati, oba okumugemerwa ekivunika. Ndibeesasuulizaaku olw'ebyo bye baakola.”

Amateeka Agokubiri 28:50

Balimoga bukambwe bwereere, nga tibafa ku bakaire, waire okusaasira abaana abato.